II Bruă Mtao 22:16 - Klei Aê Diê Blŭ 2015

¹⁶ Snei klei Yêhôwa lač, Nĕ anei Kâo srăng bi truh klei jhat kơ anôk anei leh anăn kơ phung ƀuôn sang ñu, jih jang klei blŭ hlăm hdruôm hră mtao Yuđa dlăng anăn.

II Bruă Mtao 22:16 Iomraidhean Croise

II Bruă Mtao 20:17

Nĕ anei hruê srăng truh tơdah jih jang mnơ̆ng mâo hlăm sang ih leh anăn ya mnơ̆ng phung aê ih mkăm leh truh kơ hruê anei, arăng srăng mă ba kơ čar Ƀaƀilôn; amâo mâo sa mta mnơ̆ng srăng ăt dôk ôh, Yêhôwa lač.

II Bruă Mtao 22:15

Gơ̆ lač kơ diñu, “Snei klei Yêhôwa Aê Diê Israel lač, ‘Hưn kơ mnuih pô tiŏ hriê diih leh kơ kâo,

II Bruă Mtao 24:2

Yêhôwa tiŏ nao ngă kơ Y-Jêhôyakim lu êpul phung Kaldê, lu êpul phung Siri, lu êpul phung Môap, leh anăn lu êpul phung Amôn brei digơ̆ ngă bi rai čar Yuđa, tui si klei Yêhôwa blŭ hŏng phung dĭng buăl Ñu phung khua pô hưn êlâo.

Y-Yêrêmi 11:11

Kyuanăn Yêhôwa lač snei, ‘Nĕ anei Kâo dơ̆ng bi truh klei jhat kơ diñu leh anăn diñu amâo dưi tlaih ôh; wăt tơdah diñu ur kơ Kâo, Kâo amâo srăng dôk hmư̆ diñu ôh.

Klei Mtô Mñă Klei Bhiăn 29:27

Kyuanăn Yêhôwa čuh ai ngêñ kơ ala čar anei leh anăn bi truh kơ ñu jih jang klei tăm pah čih leh hlăm hdruôm hră anei;

Y-Yôsuê 23:13

brei diih thâo sĭt nik Yêhôwa, Aê Diê diih amâo srăng lŏ suôt ôh phung găp djuê anei ti anăp diih; ƀiădah diñu srăng jing ñuăl leh anăn kđông ƀêč kơ diih, sa giê hnuăt hlăm djiêô diih, leh anăn êruê hlăm ală diih, tơl diih rai tuč mơ̆ng čar jăk Yêhôwa, Aê Diê diih brei leh kơ diih.

Y-Yôsuê 23:15

Ƀiădah msĕ si jih klei jăk Yêhôwa Aê Diê diih ƀuăn leh kơ diih truh sĭt leh kơ diih, snăn mơh Yêhôwa srăng bi truh kơ diih jih jang klei jhat, tơl Ñu bi rai leh diih mơ̆ng čar jăk anei Yêhôwa, Aê Diê diih brei leh kơ diih,

I Y-Samuel 3:19

Y-Samuel hriê kơ prŏng; Yêhôwa dôk mbĭt hŏng ñu, leh anăn amâo brei sa mta klei ñu blŭ luč hơăi mang ôh.