II Bruă Mtao 23:4 - Klei Aê Diê Blŭ 2015

⁴ Mtao mtă kơ Y-Hilkia khua ngă yang prŏng leh anăn kơ phung khua ngă yang tal dua, leh anăn kơ phung kiă kriê ƀăng bhă mă ba mơ̆ng sang yang Yêhôwa jih jang čhiên mngan arăng ngă leh kơ yang Baal, kơ yang Asêra, leh anăn kơ jih jang phung hlăm adiê. Ñu čuh hĕ dŏ anăn ti êngao ƀuôn Yêrusalem hlăm hma Sêdrôn, leh anăn mă ba hbâo dŏ anăn kơ ƀuôn Bêthel.

II Bruă Mtao 23:4 Iomraidhean Croise

II Y-Samuel 15:23

Jih čar ur hia êjai jih jang phung ƀuôn sang găn, leh anăn mtao găn êa hnoh Sêdrôn, leh anăn jih jang phung ƀuôn sang găn nao phă kdrăn tač.

I Bruă Mtao 12:29

Ñu dưm sa boh rup hlăm ƀuôn Bêthel, leh anăn ñu dưm sa boh rup mkăn hlăm ƀuôn Dan.

I Bruă Mtao 15:13

Msĕ mơh ñu bi luč klei amĭ ñu H'Maka jing mtao mniê, kyuadah gơ̆ mâo leh sa ƀĕ gơ̆ng kŭt rup yang Asêra Yêhôwa bi êmut. Y-Asa bi klưh hĕ rup yang gơ̆ leh anăn čuh rup yang anăn ti êa Sêdrôn.

I Bruă Mtao 16:31

Leh anăn tơdah jing msĕ si sa klei ênưih kơ ñu êbat hlăm klei soh Y-Jêrôbôam anak êkei Y-Nêbat, ñu mă kơ mô̆ H'Jêsêbel, anak mniê Y-Êtbal mtao phung Sidôn, leh anăn nao mă bruă kơ yang Baal, leh anăn kkuh mpŭ kơ yang anăn.

I Bruă Mtao 18:19

Snăn ară anei tiŏ nao bĕ arăng bi kƀĭn jih jang phung Israel kơ kâo ti čư̆ Karmel, leh anăn phung pă êtuh êma pluh čô khua pô hưn êlâo yang Baal, leh anăn pă êtuh čô khua pô hưn êlâo yang Asêra, phung huă ƀơ̆ng ti jhưng huă H'Jêsêbel.”

I Bruă Mtao 18:26

Diñu mă êmô knô arăng brei kơ diñu, diñu mkra gơ̆, leh anăn iêô anăn yang Baal mơ̆ng aguah tơl yang hruê dơ̆ng, lač, “Ơ Baal, lŏ wĭt lač bĕ kơ hmei!” Ƀiădah amâo mâo asăp blŭ ôh, leh anăn amâo mâo pô lŏ wĭt lač ôh; leh anăn diñu kplŏng kdăt jŭm knưl diñu mkra leh.

I Bruă Mtao 18:40

Y-Êli lač kơ diñu, “Mă bĕ phung khua pô hưn êlâo yang Baal; đăm brei sa čô hlăm phung diñu tlaih ôh.” Leh anăn diñu mă digơ̆. Y-Êli atăt digơ̆ trŭn kơ êa hnoh Kisôn leh anăn bi mdjiê digơ̆ tinăn.

I Bruă Mtao 19:18

Ƀiădah Kâo srăng lui kjuh êbâo čô hlăm čar Israel, jih jang phung amâo tuôm čuôn kơŭt ti anăp yang Baal, leh anăn jih ƀăng êgei amâo tuôm čŭm gơ̆ ôh.”

II Bruă Mtao 10:26

Diñu mă ba kơ tač gơ̆ng kŭt sang yang Baal leh anăn čuh hĕ gơ̆.

II Bruă Mtao 12:10

Tơdah diñu ƀuh mâo lu prăk hlăm hip anăn, khua čih hră mtao leh anăn khua ngă yang prŏng hriê yap, trôk hlăm kdô, leh anăn kă hĕ kdô anăn, jih prăk mâo hlăm sang Yêhôwa.

