II Bruă Mtao 4:23 - Klei Aê Diê Blŭ 2015

²³ Ung ñu lač, “Si ngă ih čiăng nao kơ ñu hruê anei? Amâo djŏ mâo mlan mrâo ƀlĕ amâodah hruê sabat ôh.” Gơ̆ lač, “Srăng jing jăk.”

II Bruă Mtao 4:23 Iomraidhean Croise

II Bruă Mtao 4:22

Ñu iêô ung ñu leh anăn lač, “Tiŏ hriê kơ kâo sa čô hlăm phung dĭng buăl leh anăn sa drei aseh dliê, čiăng kâo dưi nao djăl kơ mnuih Aê Diê leh anăn lŏ wĭt.”

II Bruă Mtao 4:24

Ñu să ưn aseh dliê leh anăn lač kơ dĭng buăl ñu, “Mtrŭt aseh êbat; đăm brei aseh dliê êbat êmưt hĭn ôh knŏng tơdah kâo lač kơ ih.”

I Klei Yăl Dliê 23:31

leh anăn tơdah arăng myơr mnơ̆ng myơr čuh kơ Yêhôwa ti hruê sabat, ti hruê mlan mrâo ƀlĕ, ti hruê knăm prŏng, tui si ênoh arăng mtă kơ diñu nanao ti anăp Yêhôwa.

Y-Amôs 8:5

“Hbĭl mlan mrâo srăng êgao, čiăng kơ drei dưi čhĭ mdiê? Leh anăn hbĭl hruê sabat srăng êgao, čiăng kơ drei dưi mnia mdiê ƀlê? čiăng kơ drei dưi bi hrŏ êphah leh anăn bi prŏng sêkel, leh anăn mplư hŏng knăng amâo djŏ ôh,

Klei Yap 10:10

Msĕ mơh hlăm hruê diih hơ̆k mơak, hlăm hruê klei huă mnăm bi kčah leh, leh anăn ti phŭn mlan diih, brei diih ayŭ ki êjai diih myơr mnơ̆ng myơr čuh leh anăn êjai diih ngă yang myơr mnơ̆ng kơ klei êđăp ênang. Diñu srăng đru diih mâo klei bi hdơr ti anăp Aê Diê diih; Kâo jing Yêhôwa Aê Diê diih.”

Klei Yap 28:11

Ti grăp akŏ mlan brei ih myơr sa mnơ̆ng myơr čuh kơ Yêhôwa: dua drei êmô knô dam, sa drei biăp knô, leh anăn kjuh drei êđai biăp knô mâo sa thŭn amâo mâo anôk jhat ôh;

Klei Yap 28:9

“Hlăm hruê sabat brei ih myơr dua drei êđai biăp knô mâo sa thŭn amâo mâo anôk jhat ôh, leh anăn dua kdrêč hlăm pluh êphah kpŭng ƀhĭ bi lŭk hŏng êa boh ôliwơ jing mnơ̆ng myơr kpŭng ƀhĭ, mbĭt hŏng mnơ̆ng myơr mnăm.

I Y-Samuel 20:5

Y-Đawit lač kơ Y-Jônathan, “Nĕ anei, mgi mâo mlan mrâo, leh anăn tui si klei djŏ kâo srăng dôk gŭ huă ƀơ̆ng mbĭt hŏng mtao. Ƀiădah brei kâo nao čiăng kơ kâo dưi đuĕ dăp hlăm hma truh ti tlam hruê tal tlâo.