II Bruă Mtao 22:8 - Klei Aê Diê Blŭ 2015

⁸ Y-Hilkia khua ngă yang prŏng lač kơ Y-Saphan khua čih hră, “Kâo ƀuh leh hdruôm hră klei bhiăn hlăm sang Yêhôwa.” Y-Hilkia brei hdruôm hră anăn kơ Y-Saphan, leh anăn ñu dlăng.

II Bruă Mtao 22:8 Iomraidhean Croise

II Bruă Mtao 22:9

Y-Saphan khua čih hră hriê kơ mtao leh anăn hưn kơ mtao, “Phung dĭng buăl ih mă leh jih prăk mâo hlăm sang, leh anăn jao leh prăk anăn kơ phung mă bruă kiă kriê sang Yêhôwa.”

II Bruă Mtao 23:2

Mtao đĭ nao kơ sang Yêhôwa, leh anăn mbĭt hŏng ñu jih jang êkei Yuđa leh anăn jih jang phung mnuih hlăm ƀuôn Yêrusalem, phung khua ngă yang, leh anăn phung khua pô hưn êlâo, jih jang phung ƀuôn sang điêt wăt prŏng; leh anăn ñu dlăng kơ knga digơ̆ jih jang klei blŭ hlăm hdruôm hră klei bi mguôp arăng ƀuh leh hlăm sang Yêhôwa.

II Bruă Mtao 23:24

Êbeh kơ anăn Y-Jôsia suôt hĕ jih jang phung mjâo leh anăn phung mdian, rup yang têraphim leh anăn rup yang, leh anăn jih jang mnơ̆ng Yêhôwa bi êmut mâo hlăm čar Yuđa leh anăn hlăm ƀuôn Yêrusalem, čiăng kơ ñu dưi bi kjăp klei blŭ hlăm klei bhiăn čih leh hlăm hdruôm hră Y-Hilkia khua ngă yang ƀuh hlăm sang Yêhôwa.