II Bruă Mtao 17:16

Diñu lui hĕ jih jang klei mtă mơ̆ng Yêhôwa Aê Diê diñu, leh anăn tuh kơ diñu pô rup dua drei êđai êmô; leh anăn diñu ngă sa ƀĕ gơ̆ng kŭt rup yang Asêra, leh anăn kkuh mpŭ kơ jih jang phung hlăm adiê, leh anăn mă bruă kơ yang Baal.

II Bruă Mtao 21:3

Kyuadah ñu lŏ mdơ̆ng lu anôk dlông ama ñu Y-Hêsêkia bi rai leh; leh anăn ñu mdơ̆ng knưl kơ yang Baal, leh anăn ngă sa ƀĕ gơ̆ng kŭt rup yang Asêra msĕ si Y-Ahap mtao Israel ngă leh, leh anăn kkuh mpŭ kơ jih jang phung hlăm adiê, leh anăn mă bruă kơ phung anăn.

II Bruă Mtao 21:5

Ñu mdơ̆ng knưl kơ jih jang phung hlăm adiê dua bĭt anôk wăl sang Yêhôwa.

II Bruă Mtao 21:7

Ñu dưm sa rup krah Asêra ñu ngă leh hlăm sang Yêhôwa lač leh kơ Y-Đawit leh anăn kơ Y-Salômôn anak êkei gơ̆, “Hlăm sang anei leh anăn hlăm ƀuôn Yêrusalem, anôk Kâo ruah leh hlăm jih jang găp djuê Israel, Kâo srăng dưm Anăn Kâo hlŏng lar.

II Bruă Mtao 22:4

“Đĭ nao bĕ kơ Y-Hilkia khua ngă yang prŏng, čiăng kơ ñu tĭng prăk arăng djă ba leh kơ sang Yêhôwa, prăk phung kiă kriê ƀăng bhă mkuôm pioh leh mơ̆ng phung ƀuôn sang;

II Bruă Mtao 23:12

Mtao bi rai hĕ knưl ti čuôr găp adŭ tal dlông Y-Ahas, knưl anăn phung mtao Yuđa ngă leh, leh anăn knưl Y-Manasê ngă leh hlăm dua wăl sang Yêhôwa ñu klư̆ leh anăn bi mčah đơ điêt, leh anăn ñu hwiê dŏ mčah đơ điêt anăn hlăm hnoh êa Sêdrôn.

II Bruă Mtao 23:15

Êbeh kơ anăn knưl ti ƀuôn Bêthel anôk dlông Y-Jêrôbôam anak êkei Y-Nêbat mdơ̆ng leh, pô bi msoh leh phung Israel, knưl leh anăn anôk dlông anăn ñu klư̆ leh anăn bi mčah đơ điêt boh tâo gơ̆, tlê dŏ anăn tơl ƀhĭ; leh anăn ñu čuh sa ƀĕ gơ̆ng kŭt rup yang Asêra msĕ mơh.

II Bruă Mtao 25:18

Khua kahan phung gak mă Y-Sêraya knơ̆ng khua ngă yang leh anăn Y-Sêphania khua ngă yang tal dua, leh anăn tlâo čô kiă kriê ƀăng bhă;

II Klei Yăl Dliê 15:16

Wăt H'Maka amĭ ñu Mtao Asa bi mlih amâo lŏ brei jing mtao mniê ôh, kyuadah gơ̆ ngă leh rup yang Asêra Yêhôwa bi êmut. Y-Asa druôm hĕ rup yang amĭ ñu anăn, bi mčah leh anăn čuh hĕ rup anăn ti hnoh êa Sêdrôn.

II Klei Yăl Dliê 33:3

Ñu lŏ mdơ̆ng anôk dlông ama ñu Y-Hêsêkia bi klưh leh, ñu mdơ̆ng knưl kơ yang Baal leh anăn ngă rup yang Asêra, kkuh mpŭ kơ jih jang phung hlăm adiê, leh anăn mă bruă kơ phung anăn.

