II Bruă Mtao 7:4 - Klei Aê Diê Blŭ 2015

⁴ Tơdah drei lač, ‘Brei drei mŭt hlăm ƀuôn,’ klei ư̆ êpa dôk hlăm ƀuôn leh anăn drei srăng djiê tinăn. Tơdah drei dôk tinei drei srăng djiê msĕ mơh. Snăn bơ drei nao kơ kđông phung Siri. Tơdah diñu hơưi kơ klei hdĭp drei, drei srăng hdĭp; leh anăn tơdah diñu bi mdjiê drei, knŏng drei srăng djiê.”

II Bruă Mtao 7:4 Iomraidhean Croise

II Y-Samuel 14:14

Jih jang drei srăng djiê yơh, leh anăn drei jing msĕ si êa tuh leh ti lăn, amâo dưi lŏ bi kƀĭn mbĭt ôh; ƀiădah Aê Diê amâo srăng mă hĕ ôh klei hdĭp pô duah êlan amâo čiăng pioh pô ñu suôt leh êkŭt nanao.

II Bruă Mtao 6:24

Êdei tinăn Y-Ben-Hadat mtao Siri rĭng jih phung kahan ñu leh anăn đĭ nao wang ƀuôn Samari.

II Bruă Mtao 7:5

Snăn ti mmăt wai băk diñu kgŭ nao kơ kđông phung Siri; ƀiădah tơdah diñu truh ti knhal kđông phung Siri, nĕ anei amâo mâo sa čô tinăn ôh.

I Klei Yăl Dliê 12:19

Mâo đa đa phung găp djuê Manasê đuĕ nao kơ Y-Đawit tơdah ñu hriê mbĭt hŏng phung Philistin čiăng bi blah hŏng Y-Sôl. (Ƀiădah Y-Đawit amâo đru phung Philistin ôh, kyuadah phung khua Philistin kčĕ leh anăn tiŏ nao ñu lač, “Ñu srăng đuĕ dôk tĭng kơ khua ñu Y-Sôl jing klei jhat kơ drei.”)

H'Êsther 4:16

“Nao bĕ, bi kƀĭn jih jang phung Yuđa dôk hlăm ƀuôn Susa, kăm ƀơ̆ng huă kyua kâo, leh anăn đăm ƀơ̆ng huă kăn mnăm rei êjai tlâo hruê, hruê amâodah mlam. Msĕ mơh kâo leh anăn phung dĭng buăl mniê kâo srăng kăm ƀơ̆ng huă msĕ si diih. Leh anăn kơh kâo srăng nao kơ mtao, wăt tơdah gao klei bhiăn dưn; leh anăn tơdah kâo djiê, kâo djiê yơh.”

Y-Yêrêmi 14:18

Tơdah kâo nao kơ hma, nĕ anei, mâo tinăn phung djiê leh hŏng đao gưm! Leh anăn tơdah kâo mŭt hlăm ƀuôn, nĕ anei, mâo tinăn lu klei ruă mơ̆ng klei ư̆ êpa! Kyuadah phung khua pô hưn êlâo wăt phung khua ngă yang hiu rưng hlăm čar diñu amâo thâo ôh.’ ”

Y-Yêrêmi 8:14

“Si ngă drei ăt dôk gŭ? Bi kƀĭn bĕ mbĭt! Brei drei mŭt hlăm ƀuôn mâo mnư̆ kjăp leh anăn rai tuč tinăn! Kyuadah Yêhôwa Aê Diê drei bi kčah leh klei bi rai drei, leh anăn brei drei mnăm êa kêč kam, kyuadah drei ngă soh leh hŏng Yêhôwa.

Y-Yôna 3:9

Hlei thâo, năng ai Aê Diê srăng bi mlih klei mĭn leh anăn lui hĕ klei Ñu ngêñ hlơr, čiăng kơ drei amâo srăng rai tuč ôh?”

Hêbrơ 9:27

Leh anăn čuăn leh kơ mnuih srăng djiê sa blư̆, leh klei anăn tŭ klei phat kđi,