II Bruă Mtao 22:19 - Klei Aê Diê Blŭ 2015

¹⁹ kyuadah ai tiê ih kmhal leh, leh anăn ih bi luă gŭ ih pô ti anăp Yêhôwa, tơdah ih hmư̆ klei Kâo blŭ bi kdơ̆ng hŏng anôk anei leh anăn hŏng phung ƀuôn sang ñu tơl diñu srăng jing ênguôl leh anăn mnơ̆ng arăng tăm pah, leh anăn ih hiêk čhiăm ao ih leh anăn hia ti anăp Kâo, Kâo msĕ mơh hmư̆ ih leh, Yêhôwa lač.

II Bruă Mtao 22:19 Iomraidhean Croise

I Bruă Mtao 21:29

“Ih ƀuh mơ̆ klei Y-Ahap bi luă gŭ ñu pô leh ti anăp Kâo? Kyuadah ñu bi luă gŭ ñu pô ti anăp Kâo, Kâo amâo srăng brei klei jhat truh hlăm ênuk ñu ôh; ƀiădah hlăm ênuk anak êkei ñu, Kâo srăng bi truh klei jhat kơ sang ñu.”

II Bruă Mtao 19:20

Leh anăn Y-Êsai anak êkei Y-Amôt mơĭt asăp blŭ kơ Y-Hêsêkia, lač, “Snei klei Yêhôwa Aê Diê Israel lač: Kâo hmư̆ leh klei ih wah lač kơ Kâo kyua Y-Sênakêrip mtao Asiri.

II Bruă Mtao 20:5

“Lŏ nao leh anăn lač bĕ kơ Y-Hêsêkia khua kơ phung ƀuôn sang kâo, ‘Snei Yêhôwa Aê Diê Y-Đawit aê ih lač: Kâo hmư̆ leh klei ih wah lač, Kâo ƀuh leh êa ală ih. Nĕ anei Kâo srăng bi hlao ih. Ti hruê tal tlâo ih srăng đĭ nao kơ sang Yêhôwa.

II Bruă Mtao 22:11

Tơdah mtao hmư̆ leh klei blŭ mơ̆ng hdruôm hră klei bhiăn, ñu hiêk čhiăm ao ñu.

II Klei Yăl Dliê 32:26

Ti knhal tuč, Y-Hêsêkia bi luă gŭ ñu pô kyua klei mgao ai tiê ñu, ñu leh anăn phung dôk hlăm ƀuôn Yêrusalem, snăn klei Yêhôwa ngêñ amâo truh kơ diñu ôh hlăm ênuk Y-Hêsêkia.

II Klei Yăl Dliê 33:12

Tơdah ñu dôk hlăm klei knap mñai, ñu kwưh kơ Yêhôwa Aê Diê ñu pap brei, leh anăn bi luă gŭ ñu pô êdimima ti anăp Aê Diê kơ phung aê ñu.

II Klei Yăl Dliê 33:19

Klei ñu wah lač, leh anăn klei Aê Diê tŭ klei ñu kwưh, leh anăn jih klei soh leh anăn klei ñu amâo dôk sĭt suôr ôh, anôk dlông ñu mdơ̆ng leh anăn mdơ̆ng phung rup yang Asêra leh anăn rup yang krah êlâo ñu bi luă gŭ ñu pô, nĕ anei arăng čih leh hlăm hdruôm hră Klei Yăl Dliê kơ Phung Thâo Bi Ƀuh.

II Klei Yăl Dliê 33:23

Ñu amâo luă gŭ ñu pô ôh ti anăp Yêhôwa msĕ si Y-Manasê ama ñu bi luă gŭ gơ̆ pô leh, ƀiădah Y-Amôn anei lŏ thiăm klei jing soh nanao.

II Klei Yăl Dliê 34:27

kyuadah ai tiê ih thâo kmhal leh anăn ih bi luă gŭ ih pô ti anăp Aê Diê tơdah ih hmư̆ klei Ñu blŭ bi kdơ̆ng hŏng anôk anei leh anăn phung dôk hlăm anôk anei, leh anăn ih bi luă gŭ leh ih pô ti anăp Kâo, leh anăn hiêk čhiăm ao ih leh anăn hia ti anăp Kâo, Kâo msĕ mơh hmư̆ leh klei ih, Yêhôwa lač.

Y-Êsra 10:1

Êjai Y-Êsra wah lač leh anăn hưn klei soh, hia leh anăn buôn ti anăp sang yang Aê Diê, mâo lu snăk phung Israel êkei, mniê, leh anăn hđeh bi kƀĭn jŭm dar ñu; phung ƀuôn sang msĕ mơh hia hŏng klei ênguôt snăk.

