II Bruă Mtao 3:10 - Klei Aê Diê Blŭ 2015

¹⁰ Mtao Israel lač, “Hbơih! Yêhôwa iêô leh tlâo čô mtao anei čiăng jao diñu hlăm kngan phung Môap.”

II Bruă Mtao 3:10 Iomraidhean Croise

Klei Mphŭn Dơ̆ng 4:13

Y-Kain lač kơ Khua Yang, “Klei bi kmhal kâo jing prŏng hĭn kơ kâo dưi tŭ.

II Bruă Mtao 3:11

Y-Jôsaphat lač, “Amâo mâo hĕ khua pô hưn êlâo Yêhôwa tinei, hŏng ñu drei dưi êmuh kơ Yêhôwa?” Snăn sa čô hlăm phung dĭng buăl mtao Israel lŏ wĭt lač, “Y-Êlisê anak êkei Y-Saphat dôk tinei, pô hlĭng êa ti kngan Y-Êli.”

II Bruă Mtao 3:9

Snăn mtao Israel nao mbĭt hŏng mtao Yuđa leh anăn mtao Êđôm. Tơdah diñu êbat dar leh kjuh hruê, amâo mâo êa ôh kơ phung kahan amâodah kơ hlô mnơ̆ng tui hlue diñu.

II Bruă Mtao 6:33

Êjai ñu ăt dôk blŭ mbĭt hŏng digơ̆, mtao truh kơ ñu leh anăn lač, “Klei dleh anei kbiă hriê mơ̆ng Yêhôwa! Ya yuôm kâo lŏ dôk guôn kơ Yêhôwa?”

Klei Bi Hriêng 19:3

Klei mluk sa čô mnuih bi rai klei hdĭp ñu, ƀiădah lĕ ai tiê ñu ngêñ kơ Yêhôwa.

Y-Êsai 51:20

Phung anak êkei ih djiê hwăt leh, diñu dôk đih hlăm jih kiêng êlan msĕ si hlô rang djŏ ñuăl. Diñu bŏ hŏng klei Yêhôwa ngêñ, klei Aê Diê ih ƀuah.

Y-Êsai 8:21

Diñu srăng găn hiu hlăm čar, rŭng răng snăk leh anăn êpa. Tơdah diñu êpa, diñu srăng ngêñ leh anăn angưi dlăng kơ dlông leh anăn tăm pah kơ mtao diñu leh anăn kơ Aê Diê diñu.