II Bruă Mtao 9:3 - Klei Aê Diê Blŭ 2015

³ Leh anăn mă giêt êa ƀâo mngưi, hlĭng ti boh kŏ ñu, leh anăn lač, ‘Snei klei Yêhôwa lač, Kâo trôč êa ƀâo mngưi kơ ih brei jing mtao kiă kriê phung Israel.’ Leh anăn pŏk bĕ ƀăng bhă leh anăn êran đuĕ, đăm lŏ dôk ôh.”

II Bruă Mtao 9:3 Iomraidhean Croise

I Bruă Mtao 1:34

leh anăn brei khua ngă yang Y-Sadôk leh anăn khua pô hưn êlâo Y-Nathan trôč êa ƀâo mngưi kơ ñu tinăn brei jing mtao kơ phung Israel. Leh anăn brei diih ayŭ ki leh anăn ur lač, ‘Mtao Salômôn lă lar!’

I Bruă Mtao 19:16

leh anăn brei ih trôč êa ƀâo mngưi kơ Y-Jêhu anak êkei Y-Nimsi brei jing mtao phung Israel; leh anăn brei ih trôč êa ƀâo mngưi kơ Y-Êlisê anak êkei Y-Saphat mơ̆ng ƀuôn Aƀel-Mêhôla jing khua pô hưn êlâo hrô anôk ih.

II Bruă Mtao 8:13

Y-Hasael lač, “Ya jing dĭng buăl ih, pô jing knŏng sa drei asâo, tơl ñu ngă klei jhat prŏng anăn?” Y-Êlisê lŏ wĭt lač, “Yêhôwa bi êdah leh kơ kâo kơ ih srăng jing mtao kiă kriê čar Siri.”

II Bruă Mtao 9:6

Snăn Y-Jêhu kgŭ leh anăn mŭt hlăm sang; leh anăn êkei hlăk ai anăn hlĭng êa ƀâo mngưi ti boh kŏ gơ̆, leh anăn lač kơ gơ̆, “Snei klei Yêhôwa Aê Diê phung Israel lač, Kâo trôč êa ƀâo mngưi ti boh kŏ ih brei ih jing mtao kiă kriê phung Israel, phung ƀuôn sang Yêhôwa.

II Klei Yăl Dliê 22:7

Ƀiădah Aê Diê čuăn leh klei lĕ Y-Ahasia srăng truh hŏng klei ñu nao čhưn kơ Y-Jôram. Kyuadah tơdah ñu truh tinăn, ñu kbiă nao mbĭt hŏng Y-Jôram čiăng bi tuôm hŏng Y-Jêhu anak êkei Y-Nimsi, pô anei Yêhôwa trôč leh êa ƀâo mngưi brei bi rai sang Y-Ahap.

Klei Kbiă 29:7

Brei ih mă êa ƀâo mngưi pioh trôč, hlĭng ti dlông boh kŏ ñu, leh anăn trôč ñu.

Y-Đaniel 2:1

Thŭn tal dua ênuk ñu kiă kriê, mtao Nebukanetsar mâo klei êpei ƀuh. Ai mĭn ñu rŭng răng leh anăn ñu amâo dưi pĭt ôh.

Y-Đaniel 4:35

Jih jang mnuih ti lăn ala jing msĕ si hơăi mang; leh anăn Ñu ngă tui si klei Ñu čiăng hlăm phung kahan hlăm adiê leh anăn hlăm phung mnuih ti lăn ala; amâo mâo sa čô dưi kơ̆ng kngan Ñu ôh, amâodah lač kơ Ñu, “Ya klei Ih ngă?”

Y-Đaniel 5:18

Ơ mtao, Aê Diê Pô Ti Dlông Hĭn brei leh kơ Y-Nebukatnetsar ama ih ƀuôn ala mtao, klei jing prŏng, klei guh kơang, leh anăn klei kdrăm.

Bruă Lêwi 8:12

Ñu hlĭng čiăng trôč êa ƀâo mngưi ti boh kŏ Y-Arôn čiăng pioh brei gơ̆.

Y-Mathiơ 10:16

“Nĕ anei, Kâo tiŏ nao diih msĕ si phung biăp ti krah phung asâo tan. Snăn brei diih thâo răng msĕ si ala leh anăn ênang msĕ si mgăm.

Y-Mathiơ 2:13

Leh phung knhâo đuĕ wĭt, nĕ anei mâo sa čô dĭng buăl jăk Khua Yang bi êdah hlăm klei êpei kơ Y-Yôsep leh anăn lač, “Kgŭ bĕ ih, mă hđeh điêt leh anăn amĭ Gơ̆, đuĕ kơ čar Êjip, leh anăn dôk tinăn tơl kâo srăng lŏ hưn kơ ih; kyuadah mtao Hêrôt dơ̆ng duah hđeh điêt čiăng bi mdjiê hĕ Gơ̆.”

Y-Mathiơ 26:7

êjai Ñu dôk huă ƀơ̆ng mâo sa čô mniê djă sa giêt êa ƀâo mngưi yuôm snăk nao kơ Ñu leh anăn hlĭng êa ƀâo mngưi anăn ti boh kŏ Ñu.

I Y-Samuel 10:1

Y-Samuel mă sa giêt êa ƀâo mngưi leh anăn hlĭng ti dlông boh kŏ Y-Sôl, čŭm ñu, leh anăn lač, “Amâo djŏ hĕ Yêhôwa trôč leh êa ƀâo mngưi ti ih čiăng brei ih jing mtao kiă kriê phung ƀuôn sang Ñu Israel? Ih srăng kiă kriê phung ƀuôn sang Yêhôwa leh anăn ih srăng bi mtlaih diñu mơ̆ng phung roh diñu jŭm dar. Anei srăng jing klei bi knăl kơ klei Yêhôwa trôč ih hŏng êa ƀâo mngưi brei ih jing mtao kiă kriê ngăn dưn Ñu.

I Y-Samuel 15:1

Y-Samuel lač kơ Y-Sôl, “Yêhôwa tiŏ hriê kâo leh čiăng trôč êa ƀâo mngưi kơ ih brei ih jing mtao kơ phung ƀuôn sang Ñu Israel. Snăn ară anei dôk hmư̆ bĕ klei Yêhôwa lač.

I Y-Samuel 15:17

Y-Samuel lač, “Wăt tơdah ih jing điêt kơ ală ih pô, amâo djŏ hĕ ih jing khua kơ phung găp djuê Israel? Yêhôwa trôč leh êa ƀâo mngưi brei ih jing mtao kơ phung Israel.

I Y-Samuel 16:2

Y-Samuel lač, “Si kâo dưi nao lĕ? Tơdah Y-Sôl hmư̆ klei anăn ñu srăng bi mdjiê kâo.” Yêhôwa lač, “Đoh ba mbĭt hŏng ih sa drei êmô ana ra, leh anăn lač, ‘Kâo hriê čiăng ngă yang kơ Yêhôwa.’

I Y-Samuel 9:16

“Mgi hlăm brô mông anei, Kâo srăng tiŏ nao kơ ih sa čô êkei mơ̆ng čar Benjamin, leh anăn brei ih trôč êa ƀâo mngưi ti ñu, brei ñu jing khua kiă kriê phung ƀuôn sang Kâo Israel. Ñu srăng bi mtlaih phung ƀuôn sang Kâo mơ̆ng kngan phung Philistin; kyuadah Kâo ƀuh leh klei knap mñai phung ƀuôn sang Kâo, kyuadah klei diñu ur krao truh leh kơ Kâo.”