Y-Nêhêmi 1:4

Tơdah kâo hmư̆ jih klei anăn kâo dôk gŭ hia, kơŭ kyăm êjai lu hruê; leh anăn kâo ăt dôk kăm ƀơ̆ng huă, wah lač ti anăp Aê Diê hlăm adiê.

Y-Nêhêmi 8:9

Y-Nêhêmi jing khua kiă kriê, leh anăn Y-Êsra khua ngă yang leh anăn khua čih hră, leh anăn phung Lêwi mtô kơ phung ƀuôn sang lač kơ jih jang phung ƀuôn sang, “Hruê anei jing doh jăk kơ Yêhôwa Aê Diê diih. Đăm kơŭ kyăm amâodah hia ôh.” Kyuadah jih jang phung ƀuôn sang hia tơdah diñu hmư̆ klei blŭ mơ̆ng klei bhiăn.

Klei Mmuñ Hđăp 119:120

Kđeh kâo ktư̆ yơ̆ng kyua huĭ kơ Ih; leh anăn kâo huĭ kơ klei Ih phat kđi.

Klei Mmuñ Hđăp 119:136

Êa ală kâo ƀlĕ msĕ si êa hnoh, kyuadah phung mnuih amâo gưt ôh kơ klei bhiăn Ih.

Klei Mmuñ Hđăp 51:17

Mnơ̆ng ngă yang bi mơak kơ Aê Diê jing ai mĭn mčah; Ơ Aê Diê, Ih amâo bi êmut ôh kơ ai tiê mčah leh anăn kmhal kơ klei soh.

Klei Mmuñ Hđăp 51:19

Snăn Ih srăng mơak hŏng mnơ̆ng ngă yang kpă, hŏng mnơ̆ng myơr čuh leh anăn mnơ̆ng myơr čuh hgăl; snăn arăng srăng myơr êmô knô ti knưl ngă yang Ih.

Klei Kbiă 10:3

Y-Môis leh anăn Y-Arôn nao kơ Pharaôn leh anăn lač kơ ñu, “Snei Yêhôwa, Aê Diê phung Hêbrơ, lač, ‘Dŭm boh sui ih srăng hngah, amâo bi luă gŭ ih pô ti anăp Kâo? Lui phung ƀuôn sang Kâo đuĕ nao, čiăng kơ diñu dưi kkuh mpŭ kơ Kâo.

Y-Êsai 46:12

Dôk hmư̆ Kâo bĕ, Ơ phung mâo ai tiê khăng, phung dôk kbưi mơ̆ng klei kpă ênô.

Y-Êsai 57:15

Kyuadah snei Pô Ti Dlông Hĭn, Pô dôk hlŏng lar, anăn Ñu jing Doh Jăk, lač: “Kâo dôk hlăm anôk ti dlông leh anăn doh jăk, leh anăn msĕ mơh mbĭt hŏng pô mâo ai tiê ênguôt kơ klei soh leh anăn thâo luă gŭ, čiăng lŏ bi hdĭp ai tiê phung luă gŭ, čiăng lŏ bi hdĭp ai tiê pô ênguôt kơ klei soh.

Y-Êsai 66:2

Kyuadah kngan Kâo ngă leh jih jang mnơ̆ng anăn sơăi, snăn jih jang mnơ̆ng anăn jing leh,” Yêhôwa lač. “Ƀiădah kơ mnuih msĕ snei Kâo srăng dlăng: pô luă gŭ leh anăn ênguôt kơ klei soh, leh anăn ktư̆ yơ̆ng kơ klei Kâo blŭ.

Y-Êsai 66:5

Hmư̆ bĕ klei Yêhôwa blŭ, Ơ diih phung ktư̆ yơ̆ng kơ klei Ñu blŭ: “Phung ayŏng adei diih bi êmut kơ diih leh anăn suôt diih kyua anăn Kâo, diñu lač leh, ‘Brei Yêhôwa mâo klei guh kơang, čiăng kơ hmei dưi ƀuh klei hơ̆k mơak diih.’ Ƀiădah diñu yơh arăng srăng bi hêñ.”

Y-Yêrêmi 13:17

Ƀiădah tơdah diih amâo čiăng dôk hmư̆ ôh, mngăt kâo srăng hia hŏng klei hgăm, kyua klei mgao diih; ală kâo srăng hia ênguôt snăk leh anăn rôč êa ală, kyuadah phung biăp Yêhôwa arăng srăng mă mjing mnă.

