II Bruă Mtao 3:12 - Klei Aê Diê Blŭ 2015

¹² Y-Jôsaphat lač, “Klei Yêhôwa blŭ dôk mbĭt hŏng ñu.” Snăn mtao Israel, Y-Jôsaphat, leh anăn mtao Êđôm trŭn nao kơ ñu.

II Bruă Mtao 3:12 Iomraidhean Croise

II Bruă Mtao 2:21

Ñu nao phă akŏ êa leh anăn tuh hra hlăm anăn, leh anăn lač, “Snei Yêhôwa lač, Kâo bi hlao leh êa anei; mơ̆ng anei kơ anăp amâo srăng mâo klei djiê amâodah klei plĕ anak ôh srăng kbiă hriê mơ̆ng êa anei.”

II Bruă Mtao 3:11

Y-Jôsaphat lač, “Amâo mâo hĕ khua pô hưn êlâo Yêhôwa tinei, hŏng ñu drei dưi êmuh kơ Yêhôwa?” Snăn sa čô hlăm phung dĭng buăl mtao Israel lŏ wĭt lač, “Y-Êlisê anak êkei Y-Saphat dôk tinei, pô hlĭng êa ti kngan Y-Êli.”

II Bruă Mtao 3:13

Y-Êlisê lač kơ mtao Israel, “Ya klei kâo mâo hŏng ih? Nao bĕ kơ phung khua pô hưn êlâo ama ih leh anăn phung khua pô hưn êlâo amĭ ih.” Ƀiădah mtao Israel lač kơ ñu, “Hơăi, Yêhôwa yơh iêô leh tlâo čô mtao anei čiăng jao digơ̆ hlăm kngan phung Môap.”

II Bruă Mtao 5:15

Leh anăn ñu lŏ wĭt kơ mnuih Aê Diê mbĭt hŏng jih jang phung nao mbĭt hŏng ñu. Ñu truh leh anăn dôk dơ̆ng ti anăp Y-Êlisê leh anăn lač, “Nĕ anei kâo thâo amâo mâo ôh Aê Diê tar ƀar lăn ala, knŏng hlăm čar Israel. Snăn ară anei, mă tŭ bĕ mnơ̆ng myơr anei mơ̆ng dĭng buăl ih.”

Y-Êsai 49:23

Phung mtao êkei srăng jing ama čiêm rông ih, leh anăn phung mtao mniê srăng jing amĭ bi mam ih. Diñu srăng buôn ƀô̆ sô̆ ti lăn ti anăp ih, leh anăn hlia ƀruih jơ̆ng ih. Hlăk anăn ih srăng thâo kơ kâo jing Yêhôwa; hlei phung čang guôn kơ kâo amâo srăng hêñ ôh.”

Y-Êsai 60:14

Phung anak êkei phung ktư̆ juă ih srăng hriê lua kkuh kơ ih; leh anăn jih jang phung bi êmut kơ ih srăng buôn ti anăp jơ̆ng ih. Diñu srăng pia ih Ƀuôn Yêhôwa, Ƀuôn Siôn kơ Pô Doh Jăk Israel.

Y-Yêrêmi 37:17

Mtao Sêdêkia tiŏ nao mnuih nao iêô gơ̆, leh anăn ñu jum gơ̆. Mtao êmuh kơ gơ̆ hŏng klei hgăm hlăm sang ñu, “Mâo mơ̆ klei Yêhôwa blŭ?” Y-Yêrêmi lač, “Mâo mơh.” Snăn gơ̆ lač, “Arăng srăng jao ih kơ kngan mtao Ƀaƀilôn.”

Klei Bi Êdah 3:9

Nĕ anei Kâo srăng brei phung kkuh mpŭ kơ Satan, phung lač diñu jing phung Yuđa ƀiădah amâo jing ôh, diñu luar yơh — nĕ anei Kâo srăng brei diñu hriê buôn kkuh ti jơ̆ng ih leh anăn thâo Kâo khăp kơ ih leh.