II Bruă Mtao 24:4 - Klei Aê Diê Blŭ 2015

⁴ leh anăn msĕ mơh kyua êrah amâo soh ñu tuh leh; kyuadah ñu bi bŏ ƀuôn Yêrusalem hŏng êrah amâo soh, leh anăn Yêhôwa amâo pap brei ôh.

II Bruă Mtao 24:4 Iomraidhean Croise

II Bruă Mtao 21:11

“Kyuadah Y-Manasê mtao Yuđa ngă leh klei Kâo bi êmut anei, leh anăn ngă klei jhat hĭn kơ jih jang klei phung Amôrit ngă leh êlâo kơ ñu, leh anăn msĕ mơh bi msoh leh phung Yuđa hŏng rup yang ñu;

II Bruă Mtao 21:16

Êbeh kơ anăn Y-Manasê tuh leh lu lĭn êrah amâo soh, tơl ñu bi bŏ ƀuôn Yêrusalem mơ̆ng knhal anei truh kơ knhal mkăn, êbeh kơ klei soh ñu bi msoh leh phung Yuđa tơl diñu ngă klei jhat ti anăp ală Yêhôwa.

II Bruă Mtao 23:26

Ƀiădah ăt Yêhôwa amâo wir ôh mơ̆ng klei hlơr klei Ñu ngêñ ktang, kyua klei anăn Ñu čuh ai ngêñ kơ phung Yuđa, kyuadah jih jang klei Y-Manasê mčhur Ñu ngêñ.

II Bruă Mtao 24:5

Bruă mkăn Y-Jêhôyakim ngă, leh anăn jih klei ñu ngă leh, amâo djŏ hĕ arăng čih leh hlăm hdruôm hră Klei Yăl Dliê kơ Phung Mtao Yuđa?

Klei Mmuñ Hđăp 106:38

Diñu tuh êrah amâo mâo soh ôh, êrah anak êkei leh anăn anak mniê diñu, jing mnơ̆ng ngă yang kơ rup yang čar Kanaan; leh anăn čar jing čhŏ hŏng klei tuh êrah anăn.

Klei Bi Hriêng 6:17

ală dlăng hŏng klei krưh, êlah blŭ luar, kngan tuh êrah mnuih amâo soh,

Y-Yêrêmi 15:4

Kâo srăng mjing diñu mnơ̆ng jih jang ƀuôn ala mtao ti lăn ala bi êmut, kyua klei Y-Manasê anak êkei Y-Hêsêkia mtao Yuđa ngă leh hlăm ƀuôn Yêrusalem.

Y-Yêrêmi 19:4

Kyuadah phung ƀuôn sang lui wir Kâo leh, leh anăn bi mčhŏ leh anôk anei hŏng klei diñu čuh mnơ̆ng ƀâo mngưi kơ yang mkăn, diñu, phung aê diñu, phung mtao Yuđa amâo tuôm thâo kral ôh; leh anăn kyuadah diñu bi bŏ leh anôk anei hŏng êrah amâo tuôm soh ôh.

Y-Yêrêmi 2:34

Msĕ mơh ti kdrŭn čhiăm ao ih arăng ƀuh êrah phung ƀun ƀin amâo mâo soh ôh; ih amâo tuôm ƀuh digơ̆ ƀoh mtih ôh čiăng mŭt tlĕ. Ƀiădah wăt jih klei anăn dưn,

Y-Yêrêmi 22:17

‘Ƀiădah ală leh anăn ai tiê ih knŏng čiăng ƀơ̆ng mnga hŏng klei amâo ênuah, čiăng tuh êrah pô amâo tuôm soh ôh, leh anăn ngă klei ktư̆ juă leh anăn klei jhat ƀai.’ ”

Y-Yêrêmi 32:31

Ƀuôn anei bi mđĭ klei Kâo ăl leh anăn ngêñ dơ̆ng mơ̆ng hruê arăng mdơ̆ng gơ̆ truh kơ hruê anei, snăn Kâo srăng bi rai gơ̆ mơ̆ng anăp ală Kâo.

Klei Čŏk Hia 3:42

“Hmei ngă soh leh anăn bi kdơ̆ng leh, leh anăn Ih amâo pap brei ôh.

Y-Êsêkiêl 22:3

Brei ih lač: ‘Snei Yêhôwa Aê Diê lač: Ơ ƀuôn! ih tuh êrah ti krah ih, bi truh hruê phat kđi kơ ih pô leh anăn ih ngă rŭp yang bi msoh kơ ñu pô.

Y-Êsêkiêl 24:6

Kyuanăn snei Yêhôwa Aê Diê lač: Knap mñai yơh kơ ƀuôn tuh êrah, kơ gŏ bring jiă leh ti lam, leh anăn bring anăn amâo thâo doh ôh! Mă mơ̆ng anăn sa kdrêč sa kdrêč, đăm ngă klei mđăo ôh.

Y-Êsêkiêl 24:8

Čiăng mčhur klei Kâo ngêñ, čiăng brei Kâo rŭ ênua, Kâo dưm leh ti dlông boh tâo kla êrah ñu tuh leh, čiăng kơ arăng amâo dưi guôm ôh êrah anăn.

Y-Êsêkiêl 33:25

Kyuanăn lač bĕ kơ diñu, ‘Snei klei Yêhôwa Aê Diê lač: “Diih ƀơ̆ng kđeh čĭm mbĭt hŏng êrah, leh anăn diih kngưr ală diih kơ rup yang diih, leh anăn tuh êrah; snăn diih srăng mă bha mơ̆ čar anei?

Klei Yap 35:33

Snăn đăm bi čhŏ ôh lăn diih dôk; kyuadah êrah bi čhŏ lăn, leh anăn amâo mâo ôh klei bi doh arăng dưi ngă kơ lăn kyua êrah tuh leh tinăn, knŏng hŏng êrah pô tuh êrah leh.

Klei Mtô Mñă Klei Bhiăn 19:10

huĭdah arăng tuh hĕ êrah amâo mâo soh ôh hlăm čar ih Yêhôwa Aê Diê ih brei kơ diih jing ngăn dưn, snăn klei soh tuh êrah lĕ kơ ih.

Klei Mtô Mñă Klei Bhiăn 29:19

sa čô tơdah ñu hmư̆ klei blŭ mơ̆ng klei bi mguôp kâo kat asei anei, đăm mâo ôh hlăm ai tiê ñu, lač, ‘Kâo srăng dôk hơĭt, wăt tơdah kâo êbat hŏng ai tiê khăng dưn.’ Klei anăn srăng atăt kơ klei bi luč wăt phung mtah leh anăn phung thu krô msĕ mơh.