II Bruă Mtao 22:7 - Klei Aê Diê Blŭ 2015

⁷ Ƀiădah arăng amâo ksiêm ôh prăk jao leh kơ phung diñu, kyuadah diñu ngă hŏng klei ênuah.”

II Bruă Mtao 22:7 Iomraidhean Croise

II Bruă Mtao 12:15

Arăng amâo ksiêm ôh prăk kơ phung mnuih arăng jao leh brei diñu ƀơk phung mă bruă, kyuadah digơ̆ ngă hŏng klei ênuah.

II Bruă Mtao 22:6

si tô hmô phung krah kmeh, phung mdơ̆ng, phung mdơ̆ng boh tâo, leh anăn kơ klei blei kyâo leh anăn boh tâo krah leh čiăng mkra sang.

II Klei Yăl Dliê 24:14

Tơdah diñu ruê̆ leh bruă diñu ngă, diñu ba prăk ăt dôk ti anăp mtao leh anăn Y-Jêhôida, leh anăn hŏng prăk anăn arăng ngă čhiên mngan kơ sang Yêhôwa pioh kơ bruă yua leh anăn kơ klei myơr mnơ̆ng myơr čuh, leh anăn ngă jam kơ mnơ̆ng ƀâo mngưi, leh anăn diñu ngă čhiên mngan mah leh anăn prăk. Diñu myơr mnơ̆ng myơr čuh hlăm sang Yêhôwa nanao jih ênuk Y-Jêhôida dôk hdĭp.

Y-Nêhêmi 7:2

kâo jao kơ adei kâo Y-Hanani, klei dưi kiă kriê ƀuôn Yêrusalem, mƀĭt Y-Hanania khua sang mtao, kyuadah ñu jing sa čô mnuih sĭt suôr hĭn leh anăn huĭ mpŭ kơ Aê Diê hĭn kơ lu phung mkăn.

Klei Bi Hriêng 28:20

Mnuih sĭt suôr srăng bŏ hŏng klei jăk jĭn, ƀiădah hlei pô ruăt čiăng jing mdrŏng amâo srăng tlaih kơ klei bi kmhal ôh.

I Kôrantô 4:2

Arăng čiăng kơ phung kiă kriê brei diñu jing sĭt suôr.

II Y-Timôthê 2:2

Ya klei ih hmư̆ leh mơ̆ng kâo ti anăp lu phung hưn bi sĭt, brei ih jao klei anăn kơ phung mnuih sĭt suôr srăng dưi mtô kơ phung mkăn msĕ mơh.

III Y-Yôhan 1:5

Ơ pô kâo khăp, ih ngă hŏng klei sĭt suôr đru phung ayŏng adei, wăt kơ phung tue jưh.