II Bruă Mtao 8:1 - Klei Aê Diê Blŭ 2015

¹ Y-Êlisê lač leh kơ mniê mâo anak êkei ñu lŏ bi hdĭp anăn, “Kgŭ nao bĕ mbĭt hŏng sang ih, leh anăn dôk jưh ti anôk ih dưi; kyuadah Yêhôwa mtă leh srăng mâo sa klei ư̆ êpa, leh anăn klei anăn srăng truh kơ čar êjai kjuh thŭn.”

II Bruă Mtao 8:1 Iomraidhean Croise

Klei Mphŭn Dơ̆ng 12:10

Ênuk anăn mâo klei ư̆ êpa hlăm čar anăn. Snăn Y-Abram trŭn nao kơ čar Êjip čiăng dôk êjai tinăn, kyuadah klei ư̆ êpa prŏng hlăm čar.

Klei Mphŭn Dơ̆ng 26:1

Mâo klei ư̆ êpa hlăm čar, êdei hŏng klei ư̆ êpa hlăm ênuk Y-Abraham. Y-Isăk nao ti ƀuôn Gêrar kơ Y-Abimêlek mtao phung Philistin.

Klei Mphŭn Dơ̆ng 41:25

Y-Yôsep lač kơ Pharaôn, “Klei Pharaôn êpei jing sa: Aê Diê bi êdah leh kơ Pharaôn si klei Ñu srăng ngă.

Klei Mphŭn Dơ̆ng 41:32

Klei êpei bi êdah dua blư̆ kơ Pharaôn, kyua Aê Diê čuăn leh klei anăn, leh anăn Aê Diê srăng brei ñu truh djăl.

Klei Mphŭn Dơ̆ng 41:54

Kjuh thŭn mâo klei ư̆ êpa dơ̆ng truh tui si Y-Yôsep lač leh. Mâo klei ư̆ êpa hlăm jih jang čar; ƀiădah hlăm jih čar Êjip mâo mnơ̆ng ƀơ̆ng huă.

Klei Mphŭn Dơ̆ng 47:4

Diñu lač kơ Pharaôn, “Hmei truh čiăng dôk bhiâo hlăm čar anei; kyuadah amâo lŏ mâo ôh anôk rơ̆k mda kơ biăp phung dĭng buăl ih, kyuadah klei ư̆ êpa knap snăk hlăm čar Kanaan. Snăn hmei akâo kơ ih, brei phung dĭng buăl ih dôk hlăm krĭng Gôsen.”

II Y-Samuel 21:1

Êjai tlâo thŭn mâo klei ư̆ êpa hlăm ênuk Y-Đawit. Y-Đawit duah ƀô̆ mta Yêhôwa. Leh anăn Yêhôwa lač, “Mâo klei soh tuh êrah ti Y-Sôl leh anăn phung sang ñu yơh, kyuadah ñu bi mdjiê leh phung Gabaôn.”

II Y-Samuel 24:13

Snăn Y-Gat nao kơ Y-Đawit leh anăn hưn kơ ñu, lač, “Srăng mâo tlâo thŭn ư̆ êpa truh kơ čar ih mơ̆? Amâodah ih srăng đuĕ êjai tlâo mlan ti anăp phung roh ih tiŏ ih mơ̆? Amâodah srăng mâo tlâo hruê klei ruă tưp djiê hlăm čar ih mơ̆? Snăn ară anei brei ih mĭn leh anăn ruah klei kâo srăng lŏ wĭt lač kơ pô tiŏ hriê kâo leh.”

I Bruă Mtao 17:1

Y-Êli êkei ƀuôn Tisbê hlăm čar Galaat lač kơ Y-Ahap, “Tui si Yêhôwa Aê Diê Israel dôk hdĭp, ti anăp ñu kâo dôk dơ̆ng, amâo srăng mâo êa nguôm, kăn mâo hjan rei hlăm đa đa thŭn anei, knŏng tui si kâo blŭ.”

I Bruă Mtao 18:2

Snăn Y-Êli nao bi êdah gơ̆ pô kơ Y-Ahap. Klei ư̆ êpa jing kjham ti čar Samari.

II Bruă Mtao 4:18

Tơdah anak anăn hriê kơ prŏng leh, sa hruê ñu kbiă nao kơ ama ñu dôk mbĭt hŏng phung wiă.

II Bruă Mtao 4:36

Y-Êlisê iêô Y-Gêhasi leh anăn lač, “Iêô bĕ mniê ƀuôn Sunem.” Snăn Y-Gêhasi iêô gơ̆. Leh anăn tơdah gơ̆ hriê kơ Y-Êlisê, ñu lač, “Pŭ bĕ anak êkei ih.”

