II Bruă Mtao 4:4 - Klei Aê Diê Blŭ 2015

⁴ Leh anăn mŭt hlăm sang, kđăl ƀăng bhă ti tluôn ih leh anăn phung anak êkei ih, bi bŏ jih jang čeh anăn; tơdah sa boh čeh bŏ leh, brei ih dưm sa anôk.”

II Bruă Mtao 4:4 Iomraidhean Croise

II Bruă Mtao 4:3

Ñu lač, “Nao kơ tač, akâo mañ bĕ čeh mơ̆ng jih jang phung riêng gah ih, čeh hŏng, leh anăn đăm akâo mañ ƀiă đei ôh.

II Bruă Mtao 4:5

Snăn gơ̆ đuĕ mơ̆ng ñu leh anăn kđăl ƀăng bhă ti tluôn gơ̆ leh anăn phung anak gơ̆; êjai gơ̆ hlĭng êa boh ôliwơ dua čô anak ba čeh kơ gơ̆.

Y-Êsai 26:20

Hriê bĕ, Ơ phung ƀuôn sang kâo, mŭt bĕ hlăm adŭ diih, leh anăn kđăl ƀăng bhă ti tluôn diih. Đuĕ dăp bĕ diih bhiâo tơl klei ngêñ êgao leh.

Y-Mathiơ 6:6

Ƀiădah tơdah ih wah lač, mŭt hlăm adŭ ih, kđăl hĕ ƀăng bhă, leh anăn wah lač kơ Ama ih Pô dôk hlăm anôk hgăm, leh anăn Ama ih Pô ƀuh hlăm anôk hgăm srăng mưn ih.

Y-Markôs 5:40

Leh anăn phung anăn tlao mưč kơ Ñu. Ƀiădah Yêsu brei jih jang kbiă ti tač, leh anăn Ñu mă amĭ ama hđeh điêt leh anăn phung ƀĭng kna Ñu mbĭt hŏng Ñu, leh anăn mŭt hlăm adŭ hđeh điêt dôk.

Y-Yôhan 6:11

Leh anăn Yêsu mă kpŭng anăn, leh anăn tơdah leh Ñu bi mni kơ Aê Diê, Ñu bi mbha kơ phung dôk gŭ tinăn. Ñu bi mbha wăt kan mơh dŭm digơ̆ čiăng.

Bruă Phung Khua Ƀĭng Kna 9:40

Y-Pêtrôs brei jih jang mnuih kbiă ti tač. Ñu čuôn kơŭt, wah lač, leh anăn wir dlăng kơ asei mlei mnuih djiê, lač, “Ơ H'Tabitha, kgŭ bĕ.” Gơ̆ mblang ală, leh anăn tơdah gơ̆ ƀuh Y-Pêtrôs, gơ̆ kgŭ dôk.

Êphêsô 3:20

Kơ Pô dưi ngă kdlưn êgao hĭn kơ jih klei drei akâo amâodah mĭn, tui si klei myang dôk mă bruă hlăm drei,