II Bruă Mtao 4:13 - Klei Aê Diê Blŭ 2015

¹³ Leh anăn Y-Êlisê lač kơ Y-Gêhasi, “Ară anei lač bĕ kơ gơ̆, nĕ anei, ih ngă leh jih bruă suăi anei kơ hmei; ya ih čiăng arăng ngă brei kơ ih? Ih mâo klei čiăng mơ̆ brei arăng blŭ brei kơ ih kơ mtao amâodah kơ khua kơ phung kahan?” Gơ̆ lŏ wĭt lač,

II Bruă Mtao 4:13 Iomraidhean Croise

Klei Mphŭn Dơ̆ng 14:24

Kâo srăng mă knŏng mnơ̆ng phung hlăk ai ƀơ̆ng leh, leh anăn phung mnuih nao mbĭt hŏng kâo: Y-Aner, Y-Êskôl, leh anăn Y-Mamrê brei diñu mă yơh mnơ̆ng bi mbha kơ diñu.”

II Y-Samuel 19:13

Leh anăn lač bĕ kơ Y-Amasa, ‘Amâo djŏ hĕ ih jing klang kâo leh anăn kđeh kâo? Brei Aê Diê ngă msĕ snăn kơ kâo wăt êbeh hĭn mơh tơdah ih amâo jing khua kahan kâo mơ̆ng anei kơ anăp hrô Y-Jôap.’ ”

I Bruă Mtao 2:32

Yêhôwa srăng bi wĭt klei ñu tuh êrah ti dlông boh kŏ ñu pô, kyuadah êjai ama kâo Y-Đawit amâo thâo ôh, ñu ngă leh anăn bi mdjiê hŏng đao gưm dua čô êkei kpă hĭn leh anăn jăk hĭn kơ ñu pô, Y-Apner anak êkei Y-Ner khua kahan phung Israel, leh anăn Y-Amasa anak êkei Y-Jêther khua kahan phung Yuđa.

II Bruă Mtao 4:12

Ñu lač kơ Y-Gêhasi dĭng buăl ñu, “Iêô bĕ mniê ƀuôn Sunem anăn.” Leh Y-Gêhasi iêô gơ̆, gơ̆ dôk dơ̆ng ti anăp ñu.

II Bruă Mtao 4:14

“Kâo dôk ti krah phung ƀuôn sang kâo pô.” Leh anăn ñu lač, “Snăn ya arăng srăng ngă brei kơ gơ̆?” Y-Gêhasi lŏ wĭt lač, “Gơ̆ amâo mâo sa čô anak êkei ôh, leh anăn ung gơ̆ mduôn leh.”

II Bruă Mtao 8:1

Y-Êlisê lač leh kơ mniê mâo anak êkei ñu lŏ bi hdĭp anăn, “Kgŭ nao bĕ mbĭt hŏng sang ih, leh anăn dôk jưh ti anôk ih dưi; kyuadah Yêhôwa mtă leh srăng mâo sa klei ư̆ êpa, leh anăn klei anăn srăng truh kơ čar êjai kjuh thŭn.”

II Bruă Mtao 9:5

Tơdah ñu truh, nĕ anei phung khua kahan dôk trông čhai. Ñu lač, “Ơ khua kahan, kâo mâo sa bruă čiăng ngă kơ ih.” Leh anăn Y-Jêhu lač, “Kơ hlei pô hlăm phung hmei lĕ?” Ñu lač, “Kơ ih yơh, Ơ khua kahan.”

Klei Mmuñ Hđăp 37:3

Knang bĕ kơ Yêhôwa leh anăn ngă klei jăk; dôk bĕ hlăm čar leh anăn hdĭp hŏng klei sĭt suôr Ñu.

Hră Y-Pôl Mơĭt kơ Phung Rôm 16:2

Brei diih jum ñu hlăm Khua Yang tui si năng kơ phung doh jăk, leh anăn brei diih đru ñu tui si klei ñu kƀah, kyuadah ñu đru leh lu mnuih, wăt kâo pô mơh.

Hră Y-Pôl Mơĭt kơ Phung Rôm 16:6

Kâo kkuh čhưn hŏng H'Mari, pô mă bruă suăi ti krah diih.

Hêbrơ 13:5

Đăm khăp kơ prăk ôh; leh anăn dôk mơak bĕ hŏng mnơ̆ng diih mâo leh; kyuadah Aê Diê lač leh, “Kâo amâo srăng lui ih amâodah hngah kơ ih ôh.”

Hêbrơ 6:10

Kyuadah Aê Diê amâo jing wê ôh; Ñu amâo wơr bĭt hĕ bruă diih leh anăn klei khăp diih bi êdah leh kyua anăn Ñu, hlăm klei diih đru leh phung doh jăk, msĕ si diih ăt ngă.