II Bruă Mtao 8:11 - Klei Aê Diê Blŭ 2015

¹¹ Y-Êlisê dôk dlăng kơ ñu tơl ñu hêñ, leh anăn mnuih Aê Diê hia.

II Bruă Mtao 8:11 Iomraidhean Croise

Klei Mphŭn Dơ̆ng 45:2

Ñu hia kraih tơl phung Êjip hmư̆ leh anăn sang Pharaôn hmư̆ mơh.

II Bruă Mtao 15:29

Hlăm ênuk Y-Pêka mtao Israel, Y-Tiglat-Pilêser mtao Asiri hriê leh anăn mă hĕ ƀuôn Ijôn, ƀuôn Aƀel-Bet-Maka, ƀuôn Janôa, ƀuôn Kêdes, ƀuôn Hasôr, čar Galaat, čar Galilê, leh anăn jih lăn phung Naptali. Leh anăn ñu atăt ba phung ƀuôn sang jing mnă kơ čar Asiri.

II Bruă Mtao 2:17

Ƀiădah tơdah diñu mgô̆ gơ̆ tơl gơ̆ hêñ, gơ̆ lač, “Tiŏ nao bĕ.” Snăn diñu tiŏ nao êma pluh čô êkei. Êjai tlâo hruê diñu duah Y-Êli, ƀiădah amâo ƀuh gơ̆ ôh.

Klei Mmuñ Hđăp 119:136

Êa ală kâo ƀlĕ msĕ si êa hnoh, kyuadah phung mnuih amâo gưt ôh kơ klei bhiăn Ih.

Y-Yêrêmi 13:17

Ƀiădah tơdah diih amâo čiăng dôk hmư̆ ôh, mngăt kâo srăng hia hŏng klei hgăm, kyua klei mgao diih; ală kâo srăng hia ênguôt snăk leh anăn rôč êa ală, kyuadah phung biăp Yêhôwa arăng srăng mă mjing mnă.

Y-Yêrêmi 14:17

Brei ih lač kơ diñu klei anei: ‘Brei ală kâo rôč êa ală hruê mlam, leh anăn amâo mdei ôh kyuadah anak mniê êra hrông phung ƀuôn sang kâo êka kjham snăk, arăng ngă klei jŭ jhat snăk kơ diñu.

Y-Yêrêmi 4:19

Knap mñai yơh, knap mñai yơh kâo! Kâo đih klŭng hlăm klei ruă. Ai tiê kâo ênguôt êdi! Kâo amâo dưi dôk ñăt ôh, kyuadah mngăt kâo hmư̆ leh asăp ki hưn mâo klei bi blah truh.

Y-Yêrêmi 9:1

Ơ, čiăng kơ boh kŏ kâo jing kbăng êa, leh anăn ală kâo jing akŏ êa ală, snăn kâo dưi hia hruê mlam kyua phung anak mniê phung ƀuôn sang kâo djiê leh!

Y-Yêrêmi 9:18

brei diñu ruăt čŏk hia kơ drei, čiăng kơ ală drei hia ƀlĕ êa ală, leh anăn pŭk ală drei bi rôč êa.

Y-Luk 19:41

Tơdah Yêsu giăm truh leh anăn ƀuh ƀuôn Yêrusalem, Ñu hia kyua ƀuôn anăn, lač,

Y-Yôhan 11:35

Yêsu hia.

Bruă Phung Khua Ƀĭng Kna 20:19

Kâo mă bruă kơ Khua Yang hŏng jih klei luă gŭ, hŏng klei hia, êjai lu klei lông dlăng truh kơ kâo mơ̆ng klei phung Yuđa trông čhai čiăng ngă jhat kơ kâo.

Bruă Phung Khua Ƀĭng Kna 20:31

Snăn răng bĕ, brei diih hdơr êjai tlâo thŭn leh kâo amâo mdei ôh hruê mlam mtô kơ grăp čô diih hŏng klei hia.

Hră Y-Pôl Mơĭt kơ Phung Rôm 9:2

kơ ai tiê kâo ênguôt êdimi leh anăn rŭng răng nanao.

Philip 3:18

Kyuadah tui si kâo blŭ leh jêñ jêñ kơ diih, leh anăn lŏ blŭ ară anei hŏng klei hia, mâo lu phung hdĭp msĕ si phung roh hŏng kyâo bi kal Krist.