II Bruă Mtao 5:10 - Klei Aê Diê Blŭ 2015

¹⁰ Y-Êlisê tiŏ nao mnuih lač kơ gơ̆, “Nao mnei bĕ hlăm êa krông Yurdan kjuh blư̆, leh anăn kđeh ih srăng hlao, leh anăn ih srăng jing doh.”

II Bruă Mtao 5:10 Iomraidhean Croise

II Bruă Mtao 2:21

Ñu nao phă akŏ êa leh anăn tuh hra hlăm anăn, leh anăn lač, “Snei Yêhôwa lač, Kâo bi hlao leh êa anei; mơ̆ng anei kơ anăp amâo srăng mâo klei djiê amâodah klei plĕ anak ôh srăng kbiă hriê mơ̆ng êa anei.”

II Bruă Mtao 3:16

Leh anăn ñu lač, “Snei Yêhôwa lač, ‘Brei diih klei lu blŭng hlăm tlung anei.’

II Bruă Mtao 4:35

Leh anăn ñu kgŭ, êbat sa blư̆ tinei tinăn hlăm sang, leh anăn lŏ đĭ ti jhưng leh anăn ap asei mlei ñu pô ti dlông gơ̆. Hđeh anăn bhañ kjuh blư̆ leh anăn gơ̆ mblang ală.

II Bruă Mtao 4:41

Y-Êlisê lač, “Snăn mă ba kpŭng ƀhĭ.” Ñu tuh kpŭng ƀhĭ hlăm gŏ leh anăn lač, “Jhŏk bĕ kơ diñu, brei diñu ƀơ̆ng.” Leh anăn amâo mâo mnơ̆ng bi ruă ôh hlăm gŏ.

II Bruă Mtao 5:11

Ƀiădah Y-Naaman ăl, leh anăn đuĕ nao, lač, “Nĕ anei kâo mĭndah sĭt nik ñu srăng kbiă bi tuôm hŏng kâo, dôk dơ̆ng, leh anăn iêô anăn Yêhôwa Aê Diê ñu, yơr hdai kngan ñu ti dlông anôk djŏ phŭng leh anăn bi hlao phŭng.

II Bruă Mtao 5:14

Snăn ñu trŭn nao leh anăn ñŭ kjuh blư̆ hlăm êa krông Yurdan tui si klei mnuih Aê Diê blŭ. Leh anăn kđeh ñu lŏ mbliư̆ jing msĕ si kđeh sa čô hđeh điêt, leh anăn ñu jing doh.

II Bruă Mtao 5:9

Snăn Y-Naaman hriê mbĭt hŏng aseh ñu leh anăn êdeh aseh ñu, leh anăn dôk jưh hĕ ti ƀăng bhă sang Y-Êlisê.

Klei Kbiă 4:18

Y-Môis wĭt kơ kmha ñu Y-Jêtrô leh anăn lač kơ gơ̆, “Kâo akâo kơ ih, lui kâo nao bi tuôm hŏng phung ayŏng adei kâo hlăm čar Êjip, čiăng thâo thâodah diñu ăt dôk hdĭp.” Y-Jêtrô lač kơ Y-Môis, “Nao bĕ êđăp ênang.”

Bruă Lêwi 13:58

Ƀiădah čhiăm, mrai ênơ̆ng amâodah mrai hdră, amâodah mnơ̆ng ngă hŏng klĭt mơ̆ng dŏ anăn klei ruă kbiă đuĕ tơdah ih boh rao dŏ anăn leh, brei arăng lŏ boh rao tal dua leh anăn dŏ anăn srăng jing doh.”

Bruă Lêwi 14:16

leh anăn đrŭt kđiêng kngan hnuă ñu hlăm êa boh ôliwơ dôk hlăm kngan điâo ñu, leh anăn hƀrah êa boh ôliwơ hŏng kđiêng ñu kjuh blư̆ ti anăp Yêhôwa.

Bruă Lêwi 14:51

leh anăn srăng mă kyâo sêdar, hla hisôp, leh anăn čhiăm hrah huč, mbĭt hŏng čĭm hdĭp, đrŭt mnơ̆ng anăn hlăm êrah čĭm arăng bi mdjiê leh anăn hlăm êa đoh, leh anăn hƀrah kơ sang anăn kjuh blư̆.

Bruă Lêwi 14:7

Khua ngă yang srăng hƀrah êrah kjuh blư̆ ti dlông pô čiăng mâo klei bi doh mơ̆ng klei djŏ phŭng; leh anăn ñu srăng hưn kơ pô anăn jing doh, leh anăn srăng phưi čĭm adôk hdĭp đuĕ hlăm dliê.

Bruă Lêwi 16:14

Ñu srăng mă đa đa êrah êmô knô, leh anăn hƀrah gơ̆ hŏng kđiêng ñu ti dlông kđhăp klei pap brei phă anăp, leh anăn ti anăp kđhăp klei pap brei ñu srăng hƀrah êrah anăn hŏng kđiêng ñu kjuh blư̆.

Bruă Lêwi 16:19

Ñu srăng hƀrah đa đa êrah ti dlông knưl hŏng kđiêng ñu kjuh blư̆, bi doh leh anăn pioh brei gơ̆ mơ̆ng klei čhŏ phung ƀuôn sang Israel.

Klei Yap 19:19

Pô doh srăng hƀrah ti dlông pô čhŏ ti hruê tal tlâo leh anăn ti hruê tal kjuh; snăn ti hruê tal kjuh ñu srăng bi doh gơ̆, leh gơ̆ boh čhiăm ao gơ̆, leh anăn mnei hlăm êa, ti tlam gơ̆ srăng jing doh.

Klei Yap 19:4

Khua ngă yang Y-Êlêasar srăng mă đa đa êrah gơ̆ hŏng kđiêng ñu, leh anăn hƀrah êrah anăn kjuh blư̆ phă anăp sang čhiăm klei bi kƀĭn.

Y-Yôhan 9:7

Ñu lač kơ gơ̆, “Nao rao bĕ ti êa ênao Silôê” (Silôê čiăng lač “Tiŏ Nao”). Snăn gơ̆ nao, rao leh anăn lŏ wĭt dưi ƀuh mngač.

I Kôrantô 6:11

Đa đa hlăm phung diih mphŭn dô jing leh msĕ snăn yơh. Ƀiădah Aê Diê rao diih leh, bi doh jăk diih leh, yap kpă diih leh hlăm anăn Khua Yang Yêsu Krist leh anăn hlăm Yang Mngăt Jăk Aê Diê drei.

Y-Yôsuê 6:4

Kjuh čô khua ngă yang srăng djă kjuh ƀĕ ki ngă hŏng ki biăp knô ti anăp hip. Hruê tal kjuh brei diih êbat dar ƀuôn kjuh blư̆ êjai phung khua ngă yang ayŭ ki.