II Bruă Mtao 8:12 - Klei Aê Diê Blŭ 2015

¹² Y-Hasael lač, “Si ngă khua kâo hia lĕ?” Y-Êlisê lŏ wĭt lač, “Kyuadah kâo thâo klei jhat ih srăng ngă kơ phung ƀuôn sang Israel. Ih srăng čuh lu kđông diñu, ih srăng bi mdjiê hŏng đao gưm phung êkei hlăk ai diñu, leh anăn bi mčah đơ điêt phung hđeh diñu, leh anăn mbliah tian phung mô̆ diñu ba tian.”

II Bruă Mtao 8:12 Iomraidhean Croise

I Bruă Mtao 18:13

Amâo djŏ hĕ arăng amâo hưn kơ khua kâo klei kâo ngă leh tơdah H'Jêsêbel bi mdjiê phung khua pô hưn êlâo Yêhôwa, klei kâo mdăp leh sa êtuh čô khua pô hưn êlâo Yêhôwa hlăm dua êpul êma pluh čô hlăm ƀăng čư̆, leh anăn čiêm digơ̆ hŏng kpŭng leh anăn êa?

I Bruă Mtao 19:17

Hlei pô tlaih mơ̆ng đao gưm Y-Hasael, Y-Jêhu srăng bi mdjiê ñu; leh anăn hlei pô tlaih mơ̆ng đao gưm Y-Jêhu, Y-Êlisê srăng bi mdjiê ñu.

II Bruă Mtao 12:17

Hlăk anăn Y-Hasael mtao Siri đĭ nao bi blah hŏng ƀuôn Gat leh anăn mă gơ̆. Ƀiădah tơdah Y-Hasael anăp đĭ nao bi blah hŏng ƀuôn Yêrusalem,

II Bruă Mtao 12:18

Y-Jôas mtao Yuđa mă jih jang mnơ̆ng arăng myơr hŏng klei ƀuăn, dŏ anăn Y-Jôsaphat, Y-Jôram, leh anăn Y-Ahasia phung aê ñu, phung mtao Yuđa, pioh brei leh, leh anăn mnơ̆ng ñu pô myơr hŏng klei ƀuăn, leh anăn jih jang mah mâo hlăm adŭ pioh ngăn sang Yêhôwa leh anăn sang mtao, leh anăn mơĭt dŏ anăn kơ Y-Hasael mtao Siri. Leh anăn Y-Hasael đuĕ mơ̆ng ƀuôn Yêrusalem.

II Bruă Mtao 13:22

Y-Hasael mtao Siri ktư̆ juă phung Israel jih ênuk Y-Jôača.

II Bruă Mtao 13:3

Yêhôwa čuh ai ngêñ kơ phung Israel, leh anăn Ñu jao digơ̆ nanao hlăm kngan Y-Hasael mtao Siri leh anăn hlăm kngan Y-Ben-Hadat anak êkei Y-Hasael.

II Bruă Mtao 13:7

Kyuadah ñu amâo lui ôh kơ Y-Jôača sa phung kahan êbeh hĭn kơ êma pluh čô đĭ aseh, leh anăn pluh boh êdeh aseh, leh anăn pluh êbâo čô êbat jơ̆ng; kyuadah mtao Siri bi rai hĕ digơ̆ leh anăn mjing digơ̆ msĕ si ƀruih ti anôk prah mdiê.

II Bruă Mtao 15:16

Hlăk anăn Y-Menahem plah bi rai ƀuôn Tapua leh anăn jih jang phung dôk hlăm anăn leh anăn kdriêl lăn gơ̆ mơ̆ng ƀuôn Tirsa; kyuadah digơ̆ amâo pŏk ƀuôn kơ ñu ôh, kyuanăn ñu plah bi rai gơ̆, leh anăn ñu mbliah tian jih jang mniê ba tian hlăm ƀuôn anăn.

II Bruă Mtao 4:28

Leh anăn gơ̆ lač, “Kâo tuôm akâo mơ̆ kơ khua kâo čiăng mâo sa čô anak êkei? Amâo djŏ hĕ kâo lač leh, Đăm luar kơ kâo ôh?”

Y-Êsai 13:16

Arăng srăng prah bi mdjiê anak điêt diñu ti anăp ală diñu pô; arăng srăng plah mă mnơ̆ng hlăm sang diñu leh anăn gô̆ mô̆ diñu.

Y-Êsai 13:18

Diñu srăng bi mdjiê phung êkei hlăk ai hŏng hna; diñu amâo srăng pap ôh kơ phung hđeh ĭ, ală diñu amâo srăng hơưi kơ phung hđeh ôh.

Y-Ôsê 10:14

Klei hao hao kơ klei bi blah srăng ngă kơ phung ƀuôn sang diih, leh anăn jih jang kđông mgang diih srăng rai, msĕ si Y-Salman bi rai ƀuôn Bet-Arbel hlăm hruê bi blah; arăng juă bi rai phung amĭ mbĭt hŏng phung anak diñu.

Y-Ôsê 13:16

Phung Samari srăng klam klei diñu jing soh leh, kyuadah diñu bi kdơ̆ng leh hŏng Aê Diê diñu. Diñu srăng lĕ buh hŏng đao gưm, phung anak điêt diñu arăng srăng prah bi mdjiê, leh anăn arăng srăng briah phung mniê ba tian diñu.”

Y-Ôsê 14:1

Ơ Israel, lŏ wĭt bĕ kơ Yêhôwa Aê Diê ih, kyuadah ih lĕ buh leh kyua klei soh ih.

Y-Amôs 1:13

Snei Yêhôwa lač: “Kyua tlâo mta klei phung anak čô Amôn gao klei bhiăn, wăt pă mta mơh, Kâo amâo srăng bi mlih ôh klei Kâo bi kmhal; kyuadah diñu briah leh tian phung mniê ba tian hlăm čar Galaat, čiăng bi prŏng knông lăn diñu.

Y-Nahum 3:10

Ƀiădah arăng mđuĕ ba ñu leh, ñu nao jing mnă leh; phung anak điêt ñu arăng juă dlăr đơ điêt ti kang jih jang êlan dơ̆ng; arăng mđăo čiăng mâo phung mnuih ñu mpŭ, leh anăn jih jang phung êkei prŏng ñu arăng kă leh hŏng klei săng đai.