II Bruă Mtao 5:8 - Klei Aê Diê Blŭ 2015

⁸ Ƀiădah tơdah Y-Êlisê mnuih Aê Diê hmư̆ kơ mtao Israel hiêk hĕ čhiăm ao ñu leh, ñu tiŏ nao mnuih kơ mtao leh anăn lač, “Si ngă ih hiêk hĕ čhiăm ao ih lĕ? Brei gơ̆ hriê kơ kâo, čiăng kơ gơ̆ dưi thâo mâo sa čô khua pô hưn êlâo hlăm čar Israel.”

II Bruă Mtao 5:8 Iomraidhean Croise

II Y-Samuel 3:31

Y-Đawit lač kơ Y-Jôap leh anăn kơ jih jang phung ƀuôn sang dôk mbĭt hŏng ñu, “Hiêk čhum ao diih leh anăn hơô klŭng, leh anăn kơŭ kyăm ti anăp Y-Apner.” Leh anăn mtao Y-Đawit tui hlue bông.

I Bruă Mtao 12:22

Ƀiădah klei Aê Diê blŭ truh kơ Y-Sêmaya mnuih Aê Diê,

I Bruă Mtao 17:24

Leh anăn mniê anăn lač kơ Y-Êli, “Ară anei kâo thâo kơ ih jing sa čô mnuih Aê Diê, leh anăn klei Yêhôwa blŭ hlăm ƀăng êgei ih jing klei sĭt.”

II Bruă Mtao 1:6

Diñu lač kơ gơ̆, “Mâo sa čô êkei hriê bi tuôm hŏng hmei leh anăn lač kơ hmei, ‘Wĭt bĕ kơ mtao pô tiŏ nao diih leh anăn lač kơ ñu, Snei Yêhôwa lač, Djŏ mơ̆ kyuadah amâo mâo Aê Diê ôh hlăm phung Israel tơl ih tiŏ nao arăng êmuh kơ Baal-Sêbup yang ƀuôn Êkron? Kyuanăn ih amâo srăng kgŭ ôh mơ̆ng jhưng pĭt ih đih anăn, ƀiădah sĭt nik ih srăng djiê.’ ”

II Bruă Mtao 5:15

Leh anăn ñu lŏ wĭt kơ mnuih Aê Diê mbĭt hŏng jih jang phung nao mbĭt hŏng ñu. Ñu truh leh anăn dôk dơ̆ng ti anăp Y-Êlisê leh anăn lač, “Nĕ anei kâo thâo amâo mâo ôh Aê Diê tar ƀar lăn ala, knŏng hlăm čar Israel. Snăn ară anei, mă tŭ bĕ mnơ̆ng myơr anei mơ̆ng dĭng buăl ih.”

II Bruă Mtao 5:3

Gơ̆ lač kơ khua mniê gơ̆, “Hbơih, tơdah khua kâo dưi truh kơ khua pô hưn êlâo dôk ti ƀuôn Samari! Pô anăn srăng bi hlao phŭng ñu.”

II Bruă Mtao 5:7

Tơdah leh mtao Israel dlăng hră anăn, ñu hiêk čhiăm ao ñu leh anăn lač, “Kâo jing Aê Diê mơ̆, dưi bi mdjiê leh anăn bi hdĭp, tơl êkei anei mơĭt asăp blŭ brei kâo bi hlao sa čô mnuih djŏ phŭng? Knŏng ksiêm leh anăn dlăng ñu duah klei čiăng bi roh hŏng kâo.”

II Bruă Mtao 5:9

Snăn Y-Naaman hriê mbĭt hŏng aseh ñu leh anăn êdeh aseh ñu, leh anăn dôk jưh hĕ ti ƀăng bhă sang Y-Êlisê.

Klei Kbiă 11:8

Jih jang phung dĭng buăl ih anei srăng hriê kơ kâo, leh anăn buôn kkuh ti anăp kâo, lač, ‘Đuĕ nao bĕ, ih leh anăn jih jang phung ƀuôn sang tui hlue ih!’ Leh klei anăn kâo srăng đuĕ nao.” Y-Môis kbiă mơ̆ng Pharaôn hŏng klei ăl snăk.

Y-Êsêkiêl 2:5

Thâodah diñu dôk hmư̆ amâodah hngah dôk hmư̆ (kyuadah diñu jing sang khăng bi kdơ̆ng) diñu srăng thâo mâo leh sa čô khua pô hưn êlâo ti krah diñu.

Y-Ôsê 12:13

Hŏng sa čô khua pô hưn êlâo Yêhôwa atăt ba leh Israel mơ̆ng čar Êjip, leh anăn hŏng sa čô khua pô hưn êlâo ñu răng kriê leh Israel.

Hră Y-Pôl Mơĭt kơ Phung Rôm 11:13

Ară anei kâo blŭ kơ diih, Ơ phung tue. Kyuadah kâo jing sa čô khua ƀĭng kna kơ phung tue, kâo mpŭ kơ bruă kâo,

I Y-Samuel 9:6

Ƀiădah dĭng buăl lač kơ ñu, “Nĕ anei, mâo sa čô mnuih Aê Diê hlăm ƀuôn anei, leh anăn ñu jing sa čô arăng mpŭ. Jih klei ñu lač bi truh sơăi. Brei drei nao tinăn; năng ai ñu dưi hưn brei kơ klei drei hiu anei.”