II Klei Yăl Dliê 33:7

Rup yang krah ñu ngă leh ñu dưm hlăm sang yang Aê Diê, kơ sang anăn Aê Diê lač leh kơ Y-Đawit leh anăn kơ Y-Salômôn anak êkei ñu, “Hlăm sang anei leh anăn hlăm ƀuôn Yêrusalem anôk Kâo ruah leh mơ̆ng jih jang găp djuê Israel, Kâo srăng dưm Anăn Kâo nanao hlŏng lar;

Y-Êsai 27:9

Kyuanăn hŏng klei anei arăng srăng bi doh klei wê phung Yakôp, leh anăn snei jing jih klei truh kyua klei bi doh klei soh diñu: Yakôp srăng brei jih jang boh tâo knưl jing msĕ si boh tâo čŭr ƀhĭ leh, amâo srăng mâo phung yang Asêra leh anăn knưl čuh mnơ̆ng ƀâo mngưi ăt dôk ôh.

Y-Yêrêmi 52:24

Khua kahan kiă mtao mă Y-Sêraya khua ngă yang prŏng, Y-Sôphôni kơiăng khua ngă yang, leh anăn tlâo čô kiă kmhia anôk mŭt sang yang;

Y-Yêrêmi 7:9

Diih srăng tlĕ mơ̆, bi mdjiê mnuih mơ̆, tlĕ piu mơ̆, kat asei luar mơ̆, čuh mnơ̆ng ƀâo mngưi kơ yang Baal mơ̆, leh anăn tui hlue yang mkăn mơ̆ diih amâo tuôm thâo kral ôh,

Y-Êsêkiêl 8:6

Ñu lač kơ kâo, “Ơ anak mnuih, ih ƀuh mơ̆ klei diñu dôk ngă, klei jhat prŏng Kâo bi êmut kheh sang Israel dôk ngă tinei, čiăng suôt Kâo kbưi mơ̆ng adŭ doh jăk Kâo? Ƀiădah ih srăng ƀuh ăt mâo klei jhat Kâo bi êmut kheh prŏng hĭn.”

Y-Ôsê 4:15

Wăt tơdah ih ngă klei knhông, Ơ Israel, đăm brei phung Yuđa jing soh ôh. Đăm mŭt kơ ƀuôn Gilgal ôh, kăn đĭ nao rei kơ ƀuôn Bet-Awen, leh anăn đăm kat asei ôh, ‘Tui si Yêhôwa dôk hdĭp.’

Y-Amôs 4:4

“Nao bĕ kơ ƀuôn Bêthel leh anăn gao klei bhiăn, nao bĕ kơ ƀuôn Gilgal leh anăn bi lar klei soh. Ba bĕ mnơ̆ng diih ngă yang grăp aguah, mnơ̆ng myơr sa kdrêč hlăm pluh grăp tlâo hruê.

Y-Sôphôni 1:4

“Kâo srăng yơr kngan Kâo bi kdơ̆ng hŏng phung Yuđa, leh anăn hŏng jih jang phung dôk hlăm ƀuôn Yêrusalem; leh anăn Kâo srăng bi rai mơ̆ng anôk anei phung adôk kkuh mpŭ kơ yang Baal leh anăn phung khua ngă yang kơ rup yang;

Y-Mathiơ 26:3

Hlăk anăn phung knơ̆ng khua ngă yang leh anăn phung khua mduôn hlăm phung ƀuôn sang bi kƀĭn hlăm sang khua ngă yang prŏng Y-Kaip,

Y-Mathiơ 27:1

Tơdah truh aguah jih jang phung knơ̆ng khua ngă yang leh anăn phung khua mduôn hlăm phung ƀuôn sang bi trông čhai ngă kơ Yêsu čiăng bi mdjiê Gơ̆.

Y-Yôhan 18:1

Leh Yêsu wah lač, Ñu nao mbĭt hŏng phung ƀĭng kna Ñu găn tlung êa hnoh Kidrôn, tinăn mâo war mnga. Ñu mŭt tinăn mbĭt hŏng phung ƀĭng kna Ñu.

Phung Khua Phat Kđi 2:13

Diñu lui wir Yêhôwa leh anăn mă bruă kơ phung yang Baal leh anăn kơ yang Astarôt.