II Bruă Mtao 23:2 - Klei Aê Diê Blŭ 2015

² Mtao đĭ nao kơ sang Yêhôwa, leh anăn mbĭt hŏng ñu jih jang êkei Yuđa leh anăn jih jang phung mnuih hlăm ƀuôn Yêrusalem, phung khua ngă yang, leh anăn phung khua pô hưn êlâo, jih jang phung ƀuôn sang điêt wăt prŏng; leh anăn ñu dlăng kơ knga digơ̆ jih jang klei blŭ hlăm hdruôm hră klei bi mguôp arăng ƀuh leh hlăm sang Yêhôwa.

II Bruă Mtao 23:2 Iomraidhean Croise

Klei Mphŭn Dơ̆ng 19:11

Digơ̆ bi bum ală phung mnuih ti ƀăng bhă sang, phung điêt wăt prŏng, tơl diñu amâo thâo ƀuh duah ƀăng bhă.

I Bruă Mtao 8:9

Amâo mâo sa mnơ̆ng hlăm hip knŏng dua pŏk mdhă boh tâo Y-Môis dưm tinăn ti čư̆ Hôrep, anôk Yêhôwa ngă leh klei bi mguôp hŏng phung ƀuôn sang Israel, hlăk diñu kbiă mơ̆ng čar Êjip.

II Bruă Mtao 22:8

Y-Hilkia khua ngă yang prŏng lač kơ Y-Saphan khua čih hră, “Kâo ƀuh leh hdruôm hră klei bhiăn hlăm sang Yêhôwa.” Y-Hilkia brei hdruôm hră anăn kơ Y-Saphan, leh anăn ñu dlăng.

II Klei Yăl Dliê 15:13

leh anăn hlei pô amâo čiăng duah Yêhôwa Aê Diê phung Israel, arăng srăng bi mdjiê hĕ, thâodah hlăk ai amâodah mduôn, êkei amâodah mniê.

II Klei Yăl Dliê 17:9

Diñu djă ba hdruôm hră klei bhiăn Yêhôwa leh anăn mtô hlăm čar Yuđa. Diñu hiu hlăm jih jang ƀuôn čar Yuđa leh anăn mtô kơ phung ƀuôn sang.

Y-Nêhêmi 13:1

Ti hruê anăn diñu dlăng mơ̆ng hdruôm hră Y-Môis brei phung ƀuôn sang hmư̆; leh anăn hlăm anăn arăng ƀuh klei čih kơ sa čô Amôn amâodah sa čô Môap hlŏng lar amâo dưi mŭt hlăm phung bi kƀĭn kkuh mpŭ kơ Aê Diê;

Y-Nêhêmi 9:3

Diñu dôk dơ̆ng ti anôk diñu leh anăn hmư̆ klei dlăng hdruôm hră klei bhiăn Yêhôwa Aê Diê diñu êjai sa kdrêč hlăm pă hlăm sa hruê; leh anăn sa kdrêč hlăm pă mkăn diñu hưn klei soh leh anăn kkuh mpŭ kơ Yêhôwa Aê Diê diñu.

H'Êsther 1:5

Tơdah hruê anăn ruê̆ leh, mtao mkra kơ jih jang phung ƀuôn sang dôk tinăn hlăm ƀuôn Susa ƀuôn akŏ, phung prŏng wăt điêt, sa klei huă mnăm prŏng êjai kjuh hruê hlăm war mnga wăl sang mtao.

Y-Yôp 3:19

Phung điêt leh anăn phung prŏng dôk tinăn, leh anăn hlŭn mâo klei êngiê mơ̆ng khua ñu.

Klei Mmuñ Hđăp 115:13

Ñu srăng brei klei jăk jĭn kơ phung huĭ mpŭ kơ Yêhôwa, wăt phung điêt leh anăn phung prŏng.

Y-Yêrêmi 34:8

Yêhôwa blŭ kơ Y-Yêrêmi leh Mtao Sêdêkia ngă leh sa klei bi mguôp hŏng jih jang phung ƀuôn sang ƀuôn Yêrusalem čiăng hưn klei bi êngiê kơ phung hlŭn,

Bruă Phung Khua Ƀĭng Kna 26:22

Truh ti hruê anei Aê Diê đru kâo leh, snăn kâo dôk dơ̆ng tinei hưn bi sĭt kơ phung điêt wăt kơ phung prŏng knŏng klei phung khua pô hưn êlâo leh anăn Y-Môis hưn leh srăng truh:

Klei Mtô Mñă Klei Bhiăn 31:26

“Mă bĕ hdruôm hră klei bhiăn anei leh anăn dưm gơ̆ ti djiêô hip klei bi mguôp Yêhôwa Aê Diê diih, čiăng gơ̆ dưi dôk tinăn jing sa klei hưn bi kdơ̆ng hŏng diih.

Klei Bi Êdah 20:12

Leh anăn kâo ƀuh phung djiê, prŏng leh anăn điêt, dôk dơ̆ng ti anăp jhưng mtao anăn; leh anăn lu hdruôm hră arăng pŏk leh. Arăng pŏk leh sa pŏk hdruôm hră mkăn, jing hdruôm hră klei hdĭp. Leh anăn arăng phat kđi phung djiê tui si klei arăng čih leh hlăm lu hdruôm hră anăn, tui si bruă diñu ngă leh.

I Y-Samuel 30:2

leh anăn mă phung mniê leh anăn jih jang phung dôk hlăm ƀuôn anăn, phung điêt wăt prŏng. Diñu amâo bi mdjiê sa čô ôh, ƀiădah diñu mă ba phung anăn leh anăn đuĕ nao.

I Y-Samuel 5:9

Ƀiădah leh diñu kkung ba gơ̆ leh, kngan Yêhôwa ngă kơ ƀuôn anăn mơh, leh anăn ngă klei bi huĭ prŏng leh anăn bi knap phung êkei hlăm ƀuôn, phung hlăk ai wăt mduôn, diñu mâo klei ruă kdloh mlŭn: