II Bruă Mtao 6:1 - Klei Aê Diê Blŭ 2015

¹ Phung anak êkei phung khua pô hưn êlâo lač kơ Y-Êlisê, “Dlăng bĕ, anôk hmei dôk ti gŭ klei ih kiă kriê jing kniă đei kơ hmei.

II Bruă Mtao 6:1 Iomraidhean Croise

I Bruă Mtao 20:35

Sa čô hlăm phung anak êkei phung khua pô hưn êlâo lač kơ găp ñu tui si klei Yêhôwa mtă, “Kâo akâo kơ ih, čăm hĕ bĕ kâo.” Ƀiădah êkei anăn hngah čăm ñu.

II Bruă Mtao 2:15

Tơdah phung anak êkei phung khua pô hưn êlâo dôk ti ƀuôn Yêrikô ƀuh ñu ti anăp digơ̆, digơ̆ lač, “Mngăt myang Y-Êli dôk leh ti Y-Êlisê.” Digơ̆ nao bi tuôm hŏng ñu, leh anăn buôn ti lăn ti anăp ñu.

II Bruă Mtao 2:3

Phung anak êkei phung khua pô hưn êlâo dôk hlăm ƀuôn Bêthel kbiă nao kơ Y-Êlisê leh anăn lač kơ ñu, “Ih thâo mơ̆ kơ hruê anei Yêhôwa srăng mă ba khua ih mơ̆ng ih?” Ñu lač, “Ơ, kâo thâo klei anăn, dôk ñăt bĕ.”

II Bruă Mtao 2:5

Phung anak êkei phung khua pô hưn êlâo dôk ti ƀuôn Yêrikô nao giăm Y-Êlisê leh anăn lač kơ ñu, “Ih thâo mơ̆ kơ hruê anei Yêhôwa srăng mă ba khua ih mơ̆ng ih?” Leh anăn ñu lŏ wĭt lač, “Ơ, kâo thâo klei anăn, dôk ñăt bĕ.”

II Bruă Mtao 2:7

Êma pluh čô hlăm phung anak êkei phung khua pô hưn êlâo nao msĕ mơh, leh anăn dôk dơ̆ng kbưi ƀiă mơ̆ng diñu, êjai jih diñu dua dôk dơ̆ng giăm êa krông Yurdan.

II Bruă Mtao 4:1

Mô̆ sa čô hlăm phung anak phung khua pô hưn êlâo krao kơ Y-Êlisê, “Dĭng buăl ih ung kâo djiê leh; leh anăn ih thâo kơ dĭng buăl ih huĭ mpŭ leh kơ Yêhôwa, ƀiădah pô nư hriê čiăng mă hĕ dua čô anak kâo čiăng mjing digơ̆ hlŭn ñu.”

II Bruă Mtao 4:38

Y-Êlisê lŏ hriê kơ ƀuôn Gilgal hlăk mâo klei ư̆ êpa hlăm čar. Êjai phung anak êkei phung khua pô hưn êlâo dôk gŭ ti anăp ñu, ñu lač kơ dĭng buăl ñu, “Drŏng gŏ prŏng, leh anăn riă bur kơ phung anak êkei phung khua pô hưn êlâo.”

II Bruă Mtao 6:2

Brei hmei nao kơ êa krông Yurdan leh anăn tinăn grăp čô hmei srăng mă sa ƀĕ kyâo, leh anăn brei hmei ngă tinăn sa bĭt anôk dôk.” Ñu lŏ wĭt lač, “Nao bĕ.”

Y-Yôp 36:16

Msĕ mơh Ñu hrip ih brei kbiă mơ̆ng klei rŭng răng brei mŭt hlăm anôk êhai amâo mâo klei kpĭ ôh, leh anăn mnơ̆ng arăng mdơ̆ng ti jhưng huă ih jing jăk ƀơ̆ng.

Hêbrơ 11:34

bi ram hĕ pui hlơr, tlaih mơ̆ng mta đao gưm, êjai awăt lŏ jing ktang, dưi hlăm klei bi blah, suôt phung kahan tue.

Y-Yôsuê 17:14

Phung găp djuê Yôsep blŭ kơ Y-Yôsuê, lač, “Si ngă ih brei knŏng sa kdrêč jing ngăn dưn hmei, wăt tơdah hmei jing sa phung ƀuôn sang lu, kyuadah Yêhôwa hơêč hmưi klei jăk jĭn kơ hmei hlŏng kơ hruê anei?”

Y-Yôsuê 19:47

Tơdah phung Dan luč čar diñu, phung Dan đĭ bi blah hŏng ƀuôn Lêsem. Leh mă ƀuôn anăn leh anăn bi rai hŏng đao gưm, diñu mă bha leh anăn dôk hlăm ƀuôn anăn, leh anăn lŏ bi anăn ƀuôn Lêsem ƀuôn Dan tui si anăn Y-Dan, aê diñu.

I Y-Samuel 19:20

Leh anăn Y-Sôl tiŏ nao phung mnuih mă Y-Đawit. Tơdah diñu ƀuh sa phung khua pô hưn êlâo dôk hưn êlâo leh anăn Y-Samuel jing khua diñu, Mngăt Myang Aê Diê hriê dôk mbĭt hŏng phung mnuih Y-Sôl tiŏ nao, leh anăn wăt diñu mơh hưn êlâo.