II Bruă Mtao 7:13 - Klei Aê Diê Blŭ 2015

¹³ Sa čô hlăm phung dĭng buăl ñu lač, “Brei đa đa êkei mă êma drei aseh ăt dôk. Kyuadah phung ăt dôk tinei srăng jing msĕ si jih jang phung Israel djiê leh; brei drei tiŏ mnuih nao dlăng.”

II Bruă Mtao 7:13 Iomraidhean Croise

II Bruă Mtao 5:13

Ƀiădah phung dĭng buăl ñu hriê giăm leh anăn lač kơ ñu, “Ơ ama kâo, tơdah khua pô hưn êlâo mtă kơ ih ngă sa mnơ̆ng dleh, ih amâo srăng ngă mơ̆? Snăn djŏ hĭn mơh tơdah ñu lač leh kơ ih, ‘Mnei bĕ leh anăn jing doh.’ ”

II Bruă Mtao 6:33

Êjai ñu ăt dôk blŭ mbĭt hŏng digơ̆, mtao truh kơ ñu leh anăn lač, “Klei dleh anei kbiă hriê mơ̆ng Yêhôwa! Ya yuôm kâo lŏ dôk guôn kơ Yêhôwa?”

II Bruă Mtao 7:12

Mtao kgŭ êjai mlam leh anăn lač kơ phung dĭng buăl ñu, “Kâo srăng hưn kơ diih ya klei phung Siri mkra leh čiăng ngă kơ drei. Diñu thâo kơ drei êpa. Kyua anăn diñu kbiă đuĕ leh mơ̆ng kđông, čiăng mdăp diñu pô hlăm hma, mĭndah ‘Tơdah digơ̆ kbiă mơ̆ng ƀuôn, drei srăng mă digơ̆ hdĭp, leh anăn mŭt hlăm ƀuôn.’ ”

II Bruă Mtao 7:14

Snăn diñu mă dua čô êkei đĭ aseh, leh anăn mtao brei digơ̆ tiŏ phung kahan Siri, leh anăn lač, “Nao dlăng bĕ.”

II Bruă Mtao 7:4

Tơdah drei lač, ‘Brei drei mŭt hlăm ƀuôn,’ klei ư̆ êpa dôk hlăm ƀuôn leh anăn drei srăng djiê tinăn. Tơdah drei dôk tinei drei srăng djiê msĕ mơh. Snăn bơ drei nao kơ kđông phung Siri. Tơdah diñu hơưi kơ klei hdĭp drei, drei srăng hdĭp; leh anăn tơdah diñu bi mdjiê drei, knŏng drei srăng djiê.”

Y-Yêrêmi 14:18

Tơdah kâo nao kơ hma, nĕ anei, mâo tinăn phung djiê leh hŏng đao gưm! Leh anăn tơdah kâo mŭt hlăm ƀuôn, nĕ anei, mâo tinăn lu klei ruă mơ̆ng klei ư̆ êpa! Kyuadah phung khua pô hưn êlâo wăt phung khua ngă yang hiu rưng hlăm čar diñu amâo thâo ôh.’ ”

Klei Čŏk Hia 4:9

Phung djiê kyua đao gưm jing mơak hĭn kơ phung djiê kyua klei ư̆ êpa, diñu djiê ênguôt kyua kƀah boh mơ̆ng hma.