II Bruă Mtao 5:12 - Klei Aê Diê Blŭ 2015

¹² Amâo djŏ hĕ ti ƀuôn Damas mâo êa krông Abana leh anăn Pharpar jăk hĭn kơ jih jang êa hlăm čar Israel? Kâo amâo dưi hĕ mnei hlăm êa krông anăn leh anăn jing doh?” Snăn ñu wir đuĕ nao hŏng klei ngêñ.

II Bruă Mtao 5:12 Iomraidhean Croise

II Bruă Mtao 2:14

Snăn ñu mă ao Y-Êli bi lĕ anăn leh anăn čăm êa êjai lač, “Ti Yêhôwa, Aê Diê Y-Êli?” Tơdah ñu čăm êa, êa bi mbha phă dua nah, leh anăn Y-Êlisê găn.

II Bruă Mtao 2:8

Y-Êli mă ao jhung ñu, klĭt gơ̆, leh anăn čăm êa, leh anăn êa bi mbha phă dua nah, tơl jih diñu dua dưi găn ti lăn thu.

II Bruă Mtao 5:11

Ƀiădah Y-Naaman ăl, leh anăn đuĕ nao, lač, “Nĕ anei kâo mĭndah sĭt nik ñu srăng kbiă bi tuôm hŏng kâo, dôk dơ̆ng, leh anăn iêô anăn Yêhôwa Aê Diê ñu, yơr hdai kngan ñu ti dlông anôk djŏ phŭng leh anăn bi hlao phŭng.

II Bruă Mtao 5:17

Leh anăn Y-Naaman lač, “Tơdah ih amâo mă, kâo akâo kơ ih brei kơ dĭng buăl ih lăn dua drei aseh dliê dưi mdiăng; kyuadah mơ̆ng anei kơ anăp dĭng buăl ih amâo srăng myơr mnơ̆ng myơr čuh amâodah mnơ̆ng ngă yang kơ yang mkăn ôh, ƀiădah knŏng kơ Yêhôwa.

Klei Bi Hriêng 14:17

Hlei pô djăl ăl ngă klei mluk, mnuih mâo mnêč jhat arăng bi êmut.

Klei Bi Hriêng 16:32

Hlei pô amâo djăl ăl jing jăk hĭn kơ sa čô jhŏng ktang, leh anăn hlei pô kiă kriê ai tiê ñu pô jing jăk hĭn kơ sa čô dưi mă sa boh ƀuôn prŏng.

Klei Bi Hriêng 19:11

Mnuih mâo klei thâo mĭn jing pô amâo djăl ăl, leh anăn jing klei guh kơang kơ ñu amâo yap ôh klei arăng bi msoh kơ ñu.

Klei Mmuñ Siam Hĭn 4:8

Ơ mô̆ kâo, nao bĕ mbĭt hŏng kâo mơ̆ng čar Liƀan, nao bĕ drei. Đuĕ mơ̆ng čŏng čư̆ Amana, mơ̆ng čŏng čư̆ Sênir leh anăn Hermôn, mơ̆ng ƀăng êmông gu, mơ̆ng čư̆ êmông brêč.

Y-Yêrêmi 49:23

Klei djŏ kơ ƀuôn Damas: “Ƀuôn Hamat leh anăn ƀuôn Arpat mâo klei hêñ, kyuadah diñu hmư̆ leh klei mrâo mrang jhat; diñu dlưh ai tiê, diñu rŭng răng msĕ si êa ksĭ poh yă, amâo thâo dôk ngơ ngĭn ôh.

Y-Sakari 13:1

“Ti hruê anăn, arăng srăng pŏk sa akŏ êa kơ sang Y-Đawit leh anăn kơ phung dôk hlăm ƀuôn Yêrusalem, čiăng bi doh diñu mơ̆ng klei soh leh anăn klei čhŏ mrŏ.

Y-Sakari 14:8

Ti hruê anăn êa hdĭp srăng đoh kbiă mơ̆ng ƀuôn Yêrusalem, sa mkrah êa anăn srăng đoh phă êa ksĭ ngŏ, leh anăn sa mkrah đoh phă êa ksĭ yŭ; srăng jing snăn hlăm yan bhang wăt yan puih.

Y-Markôs 1:9

Hlăk anăn Yêsu hriê mơ̆ng ƀuôn Nasaret čar Galilê, leh anăn Y-Yôhan ngă ƀaptem kơ Ñu hlăm êa krông Yurdan.