II Bruă Mtao 7:16 - Klei Aê Diê Blŭ 2015

¹⁶ Snăn phung ƀuôn sang kbiă leh anăn plah mă mnơ̆ng hlăm kđông phung Siri; snăn sa hnơ̆ng kpŭng ƀhĭ arăng čhĭ kơ sa sêkel prăk, leh anăn dua hnơ̆ng mdiê ôrgơ arăng čhĭ kơ sa sêkel prăk, tui si klei Yêhôwa blŭ.

II Bruă Mtao 7:16 Iomraidhean Croise

II Bruă Mtao 7:1

Ƀiădah Y-Êlisê lač, “Hmư̆ bĕ klei Yêhôwa blŭ: Snei Yêhôwa lač, Mgi hlăm brô mông anei mơh, arăng srăng čhĭ sa hnơ̆ng kpŭng ƀhĭ kơ sa sêkel prăk, leh anăn dua hnơ̆ng mdiê ôrgơ kơ sa sêkel prăk ti ƀăng jang ƀuôn Samari.”

II Bruă Mtao 7:15

Snăn digơ̆ tiŏ phung Siri truh ti êa krông Yurdan; leh anăn nĕ anei, tuč êlan bŏ hŏng čhiăm ao leh anăn mnơ̆ng phung Siri hwiê hĕ hŏng klei ruăt. Phung arăng tiŏ nao wĭt leh anăn hưn kơ mtao.

II Klei Yăl Dliê 20:25

Tơdah Y-Jôsaphat leh anăn phung ƀuôn sang ñu truh čiăng plah mă dŏ dô digơ̆, diñu ƀuh êmô biăp lu êdimi, dŏ dô, čhiăm ao, leh anăn mnơ̆ng yuôm, dŏ anăn diñu mă kơ diñu pô tơl diñu amâo dưi djă ba mnơ̆ng mkăn ôh. Êjai tlâo hruê diñu dôk plah mă, kyuadah dŏ dô lu êdi.

Klei Mmuñ Hđăp 68:12

“Phung mtao kơ lu phung kahan đuĕ, diñu đuĕ yơh!” Phung mniê dôk kiă sang bi mbha dŏ plah sua.

Klei Mmuñ Hđăp 68:13

Tơdah diñu dôk ti war biăp, diñu jing msĕ si siap mgăm luôm hŏng prăk, leh anăn mlâo gơ̆ kñĭ msĕ si mah doh.

Y-Êsai 33:1

Knap mñai yơh kơ ih, Ơ pô bi rai, êjai arăng amâo bi rai ih ôh, Ơ pô lhiăr, êjai arăng amâo lhiăr kơ ih ôh! Tơdah ih mdei leh klei bi rai, arăng srăng bi rai ih mơh; tơdah ih ruê̆ leh ngă klei lhiăr, arăng srăng lhiăr kơ ih mơh.

Y-Êsai 33:23

Bră ih kruh leh, ñu amâo dưi kă kjăp gơ̆ng čhiăm ôh, amâodah mblang čhiăm. Hlăk anăn arăng srăng bi mbha lu mnơ̆ng plah mă, wăt pô êwiên srăng mâo mơh kdrêč kơ ñu.

Y-Êsai 33:4

Mnơ̆ng diih plah mă, Ơ phung ƀuôn sang, jih wiă leh hŏng ktuôp; msĕ si ktuôp bi phung, phung mnuih klăm mă leh gơ̆.

Y-Êsai 44:26

Pô bi sĭt klei dĭng buăl Ñu blŭ, leh anăn bi truh ya klei phung Ñu tiŏ nao hưn; Pô lač kơ ƀuôn Yêrusalem, ‘Arăng srăng dôk hlăm ñu,’ leh anăn kơ jih jang ƀuôn čar Yuđa, ‘Arăng srăng lŏ mdơ̆ng diñu, leh anăn Kâo srăng rŭ mdơ̆ng djah diñu rai leh;’

Klei Yap 23:19

Aê Diê amâo jing sa čô mnuih ôh, tơl Ñu luar, amâodah sa čô anak êkei mnuih, tơl Ñu bi mlih klei Ñu mĭn. Ya klei Ñu lač leh, Ñu amâo srăng ngă klei anăn mơ̆? Ya klei Ñu hưn leh, Ñu amâo srăng bi truh klei anăn mơ̆?

Y-Mathiơ 24:35

Adiê leh anăn lăn ala srăng êgao tuč, ƀiădah klei Kâo blŭ amâo srăng êgao tuč ôh.

I Y-Samuel 17:53

Phung Israel wĭt mơ̆ng tiŏ phung Philistin leh anăn plah mă kđông diñu.