II Bruă Mtao 5:7 - Klei Aê Diê Blŭ 2015

⁷ Tơdah leh mtao Israel dlăng hră anăn, ñu hiêk čhiăm ao ñu leh anăn lač, “Kâo jing Aê Diê mơ̆, dưi bi mdjiê leh anăn bi hdĭp, tơl êkei anei mơĭt asăp blŭ brei kâo bi hlao sa čô mnuih djŏ phŭng? Knŏng ksiêm leh anăn dlăng ñu duah klei čiăng bi roh hŏng kâo.”

II Bruă Mtao 5:7 Iomraidhean Croise

Klei Mphŭn Dơ̆ng 30:2

Y-Yakôp đĭ ai ăl kơ H'Račel leh anăn lač, “Kâo hĕ jing Aê Diê, Pô hngah brei anak kơ ih?”

Klei Mphŭn Dơ̆ng 37:29

Tơdah Y-Ruben wĭt kơ ƀăng anăn leh anăn Y-Yôsep amâo dôk tinăn ôh, ñu hiêk čhum ao ñu.

Klei Mphŭn Dơ̆ng 50:19

Ƀiădah Y-Yôsep lač kơ diñu, “Đăm huĭ ôh, kyuadah djŏ mơ̆ kâo jing Aê Diê?

II Y-Samuel 1:11

Snăn Y-Đawit djă ti ao ñu pô leh anăn hiêk gơ̆; leh anăn jih jang mnuih dôk mbĭt hŏng ñu ngă msĕ snăn mơh.

I Bruă Mtao 20:7

Snăn mtao Israel iêô jih jang phung khua mduôn hlăm čar leh anăn lač, “Ksiêm bĕ ară anei leh anăn dlăng si êkei anei duah ngă klei bi rŭng; kyuadah ñu tiŏ hriê arăng kơ kâo čiăng mă phung mô̆ leh anăn phung anak kâo, prăk leh anăn mah kâo, leh anăn kâo amâo hngah kơ ñu ôh.”

II Bruă Mtao 11:14

Leh anăn tơdah ñu dlăng, nĕ anei mtao dôk dơ̆ng giăm kmeh tui si klei bhiăn, phung khua kahan leh anăn phung ayŭ ki dôk ti djiêô mtao, leh anăn jih jang phung ƀuôn sang hlăm lăn čar hơ̆k mơak leh anăn ayŭ ki. H'Athalia hiêk čhiăm ao ñu leh anăn ur, “Klei lhiăr! Klei lhiăr yơh!”

II Bruă Mtao 18:37

Y-Êliakim anak êkei Y-Hilkia pô kiă kriê sang, Y-Sêpna khua čih hră, leh anăn Y-Jôa anak êkei Y-Asap pô kăp čih pioh klei truh, nao kơ Y-Hêsêkia hŏng čhiăm ao diñu hiêk leh, leh anăn yăl dliê kơ gơ̆ klei Rapsaka blŭ.

II Bruă Mtao 5:6

Ñu djă ba hră anăn kơ mtao Israel, hlăm anăn lač snei, “Tơdah hră anei truh kơ ih, brei ih thâo kâo tiŏ nao kơ ih Y-Naaman dĭng buăl kâo, čiăng kơ ih bi hlao phŭng ñu.”

Y-Yêrêmi 36:24

Ƀiădah mtao amâodah phung dĭng buăl ñu hmư̆ jih klei blŭ anei amâo huĭ ôh, kăn hiêk rei čhiăm ao diñu.

Y-Đaniel 2:11

Klei mtao mtă anăn dleh snăk, amâo mâo sa čô mnuih dưi bi êdah klei anăn kơ mtao ôh, knŏng hjăn phung yang, phung amâo dôk ôh mbĭt hŏng mnuih.”

Y-Ôsê 6:1

“Bơ bĕ drei, brei drei lŏ wĭt kơ Yêhôwa. Kyuadah Ñu hiêk drei leh, ƀiădah Ñu srăng bi hlao drei; Ñu bi êka drei leh, ƀiădah Ñu srăng păn anôk êka drei.

Klei Yap 14:6

Leh anăn đơ phung nao ksiêm dlăng leh ala čar, Y-Yôsuê anak êkei Y-Nun leh anăn Y-Kalep anak êkei Y-Jêphunê, hiêk čhiăm ao diñu pô,

Y-Mathiơ 26:65

Hlăk anăn khua ngă yang prŏng hiêk ao jhung ñu leh anăn lač, “Ñu blŭ mgao hŏng Aê Diê leh. Ya drei lŏ čiăng kơ pô kčŭt ară anei? Diih hmư̆ leh klei ñu blŭ mgao.

Y-Luk 11:54

kăp hmư̆ Ñu čiăng bi mâo klei kčŭt kơ Ñu.

Bruă Phung Khua Ƀĭng Kna 14:14

Ƀiădah tơdah phung khua ƀĭng kna Y-Barnabas leh anăn Y-Pôl hmư̆ klei anăn, digơ̆ hiêk čhiăm ao digơ̆ leh anăn êran nao ur ti krah phung lu snei,

Klei Mtô Mñă Klei Bhiăn 32:29

Tơdah diñu jing knhâo, diñu srăng thâo săng klei anei, diñu dưi mĭn kơ klei knhal tuč diñu êdei!

Klei Mtô Mñă Klei Bhiăn 32:39

Ară anei brei diih thâo Kâo, Kâo gơ̆, jing Aê Diê, leh anăn amâo mâo yang mkăn ôh êngao kơ Kâo; Kâo bi mdjiê leh anăn Kâo bi hdĭp; Kâo bi êka leh anăn Kâo bi hlao; leh anăn amâo mâo pô dưi bi mtlaih mơ̆ng kngan Kâo ôh.

I Y-Samuel 2:6

Yêhôwa bi mdjiê leh anăn bi hdĭp; Ñu bi mtrŭn kơ Ƀuôn Phung Djiê leh anăn Ñu lŏ bi hdĭp.