II Bruă Mtao 3:3 - Klei Aê Diê Blŭ 2015

³ Ƀiădah ñu djă pioh klei soh Y-Jêrôbôam anak êkei Y-Nêbat, pô bi msoh leh phung Israel; ñu amâo lui ôh klei soh anăn.

II Bruă Mtao 3:3 Iomraidhean Croise

I Bruă Mtao 13:33

Leh klei anăn Y-Jêrôbôam amâo wir đuĕ ôh mơ̆ng êlan jhat ñu, ƀiădah lŏ mjing phung khua ngă yang kơ anôk dlông mơ̆ng jih jang phung ƀuôn sang; hlei pô čiăng, ñu pioh brei gơ̆ jing khua ngă yang kơ anôk dlông.

I Bruă Mtao 14:16

Ñu srăng lui phung Israel kyuadah klei Y-Jêrôbôam ngă soh leh, leh anăn klei ñu bi msoh leh phung Israel.”

I Bruă Mtao 14:9

Ƀiădah ih ngă leh klei jhat êbeh kơ jih jang phung êlâo kơ ih, leh anăn ih nao mjing kơ ih pô yang mkăn leh anăn rup tuh tia, čiăng mčhur Kâo ăl, leh anăn hwiê hĕ leh Kâo ti tluôn ih.

I Bruă Mtao 15:26

Ñu ngă ya klei jing jhat ti anăp ală Yêhôwa, leh anăn êbat hlăm êlan ama ñu leh anăn hlăm klei soh gơ̆ ngă leh, bi msoh phung Israel.

I Bruă Mtao 15:34

Ñu ngă klei jing jhat ti anăp ală Yêhôwa, leh anăn êbat hlăm êlan Y-Jêrôbôam leh anăn hlăm klei soh gơ̆ bi msoh leh phung Israel.

I Bruă Mtao 16:31

Leh anăn tơdah jing msĕ si sa klei ênưih kơ ñu êbat hlăm klei soh Y-Jêrôbôam anak êkei Y-Nêbat, ñu mă kơ mô̆ H'Jêsêbel, anak mniê Y-Êtbal mtao phung Sidôn, leh anăn nao mă bruă kơ yang Baal, leh anăn kkuh mpŭ kơ yang anăn.

II Bruă Mtao 13:11

Ñu msĕ mơh ngă klei jhat ti anăp ală Yêhôwa; ñu amâo đuĕ ôh mơ̆ng jih klei soh Y-Jêrôbôam anak êkei Y-Nêbat, klei anăn gơ̆ bi msoh phung Israel, ƀiădah ñu êbat hlăm klei soh anăn.

II Bruă Mtao 13:2

Ñu ngă klei jhat ti anăp ală Yêhôwa, leh anăn tui hlue klei soh Y-Jêrôbôam anak êkei Y-Nêbat, klei anăn gơ̆ bi msoh phung Israel. Ñu amâo đuĕ ôh mơ̆ng klei soh anăn.

II Bruă Mtao 13:6

Ƀiădah diñu amâo đuĕ ôh mơ̆ng klei soh sang Y-Jêrôbôam, klei anăn gơ̆ bi msoh phung Israel, ƀiădah diñu êbat hlăm klei soh anăn; leh anăn sa ƀĕ gơ̆ng kŭt rup yang Asêra msĕ mơh ăt dôk hlăm ƀuôn Samari.

II Bruă Mtao 14:24

Ñu ngă klei jhat ti anăp ală Yêhôwa. Ñu amâo đuĕ ôh mơ̆ng jih klei soh Y-Jêrôbôam anak êkei Y-Nêbat, klei anăn bi msoh phung Israel.

II Bruă Mtao 15:18

Ñu ngă klei jhat ti anăp ală Yêhôwa. Jih ênuk ñu, ñu amâo đuĕ ôh mơ̆ng jih klei soh Y-Jêrôbôam anak êkei Y-Nêbat, klei anăn gơ̆ bi msoh phung Israel.

II Bruă Mtao 15:9

Ñu ngă klei jhat ti anăp ală Yêhôwa msĕ si phung aê ñu ngă leh. Ñu amâo đuĕ ôh mơ̆ng klei soh Y-Jêrôbôam anak êkei Y-Nêbat, klei anăn gơ̆ bi msoh phung Israel.

II Bruă Mtao 17:21

Tơdah Gơ̆ bi kah leh phung Israel mơ̆ng sang Y-Đawit, diñu mjing Y-Jêrôbôam anak êkei Y-Nêbat mtao. Y-Jêrôbôam bi weh phung Israel mơ̆ng klei tui hlue Yêhôwa, leh anăn brei diñu ngă klei soh prŏng.

II Bruă Mtao 17:22

Phung ƀuôn sang Israel êbat hlăm jih jang klei soh Y-Jêrôbôam ngă leh. Diñu amâo đuĕ mơ̆ng klei anăn ôh,

II Bruă Mtao 17:23

tơl Yêhôwa suôt hĕ phung Israel mơ̆ng ti anăp ală Ñu, tui si Ñu blŭ leh mơ̆ng jih jang phung dĭng buăl Ñu phung khua pô hưn êlâo. Snăn arăng suôt hĕ phung Israel mơ̆ng čar diñu pô kơ čar Asiri truh kơ hruê anei.

II Bruă Mtao 21:16

Êbeh kơ anăn Y-Manasê tuh leh lu lĭn êrah amâo soh, tơl ñu bi bŏ ƀuôn Yêrusalem mơ̆ng knhal anei truh kơ knhal mkăn, êbeh kơ klei soh ñu bi msoh leh phung Yuđa tơl diñu ngă klei jhat ti anăp ală Yêhôwa.

II Bruă Mtao 23:15

Êbeh kơ anăn knưl ti ƀuôn Bêthel anôk dlông Y-Jêrôbôam anak êkei Y-Nêbat mdơ̆ng leh, pô bi msoh leh phung Israel, knưl leh anăn anôk dlông anăn ñu klư̆ leh anăn bi mčah đơ điêt boh tâo gơ̆, tlê dŏ anăn tơl ƀhĭ; leh anăn ñu čuh sa ƀĕ gơ̆ng kŭt rup yang Asêra msĕ mơh.