II Bruă Mtao 23:3 - Klei Aê Diê Blŭ 2015

³ Mtao dôk dơ̆ng ti kmeh leh anăn ngă sa klei bi mguôp ti anăp Yêhôwa, čiăng êbat tui hlue Yêhôwa leh anăn djă pioh klei Gơ̆ mtă, klei Gơ̆ hưn, leh anăn klei bhiăn Gơ̆ hŏng jih ai tiê leh anăn hŏng jih mngăt ñu, čiăng ngă tui si klei blŭ kơ klei bi mguôp anei čih leh hlăm hdruôm hră anei. Leh anăn jih jang phung ƀuôn sang jing sa ai hlăm klei bi mguôp anăn.

II Bruă Mtao 23:3 Iomraidhean Croise

II Bruă Mtao 11:14

Leh anăn tơdah ñu dlăng, nĕ anei mtao dôk dơ̆ng giăm kmeh tui si klei bhiăn, phung khua kahan leh anăn phung ayŭ ki dôk ti djiêô mtao, leh anăn jih jang phung ƀuôn sang hlăm lăn čar hơ̆k mơak leh anăn ayŭ ki. H'Athalia hiêk čhiăm ao ñu leh anăn ur, “Klei lhiăr! Klei lhiăr yơh!”

II Bruă Mtao 11:17

Y-Jêhôida ngă klei bi mguôp hdơ̆ng Yêhôwa hŏng mtao leh anăn hŏng phung ƀuôn sang, čiăng kơ diñu srăng jing phung ƀuôn sang Yêhôwa; leh anăn hdơ̆ng mtao hŏng phung ƀuôn sang msĕ mơh.

II Klei Yăl Dliê 15:15

Jih jang phung Yuđa hơ̆k mơak kyua klei kat asei anăn; kyuadah diñu kat asei leh hŏng jih ai tiê diñu, leh anăn duah Yêhôwa hŏng jih klei diñu čiăng, leh anăn diñu ƀuh Gơ̆, leh anăn Yêhôwa brei kơ diñu klei êđăp ênang jŭm dar.

II Klei Yăl Dliê 23:13

Tơdah ñu dlăng, ñu ƀuh mtao dôk dơ̆ng giăm kmeh gơ̆ ti anôk mŭt, leh anăn phung khua kahan leh anăn phung ayŭ ki dôk ti djiêô mtao, leh anăn jih jang phung ƀuôn sang hlăm čar hơ̆k mơak ayŭ ki, leh anăn phung mmuñ ayŭ đĭng kưt mmuñ atăt gai klei mpŭ kơ mtao. Snăn H'Athali hiêk čhiăm ao ñu leh anăn ur, “Klei lhiăr! Klei lhiăr yơh!”

II Klei Yăl Dliê 23:16

Y-Jêhôida ngă sa klei bi mguôp ñu pô hŏng jih jang phung ƀuôn sang leh anăn mtao, kơ diñu srăng jing phung ƀuôn sang Yêhôwa.

II Klei Yăl Dliê 29:10

Ară anei ai tiê kâo čiăng ngă sa klei bi mguôp hŏng Yêhôwa Aê Diê phung Isrel, čiăng kơ klei Ñu ngêñ hlơr dưi weh đuĕ mơ̆ng drei.

Y-Êsra 10:3

Snăn brei drei ngă sa klei bi mguôp hŏng Aê Diê drei čiăng lui leh anăn suôt hĕ jih phung mô̆ anei leh anăn phung anak diñu, tui si klei khua kâo kčĕ leh anăn tui si phung mkăn kčĕ, phung huĭ mpŭ kơ klei Aê Diê drei mtă, leh anăn brei ngă klei anăn djŏ hŏng klei bhiăn Aê Diê.

Y-Nêhêmi 10:1

Phung kđăm hră anăn mâo: Y-Nêhêmi khua kiă kriê anak êkei Y-Hakalia, Y-Sêdêkia,

Y-Nêhêmi 5:13

Msĕ mơh kâo êyuh ao jhung kâo leh anăn lač, “Snăn mơh brei Aê Diê êyuh grăp čô êkei mơ̆ng sang gơ̆ leh anăn mơ̆ng bruă gơ̆ mă, pô amâo bi sĭt klei ƀuăn anei. Snăn mơh brei arăng êyuh gơ̆ leh anăn brei gơ̆ jing êhŏng.” Jih jang phung bi kƀĭn lač, “Amen,” leh anăn bi mni kơ Yêhôwa. Phung ƀuôn sang ngă tui si klei diñu ƀuăn leh.

Y-Nêhêmi 9:38

Kyua jih klei anăn hmei ngă sa klei bi mguôp kjăp leh anăn čih gơ̆, leh anăn phung khua, phung Lêwi, leh anăn phung khua ngă yang hmei kđăm hĕ hră anăn.

Klei Kbiă 24:3

Y-Môis hriê hưn jih jang klei Yêhôwa blŭ leh anăn jih jang klei mtă. Jih jang phung ƀuôn sang lŏ wĭt lač hŏng sa asăp, “Hmei srăng ngă jih klei Yêhôwa lač leh.”

