II Bruă Mtao 8:16 - Klei Aê Diê Blŭ 2015

¹⁶ Hlăm thŭn tal êma Y-Jôram anak êkei Y-Ahap mtao Israel, Y-Jôram anak êkei Y-Jôsaphat mtao Yuđa dơ̆ng kiă kriê.

II Bruă Mtao 8:16 Iomraidhean Croise

I Bruă Mtao 22:42

Y-Jôsaphat mâo tlâo pluh êma thŭn tơdah ñu dơ̆ng kiă kriê, leh anăn ñu kiă kriê dua pluh êma thŭn hlăm ƀuôn Yêrusalem. Anăn amĭ ñu H'Asuba anak mniê Y-Silhi.

I Bruă Mtao 22:44

Y-Jôsaphat msĕ mơh ngă klei êđăp ênang hŏng mtao Israel.

I Bruă Mtao 22:50

Y-Jôsaphat djiê nao dôk mbĭt hŏng phung aê ñu, leh anăn arăng dơr ñu mbĭt hŏng phung aê ñu hlăm ƀuôn Y-Đawit, aê ñu. Leh anăn Y-Jôram anak êkei ñu kiă kriê čuê ñu.

I Bruă Mtao 22:51

Y-Ahasia anak êkei Y-Ahap dơ̆ng kiă kriê phung Israel hlăm ƀuôn Samari hlăm thŭn tal pluh kjuh Y-Jôsaphat mtao Yuđa. Leh anăn ñu kiă kriê phung Israel dua thŭn.

II Bruă Mtao 1:17

Snăn ñu djiê tui si klei Yêhôwa blŭ leh hŏng Y-Êli. Y-Jôram adei ñu jing mtao hrô ñu hlăm thŭn tal dua Y-Jôram anak êkei Y-Jôsaphat mtao Yuđa, kyuadah Y-Ahasia amâo mâo anak êkei ôh.

II Bruă Mtao 11:2

Ƀiădah H'Jôsêba anak mniê mtao Y-Jôram, adei mniê Y-Ahasia, mă Y-Jôas anak êkei Y-Ahasia leh anăn tlĕ mă gơ̆ mơ̆ng phung anak êkei mtao arăng dơ̆ng bi mdjiê, leh anăn ñu dưm gơ̆ leh anăn mniê kiă kriê gơ̆ hlăm sa boh adŭ pĭt, mdăp gơ̆ kơ H'Athali. Kyuanăn arăng amâo bi mdjiê gơ̆ ôh,

II Bruă Mtao 3:1

Hlăm thŭn tal pluh sa păn Y-Jôsaphat mtao Yuđa, Y-Jôram anak êkei Y-Ahap jing mtao kiă kriê phung Israel hlăm ƀuôn Samari. Ñu kiă kriê êjai pluh dua thŭn.

II Bruă Mtao 8:25

Hlăm thŭn tal pluh dua Y-Jôram anak êkei Y-Ahap mtao Israel, Y-Ahasia anak êkei Y-Jôram mtao Yuđa dơ̆ng kiă kriê.

II Klei Yăl Dliê 22:1

Phung dôk hlăm ƀuôn Yêrusalem brei Y-Ahasia anak êkei ñu mda hĭn jing mtao čuê ñu; kyuadah phung mnuih hriê mbĭt hŏng phung Arap kơ kđông kahan bi mdjiê leh jih jang phung anak êkei ñu khua hĭn. Snăn Y-Ahasia anak êkei Y-Jôram mtao Yuđa kiă kriê.