II Bruă Mtao 4:38

Y-Êlisê lŏ hriê kơ ƀuôn Gilgal hlăk mâo klei ư̆ êpa hlăm čar. Êjai phung anak êkei phung khua pô hưn êlâo dôk gŭ ti anăp ñu, ñu lač kơ dĭng buăl ñu, “Drŏng gŏ prŏng, leh anăn riă bur kơ phung anak êkei phung khua pô hưn êlâo.”

II Bruă Mtao 7:20

Snăn klei anăn truh kơ ñu, kyuadah phung ƀuôn sang juă ñu ti ƀăng jang leh anăn ñu djiê.

II Bruă Mtao 8:2

Snăn mniê anăn kgŭ leh anăn ngă tui si klei mnuih Aê Diê blŭ. Gơ̆ đuĕ nao mbĭt hŏng sang gơ̆, leh anăn dôk jưh hlăm čar Philistin êjai kjuh thŭn.

Klei Mmuñ Hđăp 105:16

Tơdah Ñu brei klei ư̆ êpa truh kơ čar, leh anăn mă hĕ jih mnơ̆ng ƀơ̆ng huă,

Klei Mmuñ Hđăp 107:34

mbliư̆ lăn čăt mnơ̆ng jing lăn msĭn, kyua klei ƀai phung dôk tinăn.

Y-Yêrêmi 25:29

Kyuadah nĕ anei, Kâo dơ̆ng bi truh klei jhat kơ ƀuôn prŏng arăng pia hŏng Anăn Kâo, leh anăn ih srăng tlaih kơ klei bi kmhal mơ̆? Ih amâo srăng tlaih ôh kơ klei bi kmhal, kyuadah Kâo iêô đao gưm ngă kơ jih jang phung dôk ti lăn ala, Yêhôwa kơ phung kahan lač.’ ”

Bruă Lêwi 26:26

Tơdah Kâo srăng bi luč mnơ̆ng ƀơ̆ng huă diih, pluh čô mniê srăng ăm kpŭng diih hlăm sa boh kpur, leh anăn srăng ba kpŭng diih hŏng klei mkă; leh anăn diih srăng ƀơ̆ng ƀiădah amâo trei ôh.

Y-Amôs 4:6

“Kâo brei leh kơ diih klei ư̆ êpa hlăm jih jang ƀuôn prŏng diih, klei kƀah kpŭng hlăm jih jang anôk diih, ƀiădah diih amâo lŏ wĭt kơ Kâo ôh,” Yêhôwa lač.

Y-Agê 1:11

Kâo iêô brei adiê không leh kơ lăn leh anăn kơ kbuôn, kơ asăr mjeh, kơ kpiê mrâo, kơ êa boh ôliwơ, kơ mnơ̆ng čăt mơ̆ng lăn, kơ mnuih, kơ êmô biăp, leh anăn kơ jih jang bruă diih ngă hŏng kngan diih.”

Y-Luk 21:11

Srăng mâo klei yơ̆ng lăn ala ktang, leh anăn hlăm lu bĭt anôk srăng mâo klei ư̆ êpa leh anăn klei ruă djiê, leh anăn srăng mâo klei bi huĭ snăk leh anăn klei bi knăl mdê prŏng mơ̆ng adiê.

Y-Luk 21:22

Kyuadah hlăk anăn jing hruê klei rŭ ênua, čiăng bi sĭt jih klei arăng čih leh.

Y-Luk 4:25

Kâo lač kơ diih sĭt nik, ênuk Y-Êli mâo lu phung mniê djiê ung hlăm čar Israel êjai adiê không tlâo thŭn mkrah, mâo klei ư̆ êpa prŏng truh kơ tar ƀar čar.

Bruă Phung Khua Ƀĭng Kna 11:28

Sa čô hlăm phung diñu, anăn gơ̆ Y-Agabus, kgŭ leh anăn hưn êlâo hŏng Yang Mngăt Jăk srăng mâo klei ư̆ êpa prŏng tar ƀar lăn ala. Klei ư̆ êpa anăn truh sĭt hlăm ênuk mtao Klôd kiă kriê.

H'Rut 1:1

Hlăm ênuk phung khua phat kđi kiă kriê mâo klei ư̆ êpa hlăm čar. Mâo sa čô êkei mơ̆ng ƀuôn Betlêhem hlăm čar Yuđa nao dôk bhiâo hlăm čar Môap mbĭt hŏng mô̆ ñu leh anăn dua čô anak êkei ñu.