II Bruă Mtao 3:7 - Klei Aê Diê Blŭ 2015

⁷ Ñu nao leh anăn mơĭt asăp blŭ kơ Y-Jôsaphat mtao Yuđa, “Mtao Môap bi kdơ̆ng hŏng kâo leh. Ih čiăng mơ̆ nao mbĭt hŏng kâo bi blah hŏng phung Môap?” Gơ̆ lač, “Kâo srăng nao; kâo jing msĕ si ih, phung ƀuôn sang kâo jing msĕ si phung ƀuôn sang ih, jih jang aseh kâo jing msĕ si aseh ih.”

II Bruă Mtao 3:7 Iomraidhean Croise

I Bruă Mtao 22:4

Ñu lač kơ Y-Jôsaphat, “Ih čiăng nao mơ̆ mbĭt hŏng kâo bi blah ti ƀuôn Ramôt-Galaat?” Y-Jôsaphat lač kơ mtao Israel, “Kâo jing msĕ si ih, phung ƀuôn sang kâo jing msĕ si phung ƀuôn sang ih, aseh kâo jing msĕ si aseh ih.”

II Bruă Mtao 13:20

Snăn Y-Êlisê djiê, leh anăn arăng dơr ñu. Ênuk anăn phung Môap khăng mŭt čar čiăng bi blah hlăm yan mnga.

II Bruă Mtao 3:6

Snăn mtao Y-Jôram kbiă êbat mơ̆ng ƀuôn Samari leh anăn rĭng jih jang phung Israel.

II Bruă Mtao 3:8

Leh anăn gơ̆ lač, “Ya êlan drei srăng êbat lĕ?” Y-Jôram lŏ wĭt lač, “Ti êlan kdrăn tač čar Êđôm.”

II Bruă Mtao 3:9

Snăn mtao Israel nao mbĭt hŏng mtao Yuđa leh anăn mtao Êđôm. Tơdah diñu êbat dar leh kjuh hruê, amâo mâo êa ôh kơ phung kahan amâodah kơ hlô mnơ̆ng tui hlue diñu.

II Klei Yăl Dliê 18:3

Y-Ahap mtao Israel lač kơ Y-Jôsaphat mtao Yuđa, “Ih srăng nao mbĭt hŏng kâo kơ ƀuôn Ramôt-Galaat mơ̆?” Ñu lŏ wĭt lač kơ gơ̆, “Kâo jing msĕ si ih, phung ƀuôn sang kâo jing msĕ si phung ƀuôn sang ih. Hmei srăng nao mbĭt hŏng ih hlăm klei bi blah.”

II Klei Yăl Dliê 19:2

Ƀiădah Y-Jêhu anak êkei Y-Hanani pô thâo bi ƀuh kbiă nao bi tuôm hŏng ñu leh anăn lač kơ Mtao Jôsaphat, “Jing djŏ mơ̆ ih đru pô ƀai leh anăn khăp kơ phung bi êmut kơ Yêhôwa? Kyua klei anei klei ngêñ mơ̆ng Yêhôwa truh kơ ih.