II Bruă Mtao 6:9 - Klei Aê Diê Blŭ 2015

⁹ Ƀiădah mnuih Aê Diê mơĭt asăp blŭ kơ mtao Israel, “Răng bĕ, đăm găn ti anôk anei ôh, kyuadah phung Siri truh tinăn.”

II Bruă Mtao 6:9 Iomraidhean Croise

I Bruă Mtao 20:13

Nĕ anei sa čô khua pô hưn êlâo hriê giăm Y-Ahap mtao Israel leh anăn lač, “Snei Yêhôwa lač, Ih ƀuh leh mơ̆ jih jang phung lu lĭn anei? Nĕ anei Kâo srăng jao phung anei hlăm kngan ih hruê anei; leh anăn ih srăng thâo kơ Kâo jing Yêhôwa.”

I Bruă Mtao 20:28

Mâo sa čô mnuih Aê Diê hriê leh anăn lač kơ mtao Israel, “Snei Yêhôwa lač, ‘Kyuadah phung Siri lač leh, “Yêhôwa jing sa čô yang kbuôn ƀiădah ñu amâo jing sa čô yang tlung ôh,” kyuanăn Kâo srăng jao jih phung lu lĭn anei hlăm kngan ih, leh anăn ih srăng thâo kơ Kâo jing Yêhôwa.’ ”

II Bruă Mtao 4:1

Mô̆ sa čô hlăm phung anak phung khua pô hưn êlâo krao kơ Y-Êlisê, “Dĭng buăl ih ung kâo djiê leh; leh anăn ih thâo kơ dĭng buăl ih huĭ mpŭ leh kơ Yêhôwa, ƀiădah pô nư hriê čiăng mă hĕ dua čô anak kâo čiăng mjing digơ̆ hlŭn ñu.”

II Bruă Mtao 4:27

Leh anăn tơdah gơ̆ truh ti čư̆ kơ mnuih Aê Diê, gơ̆ djă jơ̆ng ñu. Y-Gêhasi hriê čiăng suôt hĕ gơ̆, ƀiădah mnuih Aê Diê lač, “Lui gơ̆, kyuadah gơ̆ mâo klei ênguôt ktrŏ; leh anăn Yêhôwa mdăp klei anăn kơ kâo, leh anăn amâo hưn kơ kâo ôh.”

II Bruă Mtao 4:7

Ñu nao hưn kơ mnuih Aê Diê, gơ̆ lač, “Nao čhĭ bĕ êa boh ôliwơ leh anăn tla nư ih, ih leh anăn phung anak êkei ih dưi dôk hdĭp hŏng dŏ ăt dôk.”

II Bruă Mtao 6:10

Mtao Israel tiŏ nao mnuih kơ anôk mnuih Aê Diê hưn leh kơ ñu. Msĕ snăn ñu khăng hưn brei mtao răng, snăn gơ̆ bi mtlaih gơ̆ pô tinăn êbeh kơ sa amâodah dua blư̆.

II Bruă Mtao 6:12

Sa čô hlăm phung dĭng buăl ñu lač, “Amâo mâo pô ôh, Ơ khua kâo mtao, ƀiădah Y-Êlisê khua pô hưn êlâo dôk hlăm čar Israel hưn kơ mtao Israel klei ih blŭ hlăm adŭ ih pĭt.”

II Bruă Mtao 6:8

Tơdah mtao Siri bi blah hŏng phung Israel, ñu trông čhai mbĭt hŏng phung dĭng buăl ñu, lač, “Anôk kđông kâo srăng jing tinei tinăn.”

Y-Yôp 5:12

Ñu bi luč hĕ hdră phung mnêč čiăng ngă, snăn bruă kngan digơ̆ amâo srăng dưi jing ôh.

Klei Mmuñ Hđăp 33:10

Yêhôwa bi luč klei phung găp djuê mnuih kčĕ; Ñu amâo brei truh ôh klei phung ƀuôn sang mĭn čiăng ngă.

Klei Bi Hriêng 22:12

Ală Yêhôwa mgang klei thâo mĭn, ƀiădah Ñu bi luč klei phung lhiăr blŭ.

Y-Yêrêmi 11:18

Yêhôwa hưn klei anăn kơ kâo snăn kâo thâo; leh anăn Ih bi êdah leh kơ kâo klei jhat diñu ngă.

Y-Amôs 3:7

Sĭt nik Aê Diê Yêhôwa amâo ngă sa mta klei ôh tơdah Ñu amâo hưn klei hgăm Ñu kơ phung dĭng buăl Ñu, phung khua pô hưn êlâo.

Klei Bi Êdah 1:1

Klei Yêsu Krist bi êdah tui si Aê Diê brei leh kơ Ñu, čiăng kơ Ñu bi êdah kơ phung dĭng buăl Ñu klei srăng truh djăl. Ñu bi êdah klei anăn hŏng klei Ñu tiŏ nao sa čô dĭng buăl jăk Ñu hưn bi êdah kơ dĭng buăl Ñu Y-Yôhan.