II Bruă Mtao 8:9 - Klei Aê Diê Blŭ 2015

⁹ Snăn Y-Hasael nao bi tuôm hŏng Y-Êlisê leh anăn mă ba mbĭt hŏng ñu dŏ myơr, djăp mta mnơ̆ng mơ̆ng ƀuôn Damas, pă pluh aseh samô mdiăng. Tơdah ñu truh leh anăn dôk dơ̆ng ti anăp Y-Êlisê, ñu lač, “Anak êkei ih Y-Ben-Hadat mtao Siri tiŏ hriê kâo kơ ih brei lač, ‘Kâo srăng hlao mơ̆ mơ̆ng klei ruă anei?’ ”

II Bruă Mtao 8:9 Iomraidhean Croise

I Bruă Mtao 14:3

Mă ba mbĭt hŏng ih pluh klŏ kpŭng, đa đa klŏ ƀêñ, leh anăn sa giêt êa hnuê, leh anăn nao bĕ kơ ñu. Ñu srăng hưn kơ ih ya srăng truh kơ anak anei.”

I Bruă Mtao 15:18

Hlăk anăn Y-Asa mă jih jang prăk leh anăn jih jang mah ăt dôk hlăm ngăn drăp sang Yêhôwa leh anăn ngăn drăp sang mtao, leh anăn jao jih dŏ anăn hlăm kngan phung dĭng buăl ñu. Mtao Asa tiŏ nao digơ̆ kơ Y-Ben-Hadat anak êkei Y-Tabrimôn, čô Y-Hêsiôn, Mtao Siri dôk ti ƀuôn Damas, leh anăn lač,

I Bruă Mtao 19:15

Yêhôwa lač kơ ñu, “Nao wĭt bĕ ti êlan ih phă kdrăn tač ƀuôn Damas. Leh anăn tơdah ih truh, brei ih trôč êa ƀâo mngưi kơ Y-Hasael jing mtao čar Siri,

II Bruă Mtao 1:2

Y-Ahasia lĕ mơ̆ng adŭ ñu tal dlông hlăm ƀuôn Samari leh anăn dôk đih ruă. Snăn ñu tiŏ nao phung mnuih leh anăn lač kơ digơ̆, “Nao êmuh bĕ kơ Baal-Sêbup, yang ƀuôn Êkron, thâodah kâo srăng hlao hĕ mơ̆ng klei ruă anei.”

II Bruă Mtao 13:14

Tơdah Y-Êlisê ruă leh, hŏng klei ruă anăn ñu srăng djiê, Y-Jôas mtao Israel trŭn nao kơ ñu leh anăn hia ti anăp ñu, lač, “Ơ ama kâo, Ơ ama kâo! Êdeh aseh Israel leh anăn phung đĭ aseh anăn!”

II Bruă Mtao 16:7

Snăn Y-Ahas tiŏ nao mnuih kơ Y-Tiglat-Pilêser mtao Asiri, lač, “Kâo jing dĭng buăl ih leh anăn anak êkei ih. Hriê bĕ, bi mtlaih kâo mơ̆ng kngan mtao Siri leh anăn mơ̆ng kngan mtao Israel, phung dôk ngă kơ kâo.”

II Bruă Mtao 5:13

Ƀiădah phung dĭng buăl ñu hriê giăm leh anăn lač kơ ñu, “Ơ ama kâo, tơdah khua pô hưn êlâo mtă kơ ih ngă sa mnơ̆ng dleh, ih amâo srăng ngă mơ̆? Snăn djŏ hĭn mơh tơdah ñu lač leh kơ ih, ‘Mnei bĕ leh anăn jing doh.’ ”

II Bruă Mtao 5:5

Mtao Siri lač, “Nao bĕ, leh anăn kâo srăng mơĭt hră kơ mtao Israel.” Snăn ñu nao, mă ba mbĭt hŏng ñu pluh talăng prăk, năm êbâo sêkel mah, leh anăn pluh blah čhiăm ao pioh hơô êjai klei huă mnăm.

II Bruă Mtao 6:21

Tơdah mtao Israel ƀuh diñu, gơ̆ lač kơ Y-Êlisê, “Ơ ama, kâo srăng bi mdjiê diñu mơ̆?”

Khua Pô Mtô 3:6

hlăk duah mnơ̆ng, leh anăn hlăk luč mnơ̆ng, hlăk pioh mnơ̆ng, leh anăn hlăk hwiê hĕ mnơ̆ng anăn,

Y-Philêmôn 1:14

Ƀiădah kâo amâo čiăng ngă sa mta klei ôh tơdah amâo mâo klei ih tŭ, čiăng kơ klei jăk ih ngă amâo djŏ hŏng klei mgô̆ ôh, ƀiădah tui si klei êngiê ih čiăng.

I Y-Samuel 25:8

Êmuh bĕ kơ phung hlăk ai ih, leh anăn diñu srăng hưn klei anăn kơ ih. Kyuanăn brei phung êkei hlăk ai kâo mâo klei pap ti anăp ală ih, kyuadah hmei hriê ti hruê mâo klei huă mnăm. Akâo kơ ih brei ya mnơ̆ng ih mâo kơ phung dĭng buăl ih leh anăn kơ anak êkei ih Y-Đawit.’ ”

I Y-Samuel 9:7

Leh anăn Y-Sôl lač kơ dĭng buăl ñu, “Ƀiădah tơdah drei nao, ya mnơ̆ng drei dưi djă ba kơ ñu? Kyuadah kpŭng hlăm kdô drei jih leh, leh anăn amâo mâo ôh mnơ̆ng drei dưi myơr kơ mnuih Aê Diê anei. Ya drei mâo?”