II Bruă Mtao 7:7 - Klei Aê Diê Blŭ 2015

⁷ Snăn diñu đuĕ êjai mmăt wai băk, lui hĕ sang čhiăm diñu, aseh diñu, leh anăn aseh dliê diñu, lui kđông ăt dôk snăn, leh anăn đuĕ mtlaih klei hdĭp diñu.

II Bruă Mtao 7:7 Iomraidhean Croise

I Bruă Mtao 10:29

Arăng dưi blei sa boh êdeh aseh mơ̆ng čar Êjip hŏng năm êtuh sêkel prăk, leh anăn sa drei aseh hŏng sa êtuh êma pluh prăk; leh anăn phung mblei mnia kơ mtao lŏ čhĭ kơ jih jang phung mtao Hitit leh anăn phung mtao Siri.

I Bruă Mtao 20:20

Grăp čô bi mdjiê mnuih ñu tuôm. Phung Siri đuĕ, leh anăn phung Israel tiŏ diñu. Ƀiădah Y-Ben-Hadat mtao Siri đuĕ đĭ aseh mbĭt hŏng phung kahan đĭ aseh.

Y-Yôp 18:11

Klei bi huĭ dôk jŭm gah găn, leh anăn tiŏ ti tluôn grăp knhuang ñu.

Klei Mmuñ Hđăp 33:17

Klei arăng knang kơ aseh čiăng mâo klei dưi jing hơăi mang; amâo mâo dưi bi mtlaih hŏng klei ktang prŏng gơ̆ ôh.

Klei Mmuñ Hđăp 68:12

“Phung mtao kơ lu phung kahan đuĕ, diñu đuĕ yơh!” Phung mniê dôk kiă sang bi mbha dŏ plah sua.

Klei Bi Hriêng 21:1

Ai tiê mtao jing msĕ si sa hnoh êa hlăm kngan Yêhôwa, Yêhôwa brei gơ̆ đoh phă anôk Ñu čiăng.

Klei Bi Hriêng 28:1

Mnuih ƀai đuĕ wăt tơdah amâo mâo pô tiŏ ñu ôh, ƀiădah phung kpă dôk jhŏng msĕ si êmông gu.

Klei Bi Hriêng 6:5

Bi mtlaih bĕ ih pô msĕ si ktŏng mơ̆ng kngan mnuih hiu lua, msĕ si čĭm mơ̆ng kngan mnuih hiu wăk.

Y-Êsai 2:20

Hlăm hruê anăn phung mnuih srăng hwiê hĕ kơ kkuih leh anăn kơ knhuăr rup yang prăk leh anăn rup yang mah diñu, diñu ngă leh pioh kkuh mpŭ.

Hêbrơ 6:18

Čiăng kơ hŏng dua klei amâo thâo mlih ôh, leh anăn hlăm dua klei anăn Aê Diê amâo dưi luar ôh, phung drei đuĕ dăp leh hlăm Ñu dưi mâo klei bi mđĭ ai ktang čiăng djă pioh klei čang hmăng Aê Diê ƀuăn leh kơ drei.

Phung Khua Phat Kđi 7:21

Grăp čô diñu dôk hlăm anôk ñu pô jŭm kđông, leh anăn jih jang phung kahan Madian êran, ur leh anăn đuĕ.

I Y-Samuel 14:15

Mâo klei huĭ snăk hlăm kđông, hlăm hma, leh anăn hlăm jih phung ƀuôn sang; phung kahan hlăm kđông leh anăn phung êpul tlĕ kăp bi rai ktư̆ yơ̆ng; lăn ktư̆ yơ̆ng, leh anăn mâo klei bi huĭ prŏng snăk.