II Bruă Mtao 3:2 - Klei Aê Diê Blŭ 2015

² Ñu ngă klei jhat ti anăp ală Yêhôwa, ƀiădah amâo djŏ ôh msĕ si ama leh anăn amĭ ñu. Kyuadah ñu bi luč hĕ gơ̆ng kŭt yang Baal, dŏ ama ñu ngă leh.

II Bruă Mtao 3:2 Iomraidhean Croise

I Bruă Mtao 16:19

kyua klei soh ñu ngă leh, ngă klei jhat ti anăp ală Yêhôwa, êbat hlăm êlan Y-Jêrôbôam, leh anăn kyua klei soh ñu ngă bi msoh kơ phung Israel.

I Bruă Mtao 21:20

Y-Ahap lač kơ Y-Êli, “Ih ƀuh leh kâo hĕ, Ơ pô roh kâo?” Ñu lŏ wĭt lač, “Kâo ƀuh leh ih, kyuadah ih čhĭ leh ih pô čiăng ngă klei jhat ti anăp ală Yêhôwa.

I Bruă Mtao 21:25

Amâo tuôm mâo ôh sa čô msĕ si Y-Ahap čhĭ ñu pô čiăng ngă klei jhat ti anăp ală Yêhôwa, pô H'Jêsêbel mô̆ ñu mčhur leh.

II Bruă Mtao 10:18

Y-Jêhu bi kƀĭn jih jang phung ƀuôn sang leh anăn lač kơ digơ̆, “Y-Ahap mă bruă kơ yang Baal knŏng ƀiă; ƀiădah Y-Jêhu srăng mă bruă kơ ñu lu.

II Bruă Mtao 21:20

Ñu ngă klei jhat ti anăp ală Yêhôwa msĕ si Y-Manasê ama ñu ngă leh.

II Bruă Mtao 21:6

Ñu čuh anak êkei ñu jing mnơ̆ng myơr, leh anăn ñu ngă klei hưn êlâo leh anăn klei mdian, leh anăn mă bruă mbĭt hŏng phung mjâo leh anăn phung mdian. Ñu ngă lu klei jhat ti anăp ală Yêhôwa, mčhur Gơ̆ ngêñ.

II Bruă Mtao 9:22

Tơdah Y-Jôram ƀuh Y-Jêhu ñu lač, “Ih hriê kơ klei êđăp ênang mơ̆, Ơ Y-Jêhu?” Y-Jêhu lŏ wĭt lač, “Si dưi mâo klei êđăp ênang êjai amĭ ih H'Jêsêbel ngă lu klei knhông leh anăn klei mjâo?”

II Bruă Mtao 9:34

Leh anăn Y-Jêhu mŭt leh anăn ƀơ̆ng huă mnăm, leh anăn lač, “Ară anei dlăng bĕ kơ mniê arăng tăm pah leh anei leh anăn dơr hĕ gơ̆, kyuadah gơ̆ jing anak mniê mtao.”

Klei Kbiă 23:24

Đăm buôn kkuh ôh ti anăp phung yang diñu, kăn mă bruă kơ diñu rei, kăn tui hlue bruă diñu rei, ƀiădah brei ih bi rai diñu leh anăn bi mčah hĕ rup yang diñu.

I Y-Samuel 15:19

Snăn si ngă ih amâo gưt kơ asăp Yêhôwa ôh? Si ngă ih lơ lăm kơ mnơ̆ng plah mă, leh anăn ngă klei jhat ti anăp ală Yêhôwa?”