II Bruă Mtao 23:5 - Klei Aê Diê Blŭ 2015

⁵ Ñu suôt hĕ phung khua ngă yang kơ rup yang, phung anăn mtao Yuđa mtă leh brei čuh mnơ̆ng ƀâo mngưi ti anôk dlông hlăm jih jang ƀuôn čar Yuđa leh anăn jŭm dar ƀuôn Yêrusalem; leh anăn phung čuh mnơ̆ng ƀâo mngưi kơ yang Baal, kơ yang hruê, kơ mlan, kơ mtŭ, leh anăn kơ jih jang phung hlăm adiê.

II Bruă Mtao 23:5 Iomraidhean Croise

II Bruă Mtao 21:5

Ñu mdơ̆ng knưl kơ jih jang phung hlăm adiê dua bĭt anôk wăl sang Yêhôwa.

II Klei Yăl Dliê 33:3

Ñu lŏ mdơ̆ng anôk dlông ama ñu Y-Hêsêkia bi klưh leh, ñu mdơ̆ng knưl kơ yang Baal leh anăn ngă rup yang Asêra, kkuh mpŭ kơ jih jang phung hlăm adiê, leh anăn mă bruă kơ phung anăn.

II Klei Yăl Dliê 34:4

Arăng bi klưh jih jang knưl yang Baal ti anăp ñu; leh anăn ñu druôm hĕ knưl čuh mnơ̆ng ƀâo mngưi dôk ti dlông knưl yang Baal anăn; leh anăn ñu bi mčah đơ điêt phung rup yang Asêra, rup kač, leh anăn rup tuh tia; ñu bi ƀhĭ rup anăn leh anăn pruê bruih anăn ti dlông msat phung ngă yang kơ rup anăn.

Y-Yôp 38:32

Ih dưi mơ̆ atăt mtŭ Masarôt djŏ yan gơ̆, amâodah dưi mơ̆ atăt gai mtŭ Kgâo mbĭt hŏng êđai gơ̆?

Y-Êsêkiêl 8:6

Ñu lač kơ kâo, “Ơ anak mnuih, ih ƀuh mơ̆ klei diñu dôk ngă, klei jhat prŏng Kâo bi êmut kheh sang Israel dôk ngă tinei, čiăng suôt Kâo kbưi mơ̆ng adŭ doh jăk Kâo? Ƀiădah ih srăng ƀuh ăt mâo klei jhat Kâo bi êmut kheh prŏng hĭn.”

Y-Ôsê 10:5

Phung dôk hlăm čar Samari srăng ktư̆ yơ̆ng kyua rup êđai êmô Bet-Awen. Phung ƀuôn sang srăng kơŭ kyăm kơ rup yang anăn, leh anăn phung khua ngă yang ñu srăng čŏk hia kơ ñu, kyuadah klei guh kơang ñu luč leh.

Y-Sôphôni 1:4

“Kâo srăng yơr kngan Kâo bi kdơ̆ng hŏng phung Yuđa, leh anăn hŏng jih jang phung dôk hlăm ƀuôn Yêrusalem; leh anăn Kâo srăng bi rai mơ̆ng anôk anei phung adôk kkuh mpŭ kơ yang Baal leh anăn phung khua ngă yang kơ rup yang;