II Bruă Mtao 23:8 - Klei Aê Diê Blŭ 2015

⁸ Ñu bi kbiă jih jang phung khua ngă yang mơ̆ng jih jang ƀuôn čar Yuđa, leh anăn bi čhŏ hĕ jih jang anôk dlông, tinăn phung khua ngă yang čuh leh mnơ̆ng ƀâo mngưi mơ̆ng ƀuôn Gêba truh kơ ƀuôn Bêr-Sêba. Leh anăn ñu bi klưh anôk dlông ti anôk mŭt ƀăng jang Y-Yôsuê khua kiă kriê ƀuôn, dŏ anăn dôk tĭng điâo ƀăng jang ƀuôn.

II Bruă Mtao 23:8 Iomraidhean Croise

Klei Mphŭn Dơ̆ng 21:14

Snăn Y-Abraham kgŭ aguah ưm, mă kpŭng leh anăn sa giêt êa klĭt, brei kơ H'Agar leh anăn ñu dưm ti mra gơ̆. Ñu brei hđeh kơ gơ̆ leh anăn suôt brei gơ̆ đuĕ nao. H'Agar đuĕ nao leh anăn hiu rưng hlăm kdrăn tač Bêr-Sêba.

Klei Mphŭn Dơ̆ng 21:31

Kyuanăn arăng pia anôk anăn Bêr-Sêba, kyuadah tinăn yơh jih diñu dua kat asei.

Klei Mphŭn Dơ̆ng 26:23

Mơ̆ng anăn ñu đĭ nao kơ ƀuôn Bêr-Sêba.

I Bruă Mtao 15:22

Leh anăn Mtao Asa mtă kơ jih jang phung Yuđa amâo lui sa čô ôh, leh anăn diñu djă ba boh tâo leh anăn kyâo Y-Baêsa yua kơ klei mdơ̆ng ƀuôn Rama; leh anăn Mtao Asa yua dŏ anăn mdơ̆ng ƀuôn Gêba hlăm čar Benjamin leh anăn ƀuôn Mispa.

I Bruă Mtao 19:3

Snăn Y-Êli huĭ, leh anăn kgŭ đuĕ čiăng bi mtlaih klei hdĭp ñu. Ñu truh ti ƀuôn Bêr-Sêba hlăm čar Yuđa, leh anăn lui dĭng buăl ñu tinăn.

I Klei Yăl Dliê 6:60

leh anăn hlăm krĭng Benjamin arăng brei ƀuôn Gêba mbĭt hŏng kdrăn rơ̆k, ƀuôn Alêmet mbĭt hŏng kdrăn rơ̆k, leh anăn ƀuôn Anathôt mbĭt hŏng kdrăn rơ̆k. Jih jang ƀuôn prŏng hlăm jih jang găp djuê diñu mâo pluh tlâo boh ƀuôn.

Y-Êsai 10:29

Diñu găn êlan plah wah dua boh čư̆, diñu đăm ti ƀuôn Gêba; ƀuôn Rama ktư̆ yơ̆ng, phung ƀuôn sang Gibêa, ƀuôn Y-Sôl, êran đuĕ.

Y-Êsêkiêl 44:10

Ƀiădah phung Lêwi klah đuĕ leh kbưi mơ̆ng Kâo, čiăng tui hlue rup yang diñu tơdah phung Israel klah đuĕ leh, srăng klam klei bi kmhal kơ diñu pô.

Y-Amôs 5:5

ƀiădah đăm duah ƀuôn Ƀêthel ôh, leh anăn đăm mŭt ƀuôn Gilgal ôh, amâodah găn nao kơ ƀuôn Bêr-Sêba ôh; kyuadah sĭt nik ƀuôn Gilgal srăng nao jing mnă, leh anăn ƀuôn Bêthel srăng jing hơăi mang.”

Y-Sakari 14:10

Jih čar srăng bliư̆ jing lăn dap mơ̆ng ƀuôn Gêba truh ti ƀuôn Rimôn tĭng dhŭng ƀuôn Yêrusalem. Ƀiădah ƀuôn Yêrusalem srăng mđĭ ti dlông dôk djŏ anôk ñu dơ̆ng mơ̆ng Ƀăng Jang Benjamin truh ti anôk Ƀăng Jang Tal Êlâo, truh ti Ƀăng Jang Kiêng, leh anăn mơ̆ng Sang Tum Hananel truh ti anôk djiêt kpiê mtao.

Y-Yôsuê 18:24

Čhêparamôni, Ôpni, Gêba — pluh dua boh ƀuôn prŏng mbĭt hŏng ƀuôn diêt diñu;

Y-Yôsuê 21:17

leh anăn mơ̆ng găp djuê phung Benjamin, Gabaôn mbĭt hŏng kdrăn rơ̆k gơ̆, Gêba mbĭt hŏng kdrăn rơ̆k gơ̆,

Phung Khua Phat Kđi 20:1

Snăn jih jang phung ƀuôn sang Israel kbiă dơ̆ng mơ̆ng ƀuôn Dan truh kơ ƀuôn Bêr-Sêba, wăt čar Galaat, leh anăn diñu sa ai bi kƀĭn mbĭt ti anăp Yêhôwa ti ƀuôn Mispa.