Khua Pô Mtô 8:2

Gưt bĕ klei mtao mtă, kyua klei ih kat asei ti anăp Aê Diê.

Y-Yêrêmi 34:15

Amâo sui ôh diih kmhal leh anăn ngă leh klei djŏ ti anăp ală Kâo êjai hưn klei êngiê, grăp čô kơ pô riêng gah ñu, leh anăn diih ngă sa klei bi mguôp ti anăp Kâo hlăm sang arăng pia hŏng Anăn Kâo.

Y-Yêrêmi 34:8

Yêhôwa blŭ kơ Y-Yêrêmi leh Mtao Sêdêkia ngă leh sa klei bi mguôp hŏng jih jang phung ƀuôn sang ƀuôn Yêrusalem čiăng hưn klei bi êngiê kơ phung hlŭn,

Y-Yêrêmi 4:2

leh anăn tơdah ih kat asei, ‘Tui si Yêhôwa dôk hdĭp,’ hŏng klei sĭt nik, hŏng klei kpă, leh anăn hŏng klei djŏ, snăn Yêhôwa srăng hơêč hmưi kơ phung găp djuê mnuih, leh anăn hlăm Gơ̆ diñu srăng mâo klei guh kơang.”

Y-Yêrêmi 50:5

Diñu srăng êmuh êlan nao kơ ƀuôn Siôn, ƀô̆ mta diñu wir phă ƀuôn Siôn, diñu srăng hriê leh anăn bi kuôl diñu pô hŏng Yêhôwa hŏng sa klei bi mguôp hlŏng lar diñu amâo srăng wơr bĭt ôh.

Klei Mtô Mñă Klei Bhiăn 10:12

“Ară anei, Ơ Israel, ya klei Yêhôwa Aê Diê ih čiăng brei ih ngă, knŏng huĭ mpŭ kơ Yêhôwa Aê Diê ih, êbat hlăm jih jang êlan Ñu, khăp kơ Ñu, leh anăn mă bruă kơ Yêhôwa Aê Diê ih hŏng jih ai tiê leh anăn hŏng jih mngăt ih,

Klei Mtô Mñă Klei Bhiăn 11:13

Tơdah diih gưt klei bhiăn Ñu kâo brei kơ diih hruê anei, khăp kơ Yêhôwa Aê Diê ih, leh anăn mă bruă kơ ñu hŏng jih ai tiê leh anăn hŏng jih mngăt ih,

Klei Mtô Mñă Klei Bhiăn 13:4

Brei diih êbat tui hlue Yêhôwa Aê Diê diih leh anăn huĭ mpŭ kơ Ñu, djă pioh klei Ñu mtă leh anăn gưt asăp kơ Ñu, leh anăn brei diih mă bruă kơ Ñu leh anăn dôk bi mguôp hŏng Ñu.

Klei Mtô Mñă Klei Bhiăn 29:1

Anei klei blŭ kơ klei bi mguôp Yêhôwa mtă leh kơ Y-Môis brei ngă hŏng phung ƀuôn sang Israel ti čar Môap, êngao kơ klei bi mguôp Ñu ngă leh hŏng digơ̆ ti čư̆ Hôrep.

Klei Mtô Mñă Klei Bhiăn 4:45

Anei jing klei hưn, klei bhiăn, leh anăn klei mtă Y-Môis blŭ leh kơ phung anak Israel hlăk diñu kbiă mơ̆ng čar Êjip,

Klei Mtô Mñă Klei Bhiăn 6:1

“Anei klei mtă, klei bhiăn, leh anăn klei mtrŭn Yêhôwa Aê Diê diih mtă leh brei kâo mtô kơ diih, čiăng kơ diih ngă tui hlue klei anăn hlăm čar diih srăng găn mă bha;

Klei Mtô Mñă Klei Bhiăn 6:5

leh anăn brei ih khăp kơ Yêhôwa Aê Diê ih hŏng jih ai tiê ih, hŏng jih mngăt ih, leh anăn hŏng jih ai ktang ih.

Klei Mtô Mñă Klei Bhiăn 8:19

Leh anăn tơdah ih wơr bĭt Yêhôwa Aê Diê diih leh anăn tui hlue yang mkăn mă bruă kơ diñu leh anăn kkuh mpŭ kơ diñu, kâo hưn ktang tĭt hruê anei, sĭt nik diih srăng rai tuč.

Hêbrơ 12:24

Diih nao leh kơ Yêsu jing Pô Ti Krah klei bi mguôp mrâo, leh anăn kơ êrah hƀrah leh blŭ jăk hĭn kơ êrah Y-Aƀel.

Hêbrơ 13:20

Ară anei brei Aê Diê klei êđăp ênang, Pô lŏ bi hdĭp leh Khua Yang drei Yêsu mơ̆ng phung djiê, mgăt khua kơ phung biăp, hŏng êrah klei bi mguôp hlŏng lar,