II Bruă Mtao 7:1 - Klei Aê Diê Blŭ 2015

¹ Ƀiădah Y-Êlisê lač, “Hmư̆ bĕ klei Yêhôwa blŭ: Snei Yêhôwa lač, Mgi hlăm brô mông anei mơh, arăng srăng čhĭ sa hnơ̆ng kpŭng ƀhĭ kơ sa sêkel prăk, leh anăn dua hnơ̆ng mdiê ôrgơ kơ sa sêkel prăk ti ƀăng jang ƀuôn Samari.”

II Bruă Mtao 7:1 Iomraidhean Croise

I Bruă Mtao 22:19

Leh anăn Y-Mika lač, “Kyuanăn hmư̆ bĕ klei Yêhôwa blŭ: Kâo ƀuh Yêhôwa dôk gŭ ti jhưng mtao Ñu, leh anăn jih jang phung kahan hlăm adiê dôk dơ̆ng ti djiêô Ñu, tĭng hnuă leh anăn tĭng điâo Ñu.

II Bruă Mtao 20:16

Snăn Y-Êsai lač kơ Y-Hêsêkia, “Hmư̆ bĕ klei Yêhôwa blŭ:

II Bruă Mtao 4:42

Sa čô êkei hriê mơ̆ng ƀuôn Baal-Salisa djă ba kơ mnuih Aê Diê klŏ kpŭng arăng ngă mơ̆ng mdiê hlâo hlang, dua pluh klŏ kpŭng mdiê ôrgơ, leh anăn amung mdiê mrâo hlăm kdô ñu. Y-Êlisê lač, “Brei kơ phung êkei anăn ƀơ̆ng.”

II Bruă Mtao 6:25

Mâo klei ư̆ êpa prŏng hlăm ƀuôn Samari êjai diñu wang ƀuôn anăn, tơl sa boh kŏ aseh dliê arăng čhĭ sa păn pluh sêkel prăk, leh anăn sa kdrêč hlăm pă kab eh ktrâo arăng čhĭ êma sêkel prăk.

II Bruă Mtao 6:33

Êjai ñu ăt dôk blŭ mbĭt hŏng digơ̆, mtao truh kơ ñu leh anăn lač, “Klei dleh anei kbiă hriê mơ̆ng Yêhôwa! Ya yuôm kâo lŏ dôk guôn kơ Yêhôwa?”

II Bruă Mtao 7:16

Snăn phung ƀuôn sang kbiă leh anăn plah mă mnơ̆ng hlăm kđông phung Siri; snăn sa hnơ̆ng kpŭng ƀhĭ arăng čhĭ kơ sa sêkel prăk, leh anăn dua hnơ̆ng mdiê ôrgơ arăng čhĭ kơ sa sêkel prăk, tui si klei Yêhôwa blŭ.

Klei Mmuñ Hđăp 46:5

Aê Diê dôk ti krah ƀuôn anăn, gơ̆ amâo srăng mgei ôh; Aê Diê srăng đru gơ̆ ti mông ang dar.

Klei Kbiă 14:13

Y-Môis lač kơ phung ƀuôn sang, “Đăm huĭ ôh! Dôk kjăp leh anăn kăp dlăng klei bi mtlaih Yêhôwa srăng brei kơ diih hruê anei; kyuadah phung Êjip diih ƀuh hruê anei, diih amâo srăng lŏ ƀuh diñu ôh.

Klei Kbiă 16:12

“Kâo hmư̆ leh klei phung ƀuôn sang Israel blŭ dŭñ dŭñ. Brei ih lač kơ diñu, ‘Ti mmăt wai băk diih srăng ƀơ̆ng čĭm, leh anăn ti aguah diih srăng trei hŏng kpŭng; leh anăn diih srăng thâo kơ Kâo jing Yêhôwa, Aê Diê diih.’ ”

Klei Kbiă 8:23

Snăn Kâo srăng pioh mdê phung ƀuôn sang Kâo hŏng phung ƀuôn sang ih. Klei bi knăl anei srăng truh mgi.” ’ ”

Y-Êsai 1:10

Dôk hmư̆ bĕ klei Yêhôwa blŭ, Ơ phung khua kiă kriê ƀuôn Sôdôm! Mđing knga kơ klei bhiăn Aê Diê drei, diih phung ƀuôn sang Gômôrơ!

Y-Êsêkiêl 37:4

Ñu lŏ lač kơ kâo, “Hưn êlâo bĕ kơ phung klang anei leh anăn lač kơ diñu, ‘Ơ phung klang krô, hmư̆ bĕ klei Yêhôwa blŭ.

Y-Yôhan 6:9

“Mâo sa čô hđeh êdam tinei mâo êma klŏ kpŭng mdiê ôrgơ leh anăn dua drei kan; ƀiădah si dưi djăp kơ mnuih lu lĭn?”

Y-Yôsuê 3:5

Y-Yôsuê lač kơ phung ƀuôn sang, “Bi doh bĕ diih pô, kyuadah mgi Yêhôwa srăng ngă klei yuôm bhăn ti krah diih.”

Klei Bi Êdah 6:6

Leh anăn kâo hmư̆ msĕ si sa asăp ti krah pă drei mnơ̆ng hdĭp lač, “Sa hnơ̆ng mdiê ƀlê kăm sa đơniê, leh anăn tlâo hnơ̆ng mdiê ôrgơ kăm sa đơniê, ƀiădah đăm ngă jhat ôh kơ êa boh ôliwơ leh anăn kơ kpiê!”

I Y-Samuel 11:9

Diñu lač kơ phung hiu hưn hriê leh, “Sơnei brei diih lač kơ phung êkei ƀuôn Jabes-Galaat: ‘Mgi hlăk yang hruê mđiă hlơr, diih srăng mâo klei bi mtlaih.’ ” Tơdah phung hiu hưn truh leh anăn hưn kơ phung êkei ti ƀuôn Jabês, digơ̆ mơak.

I Y-Samuel 15:1

Y-Samuel lač kơ Y-Sôl, “Yêhôwa tiŏ hriê kâo leh čiăng trôč êa ƀâo mngưi kơ ih brei ih jing mtao kơ phung ƀuôn sang Ñu Israel. Snăn ară anei dôk hmư̆ bĕ klei Yêhôwa lač.