II Bruă Mtao 24:2 - Klei Aê Diê Blŭ 2015

² Yêhôwa tiŏ nao ngă kơ Y-Jêhôyakim lu êpul phung Kaldê, lu êpul phung Siri, lu êpul phung Môap, leh anăn lu êpul phung Amôn brei digơ̆ ngă bi rai čar Yuđa, tui si klei Yêhôwa blŭ hŏng phung dĭng buăl Ñu phung khua pô hưn êlâo.

II Bruă Mtao 24:2 Iomraidhean Croise

II Bruă Mtao 20:17

Nĕ anei hruê srăng truh tơdah jih jang mnơ̆ng mâo hlăm sang ih leh anăn ya mnơ̆ng phung aê ih mkăm leh truh kơ hruê anei, arăng srăng mă ba kơ čar Ƀaƀilôn; amâo mâo sa mta mnơ̆ng srăng ăt dôk ôh, Yêhôwa lač.

II Bruă Mtao 22:16

Snei klei Yêhôwa lač, Nĕ anei Kâo srăng bi truh klei jhat kơ anôk anei leh anăn kơ phung ƀuôn sang ñu, jih jang klei blŭ hlăm hdruôm hră mtao Yuđa dlăng anăn.

II Bruă Mtao 23:27

Yêhôwa lač, “Kâo srăng suôt hĕ msĕ mơh phung Yuđa mơ̆ng anăp ală Kâo, msĕ si Kâo suôt leh phung Israel, leh anăn Kâo srăng lui hĕ ƀuôn Kâo ruah leh anei, ƀuôn Yêrusalem, leh anăn sang Kâo lač leh, Anăn Kâo srăng dôk tinăn.”

II Bruă Mtao 6:23

Snăn gơ̆ mkra klei huă mnăm prŏng kơ diñu; leh anăn tơdah diñu ƀơ̆ng leh anăn mnăm, gơ̆ brei diñu wĭt, leh anăn diñu wĭt kơ khua diñu. Leh anăn phung Siri amâo lŏ hriê mŭt bi blah ôh hlăm čar Israel.

II Klei Yăl Dliê 33:11

Kyuanăn Yêhôwa atăt phung khua kahan mtao Asiri nao wang blah diñu, phung anăn mă Y-Manasê jing mnă, tuăk ñu ti adŭng hŏng knuăk, kă ñu hŏng klei săng đai kông leh anăn đoh ba ñu kơ ƀuôn Ƀaƀilôn.

Y-Yôp 1:17

Êjai ñu ăt dôk blŭ, mâo sa čô mkăn truh leh anăn lač, “Phung Kaldê bi mbha hlăm tlâo phung, hriê plah mă ba aseh samô, koh bi mdjiê phung dĭng buăl hŏng đao gưm; knŏng hjăn kâo yơh tlaih čiăng hriê hưn kơ ih.”

Y-Êsai 13:5

Yêhôwa leh anăn phung Ñu yua bi truh klei Ñu ngêñ, hriê mơ̆ng lu boh čar kbưi, mơ̆ng knhal adiê, čiăng bi rai jih čar.

Y-Êsai 28:19

Grăp blư̆ ñu srăng găn, ñu srăng mă mđuĕ diih. Kyuadah ñu srăng găn grăp aguah, hruê leh anăn mlam.” Leh anăn diih srăng huĭ êdi tơdah thâo săng klei hưn anăn.

Y-Êsai 7:17

Yêhôwa srăng brei truh kơ ih, kơ phung ƀuôn sang ih, leh anăn kơ sang ama ih sa ênuk ka tuôm truh ôh dơ̆ng mơ̆ng hruê phung Êphraim bi ktlah hŏng phung Yuđa, anăn jing hruê mtao čar Asiri truh.”

Y-Yêrêmi 12:9

Ngăn dưn Kâo jing kơ Kâo msĕ si sa drei tlang mơ̆? Lu tlang grư̆ dôk jŭm dar čiăng ngă kơ ñu mơ̆? Nao bi kƀĭn bĕ jih jang hlô dliê, atăt digơ̆ brei ƀơ̆ng ngăn dưn Kâo anăn.

Y-Yêrêmi 25:1

Yêhôwa blŭ kơ Y-Yêrêmi klei djŏ kơ jih jang phung ƀuôn sang čar Yuđa, hlăm thŭn tal pă Y-Jêhôyakim anak êkei Y-Jôsia jing mtao kiă kriê čar Yuđa (thŭn anăn jing thŭn tal sa kơ ênuk Y-Nebukatnetsar jing mtao čar Ƀaƀilôn).

