II Bruă Mtao 24:3 - Klei Aê Diê Blŭ 2015

³ Sĭt nik klei anăn truh kơ phung Yuđa tui si klei Yêhôwa mtă čiăng suôt hĕ digơ̆ mơ̆ng ti anăp ală Ñu, kyua klei soh Y-Manasê, tui si jih klei Y-Manasê ngă leh,

II Bruă Mtao 24:3 Iomraidhean Croise

Klei Mphŭn Dơ̆ng 50:20

Bi diih, diih mĭn ngă ƀai kơ kâo; ƀiădah Aê Diê brei klei anăn jing jăk, čiăng bi mtlaih klei hdĭp lu mnuih, msĕ si truh leh hruê anei.

II Bruă Mtao 17:18

Kyua anăn Yêhôwa ngêñ snăk kơ phung Israel, leh anăn suôt hĕ diñu mơ̆ng ti anăp ală Gơ̆, amâo mâo phung ăt dôk ôh, knŏng phung găp djuê Yuđa.

II Bruă Mtao 17:20

Yêhôwa hngah lui hĕ jih jang phung anak čô Israel, bi knap diñu, leh anăn jao diñu kơ kngan phung plah mă, tơl Gơ̆ suôt diñu mơ̆ng ti anăp ală Gơ̆.

II Bruă Mtao 17:23

tơl Yêhôwa suôt hĕ phung Israel mơ̆ng ti anăp ală Ñu, tui si Ñu blŭ leh mơ̆ng jih jang phung dĭng buăl Ñu phung khua pô hưn êlâo. Snăn arăng suôt hĕ phung Israel mơ̆ng čar diñu pô kơ čar Asiri truh kơ hruê anei.

II Bruă Mtao 18:25

Êbeh kơ anăn, amâo djŏ hĕ mbĭt hŏng Yêhôwa kâo đĭ hriê leh ngă kơ anôk anei čiăng bi rai gơ̆? Yêhôwa lač leh kơ kâo, Đĭ nao bĕ ngă kơ čar anei, leh anăn bi rai hĕ gơ̆.’ ”

II Bruă Mtao 21:16

Êbeh kơ anăn Y-Manasê tuh leh lu lĭn êrah amâo soh, tơl ñu bi bŏ ƀuôn Yêrusalem mơ̆ng knhal anei truh kơ knhal mkăn, êbeh kơ klei soh ñu bi msoh leh phung Yuđa tơl diñu ngă klei jhat ti anăp ală Yêhôwa.

II Bruă Mtao 24:20

Kyuadah klei Yêhôwa ngêñ truh leh hlăm ƀuôn Yêrusalem leh anăn čar Yuđa, Ñu suôt digơ̆ mơ̆ng ti anăp Ñu.

II Klei Yăl Dliê 24:24

Wăt tơdah phung kahan Siri hriê knŏng hŏng ƀiă kahan dưn, Yêhôwa jao leh hlăm kngan diñu sa phung kahan prŏng, kyuadah digơ̆ lui wir leh Yêhôwa Aê Diê phung aê digơ̆. Snăn diñu bi truh klei phat kđi kơ Y-Jôas.

II Klei Yăl Dliê 25:16

Ƀiădah êjai gơ̆ dôk blŭ, mtao lač kơ gơ̆, “Hmei tuôm mjing ih sa čô kčĕ kơ mtao mơ̆? Dôk ñăt bĕ! Ya yuôm arăng bi mdjiê hĕ ih?” Snăn khua pô hưn êlâo dôk ñăt, ƀiădah êlâo ñu mjưh klei blŭ ñu lač, “Kâo thâo Aê Diê čuăn leh čiăng bi rai ih, kyuadah ih ngă leh klei anei leh anăn amâo dôk hmư̆ ôh klei kâo kčĕ.”

Klei Kbiă 20:5

Đăm ih buôn kkuh ti anăp mnơ̆ng anăn ôh, kăn mă bruă kơ diñu rei; kyuadah Kâo gơ̆ yơh jing Yêhôwa Aê Diê ih, Aê Diê thâo trih, bi kmhal klei wê phung ama lĕ kơ phung anak tơl kơ ênuk tal tlâo amâodah tal pă kơ phung bi êmut kơ Kâo;

Y-Êsai 45:7

Kâo mjing klei mngač leh anăn hrih klei mmăt. Kâo bi truh klei đĭ kyar leh anăn hrih klei bi rai. Kâo jing Yêhôwa, Pô ngă jih jang klei anei.’ ”

Y-Yêrêmi 32:31

Ƀuôn anei bi mđĭ klei Kâo ăl leh anăn ngêñ dơ̆ng mơ̆ng hruê arăng mdơ̆ng gơ̆ truh kơ hruê anei, snăn Kâo srăng bi rai gơ̆ mơ̆ng anăp ală Kâo.

Y-Yêrêmi 52:28

Anei jing ênoh phung ƀuôn sang Y-Nebukatnetsar atăt jing mnă: hlăm thŭn tal kjuh, tlâo êbâo dua pluh tlâo čô phung Yuđa;

Y-Êsêkiêl 22:3

Brei ih lač: ‘Snei Yêhôwa Aê Diê lač: Ơ ƀuôn! ih tuh êrah ti krah ih, bi truh hruê phat kđi kơ ih pô leh anăn ih ngă rŭp yang bi msoh kơ ñu pô.

Y-Êsêkiêl 24:6

Kyuanăn snei Yêhôwa Aê Diê lač: Knap mñai yơh kơ ƀuôn tuh êrah, kơ gŏ bring jiă leh ti lam, leh anăn bring anăn amâo thâo doh ôh! Mă mơ̆ng anăn sa kdrêč sa kdrêč, đăm ngă klei mđăo ôh.

Y-Amôs 3:6

Tơdah arăng ayŭ ki hlăm sa boh ƀuôn prŏng, phung ƀuôn sang amâo huĭ ôh? Mâo mơh klei jhat truh kơ sa boh ƀuôn prŏng tơdah Yêhôwa amâo ngă klei anăn?

Y-Mika 2:10

Kgŭ bĕ leh anăn đuĕ nao, kyuadah anei amâo jing anôk diih mdei ôh; kyuadah jing čhŏ mrŏ leh, rai leh knap snăk.

Klei Mtô Mñă Klei Bhiăn 28:63

Msĕ si Yêhôwa mâo klei mơak êjai ngă jăk kơ diih leh anăn bi lar êngŭm diih, snăn mơh Yêhôwa srăng mâo klei mơak êjai bi truh klei bi luč leh anăn bi rai diih; leh anăn arăng srăng buč hĕ diih mơ̆ng ala čar ih dôk mŭt čiăng mă bha.

Klei Mtô Mñă Klei Bhiăn 29:28

Yêhôwa buč leh diñu mơ̆ng ala čar diñu hŏng klei čôñ, hŏng klei ăl, leh anăn hŏng klei ngêñ ktang snăk, leh anăn hwiê dlăm diñu kơ ala čar mkăn, msĕ si hruê anei.’ ”

Y-Yôsuê 23:15

Ƀiădah msĕ si jih klei jăk Yêhôwa Aê Diê diih ƀuăn leh kơ diih truh sĭt leh kơ diih, snăn mơh Yêhôwa srăng bi truh kơ diih jih jang klei jhat, tơl Ñu bi rai leh diih mơ̆ng čar jăk anei Yêhôwa, Aê Diê diih brei leh kơ diih,