II Bruă Mtao 3:4 - Klei Aê Diê Blŭ 2015

⁴ Y-Mêsa mtao čar Môap jing sa čô mâo lu biăp; leh anăn grăp thŭn ñu tuh jia kơ mtao Israel sa êtuh êbâo drei êđai biăp leh anăn sa êtuh êbâo drei biăp knô ka khăt mlâo.

II Bruă Mtao 3:4 Iomraidhean Croise

Klei Mphŭn Dơ̆ng 13:2

Y-Abram jing mdrŏng snăk, mâo lu hlô mnơ̆ng rông, prăk leh anăn mah.

II Y-Samuel 8:2

Leh anăn ñu dưi hŏng phung Môap leh anăn mkă digơ̆ hŏng sa aruăt klei êjai brei digơ̆ đih ti lăn. Ñu mkă dua aruăt klei čiăng jao kơ klei bi mdjiê, leh anăn sa aruăt klei pioh hdĭp. Snăn phung Môap jing dĭng buăl kơ Y-Đawit leh anăn tuh jia.

II Y-Samuel 8:6

Leh anăn Y-Đawit ngă đa đa kđông kahan hlăm Aram ti ƀuôn Damas; leh anăn phung Siri jing dĭng buăl kơ Y-Đawit leh anăn tuh jia. Yêhôwa brei klei dưi kơ Y-Đawit grăp anôk ñu nao.

I Klei Yăl Dliê 18:2

Leh anăn ñu dưi hŏng phung Môap, leh anăn phung Môap jing dĭng buăl kơ Y-Đawit leh anăn tuh jia kơ ñu.

II Klei Yăl Dliê 26:10

Ñu mdơ̆ng sang tum hlăm kdrăn tač, leh anăn klei lu kbăng êa kyuadah ñu mâo biăp êmô lu snăk, wăt hlăm anôk lăn dap, leh anăn ñu mâo phung ngă hma leh anăn phung kiă đang boh kriăk ƀâo hlăm čar kngư leh anăn hlăm čar jing mnơ̆ng, kyuadah ñu khăp pla mnơ̆ng.

Y-Yôp 1:3

Ñu mâo kjuh êbâo drei biăp, tlâo êbâo drei aseh samô, sa êbâo drei êmô kai hma, êma êtuh drei aseh dliê ana, leh anăn lu snăk dĭng buăl; kyua anăn êkei anăn jing pô prŏng hĭn kơ jih jang phung mnuih ƀuôn sang hlăm čar Ngŏ.

Y-Yôp 42:12

Yêhôwa tuh klei jăk jĭn kơ Y-Yôp lu hĭn hlăm ênuk êdei kơ ênuk êlâo. Ñu mâo pluh pă êbâo drei biăp, năm êbâo drei aseh samô, dua êbâo drei êmô đoh wăng kai, leh anăn sa êbâo aseh dliê ana.

Klei Mmuñ Hđăp 60:8

Čar Môap jing anôk kâo mnei; ti čar Êđôm kâo hwiê klĭt juă kâo; čiăng lač kâo dưi leh hŏng ñu kâo ur driâo kyua dưi leh hŏng čar Philistin.”