II Bruă Mtao 9:5 - Klei Aê Diê Blŭ 2015

⁵ Tơdah ñu truh, nĕ anei phung khua kahan dôk trông čhai. Ñu lač, “Ơ khua kahan, kâo mâo sa bruă čiăng ngă kơ ih.” Leh anăn Y-Jêhu lač, “Kơ hlei pô hlăm phung hmei lĕ?” Ñu lač, “Kơ ih yơh, Ơ khua kahan.”

II Bruă Mtao 9:5 Iomraidhean Croise

II Bruă Mtao 9:2

Tơdah ih truh ti anăn, brei ih duah Y-Jêhu anak êkei Y-Jôsaphat, čô Y-Nimsi. Mŭt hlăm sang ñu leh anăn brei ñu kgŭ mơ̆ng ti krah phung găp ñu, leh anăn atăt ñu kơ sa boh adŭ ti lam.

II Bruă Mtao 9:4

Snăn êkei hlăk ai khua pô hưn êlâo anăn nao kơ ƀuôn Ramôt-Galaat.

II Bruă Mtao 9:6

Snăn Y-Jêhu kgŭ leh anăn mŭt hlăm sang; leh anăn êkei hlăk ai anăn hlĭng êa ƀâo mngưi ti boh kŏ gơ̆, leh anăn lač kơ gơ̆, “Snei klei Yêhôwa Aê Diê phung Israel lač, Kâo trôč êa ƀâo mngưi ti boh kŏ ih brei ih jing mtao kiă kriê phung Israel, phung ƀuôn sang Yêhôwa.

Phung Khua Phat Kđi 3:19

Ƀiădah ñu pô lŏ wĭt kơ tluôn ti rup boh tâo krah, giăm Gilgal, leh anăn lač, “Ơ mtao, kâo mâo sa klei hgăm čiăng hưn kơ ih.” Snăn mtao lač, “Dôk kriêp.” Leh anăn jih jang phung kăp đru mtao kbiă mơ̆ng anôk ñu dôk.