Y-Yêrêmi 14:17

Brei ih lač kơ diñu klei anei: ‘Brei ală kâo rôč êa ală hruê mlam, leh anăn amâo mdei ôh kyuadah anak mniê êra hrông phung ƀuôn sang kâo êka kjham snăk, arăng ngă klei jŭ jhat snăk kơ diñu.

Y-Yêrêmi 26:6

snăn Kâo srăng ngă kơ sang anei msĕ si Kâo ngă leh kơ ƀuôn Silô, leh anăn Kâo srăng yua anăn ƀuôn anei jing sa klei tăm pah kơ jih jang găp djuê mnuih ti lăn ala.’ ”

Y-Yêrêmi 36:13

Y-Mika hưn kơ diñu jih jang klei blŭ gơ̆ hmư̆ leh tơdah Y-Baruk dlăng hdruôm hră klĭt brei phung ƀuôn sang hmư̆.

Y-Yêrêmi 36:24

Ƀiădah mtao amâodah phung dĭng buăl ñu hmư̆ jih klei blŭ anei amâo huĭ ôh, kăn hiêk rei čhiăm ao diñu.

Y-Yêrêmi 44:22

Yêhôwa amâo lŏ dưi gĭr ôh kơ klei jhat leh anăn klei Ñu bi êmut kheh diih ngă leh; kyuanăn čar diih jing leh ênguôl, anôk êhŏng, leh anăn anôk arăng tăm pah, amâo mâo mnuih dôk ôh, msĕ si truh leh hruê anei.

Y-Yêrêmi 9:1

Ơ, čiăng kơ boh kŏ kâo jing kbăng êa, leh anăn ală kâo jing akŏ êa ală, snăn kâo dưi hia hruê mlam kyua phung anak mniê phung ƀuôn sang kâo djiê leh!

Y-Êsêkiêl 9:4

Yêhôwa lač kơ ñu, “Nao găn ƀuôn Yêrusalem leh anăn čih sa klei bi knăl ti adhei phung êkei krao leh anăn ênguôt kyua jih jang klei jhat Kâo bi êmut kheh arăng dôk ngă hlăm ƀuôn Yêrusalem.”

Y-Mika 6:8

Ñu bi êdah leh kơ ih, Ơ mnuih, ya jing jăk, leh anăn ya klei Yêhôwa mtă brei ih ngă. Jing klei ngă klei kpă leh anăn khăp klei pap, leh anăn êbat mbĭt hŏng Aê Diê ih hŏng klei luă gŭ.

Klei Yap 25:6

Nĕ anei sa čô êkei hlăm phung ƀuôn sang Israel hriê leh anăn atăt ba sa čô mniê Madian kơ phung hlăm sang ñu ti anăp ală Y-Môis leh anăn ti anăp ală jih jang phung ƀuôn sang Israel bi kƀĭn, êjai diñu dôk hia ti ƀăng bhă sang čhiăm klei bi kƀĭn.

Y-Luk 19:41

Tơdah Yêsu giăm truh leh anăn ƀuh ƀuôn Yêrusalem, Ñu hia kyua ƀuôn anăn, lač,

Klei Mtô Mñă Klei Bhiăn 29:23

jih čar jing boh tâo pui leh anăn hra, leh anăn sa anôk hŏng pui ƀơ̆ng leh, arăng amâo tuôm buh rah ôh, leh anăn amâo mâo mnơ̆ng čăt ôh, tinăn rơ̆k amâo dưi čah mta, klei bi rai msĕ si ti ƀuôn Sôdôm, Gômôrơ, Adma, leh anăn Sêbôim, Yêhôwa bi rai leh hŏng klei Ñu ăl leh anăn ngêñ —

Phung Khua Phat Kđi 20:26

Leh anăn jih jang phung ƀuôn sang Israel, jih jang phung kahan, đĭ nao kơ ƀuôn Bêthel leh anăn hia. Diñu dôk gŭ tinăn ti anăp Yêhôwa leh anăn kăm ƀơ̆ng huă hruê anăn tơl tlam, leh anăn myơr mnơ̆ng myơr čuh leh anăn mnơ̆ng myơr kơ klei êđăp ênang ti anăp Yêhôwa.

I Y-Samuel 24:5

Leh klei anăn ai tiê kpă ñu kčŭt kơ ñu, kyuadah ñu khăt hĕ kdrŭn ao jhung Y-Sôl.