Biblia Todo Logo
Bìoball air-loidhne

- Sanasan -




II Bruă Mtao 8:8 - Klei Aê Diê Blŭ 2015

8 mtao lač kơ Y-Hasael, “Mă mbĭt hŏng ih dŏ myơr leh anăn nao bi tuôm hŏng mnuih Aê Diê. Ksiêm êmuh kơ Yêhôwa hŏng ñu êjai lač, ‘Kâo srăng hlao mơ̆ mơ̆ng klei ruă anei?’ ”

Faic an caibideil Dèan lethbhreac




II Bruă Mtao 8:8
11 Iomraidhean Croise  

Yêhôwa lač kơ ñu, “Nao wĭt bĕ ti êlan ih phă kdrăn tač ƀuôn Damas. Leh anăn tơdah ih truh, brei ih trôč êa ƀâo mngưi kơ Y-Hasael jing mtao čar Siri,


Hlei pô tlaih mơ̆ng đao gưm Y-Hasael, Y-Jêhu srăng bi mdjiê ñu; leh anăn hlei pô tlaih mơ̆ng đao gưm Y-Jêhu, Y-Êlisê srăng bi mdjiê ñu.


leh anăn lač kơ mtao, “Snei Yêhôwa lač, ‘Kyuadah ih tiŏ nao leh phung mnuih êmuh kơ Baal-Sêbup yang ƀuôn Êkron — djŏ mơ̆ kyuadah amâo mâo Aê Diê ôh hlăm čar Israel čiăng êmuh kơ klei ñu blŭ? — kyuanăn ih amâo srăng kgŭ mơ̆ng jhưng pĭt ih đih anăn ôh, ƀiădah sĭt nik ih srăng djiê.’ ”


Y-Ahasia lĕ mơ̆ng adŭ ñu tal dlông hlăm ƀuôn Samari leh anăn dôk đih ruă. Snăn ñu tiŏ nao phung mnuih leh anăn lač kơ digơ̆, “Nao êmuh bĕ kơ Baal-Sêbup, yang ƀuôn Êkron, thâodah kâo srăng hlao hĕ mơ̆ng klei ruă anei.”


Diñu lač kơ gơ̆, “Mâo sa čô êkei hriê bi tuôm hŏng hmei leh anăn lač kơ hmei, ‘Wĭt bĕ kơ mtao pô tiŏ nao diih leh anăn lač kơ ñu, Snei Yêhôwa lač, Djŏ mơ̆ kyuadah amâo mâo Aê Diê ôh hlăm phung Israel tơl ih tiŏ nao arăng êmuh kơ Baal-Sêbup yang ƀuôn Êkron? Kyuanăn ih amâo srăng kgŭ ôh mơ̆ng jhưng pĭt ih đih anăn, ƀiădah sĭt nik ih srăng djiê.’ ”


Mtao Siri lač, “Nao bĕ, leh anăn kâo srăng mơĭt hră kơ mtao Israel.” Snăn ñu nao, mă ba mbĭt hŏng ñu pluh talăng prăk, năm êbâo sêkel mah, leh anăn pluh blah čhiăm ao pioh hơô êjai klei huă mnăm.


Mâo sa čô lač kơ Ñu, “Ơ Khua Yang, djŏ mơ̆ knŏng ƀiă mnuih srăng tlaih?”


Ñu brei digơ̆ kbiă leh anăn lač, “Ơ phung khua, ya kâo srăng ngă čiăng mâo klei bi mtlaih?”


Leh anăn Y-Sôl lač kơ dĭng buăl ñu, “Ƀiădah tơdah drei nao, ya mnơ̆ng drei dưi djă ba kơ ñu? Kyuadah kpŭng hlăm kdô drei jih leh, leh anăn amâo mâo ôh mnơ̆ng drei dưi myơr kơ mnuih Aê Diê anei. Ya drei mâo?”


Lean sinn:

Sanasan


Sanasan