II Bruă Mtao 8:6 - Klei Aê Diê Blŭ 2015

⁶ Tơdah mtao êmuh kơ mniê anăn, gơ̆ yăl dliê klei anăn kơ ñu. Snăn mtao ktrâo brei kơ ñu sa čô khua leh anăn lač, “Brei ih lŏ bi wĭt jih jang dŏ gơ̆, mbĭt hŏng jih boh mơ̆ng hma dơ̆ng mơ̆ng hruê ñu kbiă mơ̆ng čar truh ti hruê anei.”

II Bruă Mtao 8:6 Iomraidhean Croise

Klei Mphŭn Dơ̆ng 37:36

Phung Madian čhĭ Y-Yôsep hlăm čar Êjip kơ Y-Pôtipar, khua phung kahan Pharaôn, khua kahan phung gak.

II Y-Samuel 9:7

Y-Đawit lač kơ ñu, “Đăm huĭ ôh; kyuadah kâo srăng bi êdah kơ ih klei jăk kyua ama ih Y-Jônathan, leh anăn kâo srăng lŏ bi wĭt kơ ih jih lăn Y-Sôl aê ih. Leh anăn ih srăng huă ƀơ̆ng ti jhưng huă kâo nanao.”

II Bruă Mtao 8:5

Êjai ñu dôk yăl dliê kơ mtao si Y-Êlisê bi hdĭp sa čô djiê leh, nĕ anei mniê mâo anak êkei Y-Êlisê lŏ bi hdĭp leh kwưh kơ mtao kyua sang leh anăn lăn gơ̆. Y-Gêhasi lač, “Ơ khua kâo mtao, nĕ anei mniê leh anăn anak êkei gơ̆, pô Y-Êlisê lŏ bi hdĭp leh.”

II Bruă Mtao 8:7

Y-Êlisê truh kơ ƀuôn Damas. Y-Ben-Hadat mtao Siri dôk ruă. Tơdah arăng hưn kơ Y-Ben-Hadat, “Mnuih Aê Diê truh leh tinei,”

II Bruă Mtao 9:32

Gơ̆ angưi dlăng kơ ƀăng bhă điêt leh anăn lač, “Hlei pô dôk tĭng kơ kâo? Hlei pô?” Dua amâodah tlâo čô dĭng buăl kriâo dlăng kơ gơ̆.

I Klei Yăl Dliê 28:1

Y-Đawit bi kƀĭn ti ƀuôn Yêrusalem jih jang phung khua prŏng phung Israel, phung khua krĭng, khua êpul mă bruă kơ mtao, phung khua kơ sa êbâo čô, phung khua kơ sa êtuh čô, phung khua kiă ngăn dŏ leh anăn êmô mtao leh anăn phung anak êkei ñu, mbĭt hŏng phung khua kiă kriê sang mtao, phung kahan jhŏng ktang, leh anăn jih jang phung thâo bi blah.

Klei Bi Hriêng 16:7

Tơdah klei hdĭp sa čô mnuih bi mơak kơ Yêhôwa, Ñu brei wăt phung roh gơ̆ dôk êđăp ênang hŏng gơ̆.

Klei Bi Hriêng 21:1

Ai tiê mtao jing msĕ si sa hnoh êa hlăm kngan Yêhôwa, Yêhôwa brei gơ̆ đoh phă anôk Ñu čiăng.

Klei Mtô Mñă Klei Bhiăn 22:2

Tơdah pô gơ̆ amâo dôk giăm diih ôh, amâodah tơdah diih amâo thâo kral ñu ôh, brei diih đoh ba wĭt gơ̆ kơ sang diih, leh anăn gơ̆ srăng dôk hlăm sang diih tơl ayŏng adei diih êmuh duah gơ̆. Hlăk anăn diih srăng bi wĭt gơ̆ kơ ñu.

Phung Khua Phat Kđi 11:13

Mtao phung Amôn lŏ wĭt lač kơ phung Y-Jêptê tiŏ nao, “Kyuadah phung Israel hlăk diñu kbiă mơ̆ng čar Êjip plah mă čar kâo, dơ̆ng mơ̆ng êa krông Arnôn truh kơ êa krông Jabôk leh anăn truh kơ êa krông Yurdan. Snăn ară anei, bi wĭt gơ̆ hŏng klei êđăp ênang.”