Y-Yêrêmi 25:9

nĕ anei, Kâo srăng tiŏ nao arăng iêô jih jang phung găp djuê mnuih hlăm čar dưr,” Yêhôwa lač, “leh anăn iêô Y-Nebukatnetsar mtao čar Ƀaƀilôn dĭng buăl Kâo, leh anăn Kâo srăng atăt diñu ngă kơ čar anei leh anăn phung dôk hlăm čar, leh anăn ngă kơ jih jang găp djuê dôk jŭm dar. Kâo srăng bi rai diñu jih, leh anăn mjing diñu klei bi huĭ arăng, klei arăng djă djik djak, leh anăn klei hêñ nanao.

Y-Yêrêmi 26:20

Mâo sa čô mkăn hưn êlâo leh hlăm anăn Yêhôwa, jing Y-Uri anak êkei Y-Sêmaya mơ̆ng ƀuôn Kiriat-Jêarim. Gơ̆ hưn êlâo klei bi kdơ̆ng hŏng ƀuôn prŏng anei leh anăn hŏng čar anei klei blŭ msĕ si Y-Yêrêmi anei.

Y-Yêrêmi 26:6

snăn Kâo srăng ngă kơ sang anei msĕ si Kâo ngă leh kơ ƀuôn Silô, leh anăn Kâo srăng yua anăn ƀuôn anei jing sa klei tăm pah kơ jih jang găp djuê mnuih ti lăn ala.’ ”

Y-Yêrêmi 32:28

Snăn Yêhôwa lač snei, adôk ƀiă Kâo srăng jao ƀuôn anei hlăm kngan phung Kaldê leh anăn kơ kngan Y-Nebukatnetsar mtao Ƀaƀilôn, leh anăn ñu srăng mă gơ̆.

Y-Yêrêmi 35:11

Ƀiădah tơdah Y-Nebukatnetsar mtao Ƀaƀilôn hriê ngă kơ čar, hmei lač, ‘Bơ bĕ drei nao kơ ƀuôn Yêrusalem kyua huĭ kơ phung kahan phung Kaldê leh anăn phung kahan phung Siri.’ Snăn hmei dôk hlăm ƀuôn Yêrusalem.”

Y-Yêrêmi 52:28

Anei jing ênoh phung ƀuôn sang Y-Nebukatnetsar atăt jing mnă: hlăm thŭn tal kjuh, tlâo êbâo dua pluh tlâo čô phung Yuđa;

Klei Čŏk Hia 1:17

Ƀuôn Siôn yơr leh kngan ñu, ƀiădah amâo mâo pô bi juh ñu ôh; Yêhôwa mtă leh klei bi kdơ̆ng hŏng phung Yakôp, čiăng kơ phung riêng gah ñu jing roh ñu; ƀuôn Yêrusalem jing hĕ leh sa mnơ̆ng čhŏ ti krah diñu.

Y-Êsêkiêl 19:8

Phung găp djuê mnuih hriê bi kdơ̆ng hŏng gơ̆ mơ̆ng jih jang čar jŭm dar; diñu dăng ñuăl kơ gơ̆; diñu mă gơ̆ hlăm ƀăng drŭng diñu.

Y-Êsêkiêl 23:23

phung Ƀaƀilôn leh anăn jih jang phung Kaldê, phung Pêkôt, phung Sôa phung Kôa, leh anăn jih jang phung Asiri mbĭt hŏng diñu, phung êkei hlăk ai siam arăng tluh, phung khua kiă kriê leh anăn phung khua kahan, jih jang diñu jing phung khua kahan leh anăn phung kahan bi blah, jih jang diñu đĭ aseh.

Y-Mika 3:12

Snăn kyua diih arăng srăng kai čư̆ Siôn msĕ si sa boh hma; ƀuôn Yêrusalem srăng jing sa kăm mnơ̆ng rai leh, leh anăn čư̆ sang yang srăng jing kmrơ̆ng kpal.

Y-Haƀakuk 1:6

Kyuadah nĕ anei, Kâo srăng bi êrâo phung Kaldê, phung ƀuôn sang jhŏng ƀai leh anăn ruăt ngă, phung lip tar ƀar lăn ala, čiăng plah mă anôk amâo jing anôk diñu pô ôh.