II Bruă Mtao 4:42 - Klei Aê Diê Blŭ 2015

⁴² Sa čô êkei hriê mơ̆ng ƀuôn Baal-Salisa djă ba kơ mnuih Aê Diê klŏ kpŭng arăng ngă mơ̆ng mdiê hlâo hlang, dua pluh klŏ kpŭng mdiê ôrgơ, leh anăn amung mdiê mrâo hlăm kdô ñu. Y-Êlisê lač, “Brei kơ phung êkei anăn ƀơ̆ng.”

II Bruă Mtao 4:42 Iomraidhean Croise

I Y-Samuel 9:7

Leh anăn Y-Sôl lač kơ dĭng buăl ñu, “Ƀiădah tơdah drei nao, ya mnơ̆ng drei dưi djă ba kơ ñu? Kyuadah kpŭng hlăm kdô drei jih leh, leh anăn amâo mâo ôh mnơ̆ng drei dưi myơr kơ mnuih Aê Diê anei. Ya drei mâo?”

Y-Yôhan 6:13

Snăn diñu hrui djah anăn leh anăn bi bŏ pluh dua bai hŏng djah mơ̆ng êma klŏ kpŭng mdiê ôrgơ, tơdah jih jang mnuih ƀơ̆ng leh.

Y-Yôhan 6:9

“Mâo sa čô hđeh êdam tinei mâo êma klŏ kpŭng mdiê ôrgơ leh anăn dua drei kan; ƀiădah si dưi djăp kơ mnuih lu lĭn?”

II Bruă Mtao 7:1

Ƀiădah Y-Êlisê lač, “Hmư̆ bĕ klei Yêhôwa blŭ: Snei Yêhôwa lač, Mgi hlăm brô mông anei mơh, arăng srăng čhĭ sa hnơ̆ng kpŭng ƀhĭ kơ sa sêkel prăk, leh anăn dua hnơ̆ng mdiê ôrgơ kơ sa sêkel prăk ti ƀăng jang ƀuôn Samari.”

I Y-Samuel 9:4

Diñu găn čar kngư Êphraim leh anăn găn čar Salisa, ƀiădah diñu amâo ƀuh aseh dliê ôh. Diñu găn čar Salim, ƀiădah aseh dliê amâo dôk tinăn ôh. Leh anăn diñu găn čar Benjamin, ƀiădah amâo ƀuh aseh dliê ôh.

I Kôrantô 9:11

Tơdah hmei rah leh mjeh myang ti krah phung diih, jing klei êbeh đei mơ̆ tơdah hmei wiă dŏ dô lăn ala diih?

II Bruă Mtao 4:38

Y-Êlisê lŏ hriê kơ ƀuôn Gilgal hlăk mâo klei ư̆ êpa hlăm čar. Êjai phung anak êkei phung khua pô hưn êlâo dôk gŭ ti anăp ñu, ñu lač kơ dĭng buăl ñu, “Drŏng gŏ prŏng, leh anăn riă bur kơ phung anak êkei phung khua pô hưn êlâo.”

Klei Mtô Mñă Klei Bhiăn 32:14

Êa ksâo êmô êkŏ, leh anăn êa ksâo mơêa biăp mbĭt hŏng prăi êđai biăp leh anăn biăp knô, mơ̆ng čar Basan leh anăn lu bê knô, mbĭt hŏng mdiê ƀlê jăk hĭn — leh anăn ih mnăm leh êrah boh kriăk ƀâo, djêt leh jing kpiê.

Klei Mtô Mñă Klei Bhiăn 12:6

leh anăn tinăn yơh diih srăng ba mnơ̆ng diih myơr čuh, mnơ̆ng diih ngă yang, mnơ̆ng sa kdrêč hlăm pluh, leh anăn mnơ̆ng diih myơr, mnơ̆ng diih myơr bi sĭt klei ƀuăn, mnơ̆ng diih myơr hŏng ai tiê čŏng čiăng, leh anăn êđai êmô leh anăn êđai biăp tal êlâo diih.

Klei Mtô Mñă Klei Bhiăn 8:8

ala čar mâo mdiê ƀlê leh anăn mdiê ôrgơ, phŭn boh kriăk ƀâo, ana boh hra, leh anăn ana boh pomgranat, ala čar mâo ana boh ôliwơ leh anăn êa hnuê,

Klei Kbiă 23:16

Brei ih hdơr pioh klei knăm Yan Puôt, mâo boh hlâo hlang mơ̆ng bruă ih kơ mnơ̆ng ih buh leh hlăm hma. Brei ih hdơr pioh klei knăm Pioh Êmiêt ti tuč thŭn, tơdah ih hrui mă mơ̆ng hma boh ih mă bruă.

Galati 6:6

Hlei pô hmư̆ arăng mtô klei blŭ brei bi mbha jih jang mnơ̆ng jăk kơ pô mtô kơ ñu.

I Bruă Mtao 14:3

Mă ba mbĭt hŏng ih pluh klŏ kpŭng, đa đa klŏ ƀêñ, leh anăn sa giêt êa hnuê, leh anăn nao bĕ kơ ñu. Ñu srăng hưn kơ ih ya srăng truh kơ anak anei.”

II Bruă Mtao 5:5

Mtao Siri lač, “Nao bĕ, leh anăn kâo srăng mơĭt hră kơ mtao Israel.” Snăn ñu nao, mă ba mbĭt hŏng ñu pluh talăng prăk, năm êbâo sêkel mah, leh anăn pluh blah čhiăm ao pioh hơô êjai klei huă mnăm.

Klei Yap 18:12

Kâo brei kơ ih mnơ̆ng hlâo hlang diñu srăng myơr kơ Yêhôwa, jih jang êa prăi boh ôliwơ jăk hĭn, jih jang kpiê leh anăn mdiê jăk hĭn, boh hlâo hlang diñu brei kơ Yêhôwa.

Klei Yap 18:13

Boh ksă tal êlâo hlăm jih jang boh hlăm lăn diñu, dŏ anăn diñu djă ba kơ Yêhôwa srăng jing dŏ ih; grăp čô hlei pô jing doh hlăm sang ih dưi ƀơ̆ng dŏ anăn.