II Bruă Mtao 24:1 - Klei Aê Diê Blŭ 2015

¹ Hlăm ênuk Y-Jêhôyakim, Y-Nebukatnetsar mtao Ƀaƀilôn đĭ hriê, leh anăn Y-Jêhôyakim jing dĭng buăl ñu tlâo thŭn. Leh anăn Y-Jêhôyakim bi kdơ̆ng hŏng ñu.

II Bruă Mtao 24:1 Iomraidhean Croise

II Bruă Mtao 17:5

Mtao Asiri mŭt tar ƀar hlăm čar leh anăn truh kơ ƀuôn Samari, leh anăn ñu wang ƀuôn anăn êjai tlâo thŭn.

II Bruă Mtao 24:20

Kyuadah klei Yêhôwa ngêñ truh leh hlăm ƀuôn Yêrusalem leh anăn čar Yuđa, Ñu suôt digơ̆ mơ̆ng ti anăp Ñu.

II Klei Yăl Dliê 36:1

Phung ƀuôn sang hlăm čar ruah Y-Jôača anak êkei Y-Jôsia mjing ñu mtao čuê ama ñu hlăm ƀuôn Yêrusalem.

Y-Êsra 4:12

Ară anei brei mtao thâo phung Yuđa phung kbiă hriê mơ̆ng ih truh kơ hmei nao leh kơ ƀuôn Yêrusalem. Diñu dôk lŏ mdơ̆ng ƀuôn khăng bi kdơ̆ng leh anăn jhat ƀai; diñu dôk bi leh mnư̆ leh anăn lŏ mkra atur.

Y-Êsai 36:5

Ih mĭn arăng dưi bi blah knŏng hŏng boh blŭ mơ̆? Kơ hlei pô ih knang tơl ih bi kdơ̆ng hŏng kâo?

Y-Yêrêmi 25:1

Yêhôwa blŭ kơ Y-Yêrêmi klei djŏ kơ jih jang phung ƀuôn sang čar Yuđa, hlăm thŭn tal pă Y-Jêhôyakim anak êkei Y-Jôsia jing mtao kiă kriê čar Yuđa (thŭn anăn jing thŭn tal sa kơ ênuk Y-Nebukatnetsar jing mtao čar Ƀaƀilôn).

Y-Yêrêmi 25:9

nĕ anei, Kâo srăng tiŏ nao arăng iêô jih jang phung găp djuê mnuih hlăm čar dưr,” Yêhôwa lač, “leh anăn iêô Y-Nebukatnetsar mtao čar Ƀaƀilôn dĭng buăl Kâo, leh anăn Kâo srăng atăt diñu ngă kơ čar anei leh anăn phung dôk hlăm čar, leh anăn ngă kơ jih jang găp djuê dôk jŭm dar. Kâo srăng bi rai diñu jih, leh anăn mjing diñu klei bi huĭ arăng, klei arăng djă djik djak, leh anăn klei hêñ nanao.

Y-Yêrêmi 35:1

Yêhôwa blŭ kơ Y-Yêrêmi hlăm ênuk Y-Jêhôyakim anak êkei Y-Jôsia kiă kriê čar Yuđa:

Y-Yêrêmi 35:11

Ƀiădah tơdah Y-Nebukatnetsar mtao Ƀaƀilôn hriê ngă kơ čar, hmei lač, ‘Bơ bĕ drei nao kơ ƀuôn Yêrusalem kyua huĭ kơ phung kahan phung Kaldê leh anăn phung kahan phung Siri.’ Snăn hmei dôk hlăm ƀuôn Yêrusalem.”

Y-Yêrêmi 36:1

Hlăm thŭn tal pă Y-Jêhôyakim anak êkei Y-Jôsia mtao Yuđa, Yêhôwa blŭ kơ Y-Yêrêmi snei:

Y-Yêrêmi 45:1

Snei klei khua pô hưn êlâo Y-Yêrêmi blŭ kơ Y-Baruk anak êkei Y-Nêria êjai ñu čih klei blŭ anei hlăm sa pŏk hdruôm hră tui si Y-Yêrêmi kăp lač brei, hlăm thŭn tal pă Y-Jêhôyakim anak êkei Y-Jôsia mtao Yuđa:

Y-Yêrêmi 46:2

Djŏ kơ čar Êjip: kơ phung kahan Pharaôn Nêkô mtao Êjip dôk ti hang êa krông Ơprat ti ƀuôn Karkêmis, hŏng phung anăn Y-Nebukatnetsar mtao Ƀaƀilôn dưi leh hlăm thŭn tal pă Y-Jêhôyakim anak êkei Y-Jôsia mtao Yuđa:

Y-Yêrêmi 50:17

Israel jing biăp klah đuĕ leh, phung êmông gu tiŏ mă leh. Êlâo hĭn mtao Asiri hiêk ƀơ̆ng ñu, leh anăn ti knhal tuč Y-Nebukatnetsar mtao Ƀaƀilôn kđah klang ñu.”

Y-Êsêkiêl 19:8

Phung găp djuê mnuih hriê bi kdơ̆ng hŏng gơ̆ mơ̆ng jih jang čar jŭm dar; diñu dăng ñuăl kơ gơ̆; diñu mă gơ̆ hlăm ƀăng drŭng diñu.

Y-Êsêkiêl 21:14

“Snăn hưn êlâo bĕ, Ơ anak mnuih, pah bĕ kngan ih leh anăn brei đao gưm koh dua blư̆, Ơ, tlâo blư̆ yơh, čiăng bi mdjiê phung arăng čuăn bi mdjiê; jing đao gưm kơ klei bi mdjiê prŏng hriê ngă kơ diñu jŭm gah găn,

Y-Đaniel 1:1

Thŭn tal tlâo ênuk Y-Jêhôyakim jing mtao kiă kriê čar Yuđa, Y-Nebukatnetsar mtao čar Ƀaƀilôn hriê wang čiăng ngă kơ ƀuôn Yêrusalem.

Y-Đaniel 1:2

Yêhôwa jao Y-Jêhôyakim mtao čar Yuđa leh anăn sa kdrêč čhiên mngan yua hlăm sang Aê Diê hlăm kngan Y-Nebukatnetsar. Y-Nebukatnetsar ba dŏ anăn kơ sang yang ñu hlăm čar Sinar, dưm hlăm sang ngăn yang ñu.

Y-Haƀakuk 1:6

Kyuadah nĕ anei, Kâo srăng bi êrâo phung Kaldê, phung ƀuôn sang jhŏng ƀai leh anăn ruăt ngă, phung lip tar ƀar lăn ala, čiăng plah mă anôk amâo jing anôk diñu pô ôh.