II Bruă Mtao 22:10 - Klei Aê Diê Blŭ 2015

¹⁰ Leh anăn Y-Saphan khua čih hră hưn kơ mtao, “Y-Hilkia khua ngă yang brei kơ kâo sa pŏk hdruôm hră.” Leh anăn Y-Saphan dlăng hră anăn ti anăp mtao.

II Bruă Mtao 22:10 Iomraidhean Croise

II Bruă Mtao 22:11

Tơdah mtao hmư̆ leh klei blŭ mơ̆ng hdruôm hră klei bhiăn, ñu hiêk čhiăm ao ñu.

II Bruă Mtao 22:9

Y-Saphan khua čih hră hriê kơ mtao leh anăn hưn kơ mtao, “Phung dĭng buăl ih mă leh jih prăk mâo hlăm sang, leh anăn jao leh prăk anăn kơ phung mă bruă kiă kriê sang Yêhôwa.”

II Klei Yăl Dliê 34:18

Leh anăn Y-Saphan khua čih hră hưn kơ mtao, “Y-Hilkia khua ngă yang brei leh kơ kâo sa pŏk hdruôm hră.” Leh anăn Y-Saphan dlăng hdruôm hră anăn ti anăp mtao.

Y-Nêhêmi 13:1

Ti hruê anăn diñu dlăng mơ̆ng hdruôm hră Y-Môis brei phung ƀuôn sang hmư̆; leh anăn hlăm anăn arăng ƀuh klei čih kơ sa čô Amôn amâodah sa čô Môap hlŏng lar amâo dưi mŭt hlăm phung bi kƀĭn kkuh mpŭ kơ Aê Diê;

Y-Nêhêmi 8:18

Grăp hruê mơ̆ng hruê tal êlâo truh kơ hruê knhal tuč Y-Êsra dlăng hdruôm hră klei bhiăn Aê Diê. Diñu hdơr pioh klei huă mnăm êjai kjuh hruê; leh anăn ti hruê tal sa păn mâo klei bi kƀĭn hŏng klei mpŭ, tui si klei mtă leh.

Y-Êsai 66:2

Kyuadah kngan Kâo ngă leh jih jang mnơ̆ng anăn sơăi, snăn jih jang mnơ̆ng anăn jing leh,” Yêhôwa lač. “Ƀiădah kơ mnuih msĕ snei Kâo srăng dlăng: pô luă gŭ leh anăn ênguôt kơ klei soh, leh anăn ktư̆ yơ̆ng kơ klei Kâo blŭ.

Y-Êsai 66:5

Hmư̆ bĕ klei Yêhôwa blŭ, Ơ diih phung ktư̆ yơ̆ng kơ klei Ñu blŭ: “Phung ayŏng adei diih bi êmut kơ diih leh anăn suôt diih kyua anăn Kâo, diñu lač leh, ‘Brei Yêhôwa mâo klei guh kơang, čiăng kơ hmei dưi ƀuh klei hơ̆k mơak diih.’ Ƀiădah diñu yơh arăng srăng bi hêñ.”

Y-Yêrêmi 13:18

Lač kơ mtao leh anăn amĭ mtao mniê: “Dôk gŭ bĕ ti anôk luă gŭ, kyuadah đuôn mtao siam diih srăng lĕ mơ̆ng boh kŏ diih.”

Y-Yêrêmi 36:13

Y-Mika hưn kơ diñu jih jang klei blŭ gơ̆ hmư̆ leh tơdah Y-Baruk dlăng hdruôm hră klĭt brei phung ƀuôn sang hmư̆.

Y-Yêrêmi 36:15

Diñu lač kơ gơ̆, “Dôk gŭ leh anăn dlăng bĕ hră anăn.” Snăn Y-Baruk dlăng hră klĭt anăn kơ diñu.

Y-Yêrêmi 36:21

Snăn mtao tiŏ nao Y-Jêhudi nao mă hdruôm hră klĭt anăn, leh anăn ñu mă ba gơ̆ mơ̆ng adŭ Y-Êlisama khua čih hră. Y-Jêhudi dlăng hră anăn kơ mtao leh anăn kơ jih jang phung khua dôk dơ̆ng giăm mtao.

Y-Yêrêmi 36:6

snăn brei ih nao ti hruê kăm ƀơ̆ng huă leh anăn dlăng klei Yêhôwa blŭ ih čih leh ti hdruôm hră klĭt tui si Kâo lač brei leh, brei jih jang phung ƀuôn sang hmư̆ hlăm sang Yêhôwa. Msĕ mơh brei ih dlăng hră anăn kơ jih jang phung êkei Yuđa hriê mơ̆ng ƀuôn diñu pô hmư̆.