II Bruă Mtao 5:2 - Klei Aê Diê Blŭ 2015

² Sa blư̆ phung Siri kbiă bi blah diñu mă ba sa čô mniê điêt mơ̆ng čar Israel, leh anăn gơ̆ mă bruă kơ mô̆ Y-Naaman.

II Bruă Mtao 5:2 Iomraidhean Croise

II Bruă Mtao 13:20

Snăn Y-Êlisê djiê, leh anăn arăng dơr ñu. Ênuk anăn phung Môap khăng mŭt čar čiăng bi blah hlăm yan mnga.

II Bruă Mtao 5:3

Gơ̆ lač kơ khua mniê gơ̆, “Hbơih, tơdah khua kâo dưi truh kơ khua pô hưn êlâo dôk ti ƀuôn Samari! Pô anăn srăng bi hlao phŭng ñu.”

II Bruă Mtao 6:23

Snăn gơ̆ mkra klei huă mnăm prŏng kơ diñu; leh anăn tơdah diñu ƀơ̆ng leh anăn mnăm, gơ̆ brei diñu wĭt, leh anăn diñu wĭt kơ khua diñu. Leh anăn phung Siri amâo lŏ hriê mŭt bi blah ôh hlăm čar Israel.

Klei Mmuñ Hđăp 123:2

Msĕ si ală phung dĭng buăl êkei dlăng kơ kngan khua êkei diñu, msĕ si ală sa čô dĭng buăl mniê dlăng kơ kngan khua mniê ñu, msĕ snăn ală hmei dlăng kơ Yêhôwa Aê Diê hmei, tơl Ih pap kơ hmei.

Phung Khua Phat Kđi 9:34

Y-Abimêlek leh anăn jih jang mnuih mbĭt hŏng ñu kgŭ pĭt êjai mlam, leh anăn guôn kăp ngă kơ ƀuôn Sičem hŏng pă phung.