II Bruă Mtao 4:8 - Klei Aê Diê Blŭ 2015

⁸ Sa hruê Y-Êlisê nao kơ ƀuôn Sunem. Tinăn mâo sa čô mniê mdrŏng dôk. Gơ̆ mtrŭt ñu huă ƀơ̆ng. Snăn grăp blư̆ ñu găn êlan anăn ñu weh huă ƀơ̆ng tinăn.

II Bruă Mtao 4:8 Iomraidhean Croise

Klei Mphŭn Dơ̆ng 19:3

Y-Lot mtrŭt snăk digơ̆; tơl digơ̆ weh mŭt hlăm sang ñu. Ñu mkra kơ digơ̆ sa klei ƀơ̆ng huă, ñu ăm kpŭng amâo mâo kpei ôh, leh anăn digơ̆ huă ƀơ̆ng.

II Y-Samuel 19:32

Y-Barsilai jing êkei mduôn snăk leh, mâo sa păn pluh thŭn. Ñu brei leh mnơ̆ng ƀơ̆ng huă kơ mtao êjai gơ̆ dôk ti ƀuôn Mahanaim; kyuadah ñu jing sa čô mdrŏng snăk.

I Bruă Mtao 1:3

Snăn diñu duah sa čô mniê êra siam hlăm tar ƀar čar Israel, leh anăn ƀuh H'Abisak mniê Sunamit, leh anăn atăt ba gơ̆ kơ mtao.

II Bruă Mtao 4:18

Tơdah anak anăn hriê kơ prŏng leh, sa hruê ñu kbiă nao kơ ama ñu dôk mbĭt hŏng phung wiă.

Y-Yôp 1:3

Ñu mâo kjuh êbâo drei biăp, tlâo êbâo drei aseh samô, sa êbâo drei êmô kai hma, êma êtuh drei aseh dliê ana, leh anăn lu snăk dĭng buăl; kyua anăn êkei anăn jing pô prŏng hĭn kơ jih jang phung mnuih ƀuôn sang hlăm čar Ngŏ.

Y-Yôp 32:9

Amâo djŏ ôh pô mduôn jing pô knhâo, kăn djŏ rei sa čô khua leh dưi thâo săng klei djŏ.

Klei Bi Hriêng 7:21

Ñu mplư gơ̆ hŏng lu klei blŭ siam, ñu mtrŭt gơ̆ hŏng klei blŭ myâo mă.

Y-Mathiơ 25:17

Msĕ mơh pô mă tŭ leh dua talăng ƀơ̆ng mnga dua talăng mkăn.

Y-Luk 1:15

Kyuadah gơ̆ srăng jing prŏng ti anăp Khua Yang. Gơ̆ amâo srăng mnăm ôh kpiê boh kriăk ƀâo amâodah kpiê ktang, leh anăn gơ̆ srăng bŏ hŏng Yang Mngăt Jăk dơ̆ng mơ̆ng tian amĭ gơ̆.

Y-Luk 14:23

Leh anăn khua anăn lač kơ dĭng buăl ñu, ‘Nao bĕ kơ êlan prŏng leh anăn êlan điêt ti êngao ƀuôn, leh anăn mgô̆ phung ƀuôn sang hriê mŭt čiăng kơ sang kâo bŏ jih.

Y-Luk 24:29

Ƀiădah digơ̆ kơ̆ng Yêsu, lač, “Dôk mbĭt hŏng hmei, kyuadah adiê tlam leh, mlam giăm truh leh.” Snăn Ñu mŭt dôk mbĭt hŏng phung anăn.

Bruă Phung Khua Ƀĭng Kna 16:15

Tơdah ñu tŭ klei ƀaptem leh mbĭt hŏng phung hlăm sang ñu, ñu akâo kơ hmei, lač, “Tơdah diih yap kâo jing sĭt suôr hŏng Khua Yang, mŭt dôk bĕ hlăm sang kâo.” Leh anăn ñu mtrŭt hmei tơl hmei mŭt.

Y-Yôsuê 19:18

Čar diñu mâo ƀuôn Jesrêel, Čhêsulôt, Sunem,

Phung Khua Phat Kđi 19:20

Êkei mduôn lač, “Dôk êđăp ênang bĕ. Kâo srăng rơ̆ng kơ mnơ̆ng ih čiăng; knŏng đăm ih đăm ti anôk krah wăl ƀuôn ôh.”

I Y-Samuel 28:4

Phung Philistin bi kƀĭn leh anăn hriê ngă kđông ti ƀuôn Sunem. Y-Sôl bi kƀĭn jih jang phung Israel, leh anăn diñu ngă kđông ti ƀuôn Gilbôa.