II Bruă Mtao 21:9 - Klei Aê Diê Blŭ 2015

⁹ Ƀiădah diñu amâo dôk hmư̆ ôh, leh anăn Y-Manasê mplư diñu ngă klei jhat lu hĭn kơ phung găp djuê Yêhôwa bi rai leh ti anăp phung ƀuôn sang Israel.

II Bruă Mtao 21:9 Iomraidhean Croise

I Bruă Mtao 14:16

Ñu srăng lui phung Israel kyuadah klei Y-Jêrôbôam ngă soh leh, leh anăn klei ñu bi msoh leh phung Israel.”

II Bruă Mtao 16:3

Ƀiădah ñu êbat hlăm êlan phung mtao Israel. Wăt ñu čuh leh anak êkei ñu jing mnơ̆ng myơr, jing sa mta klei Yêhôwa bi êmut snăk phung găp djuê ngă, phung Yêhôwa suôt leh ti anăp phung ƀuôn sang Israel.

II Bruă Mtao 21:10

Yêhôwa lač hŏng phung dĭng buăl Ñu phung khua pô hưn êlâo,

II Klei Yăl Dliê 33:9

Ƀiădah Y-Manasê atăt leh phung Yuđa leh anăn phung dôk hlăm ƀuôn Yêrusalem hlăm klei čhuai, čiăng kơ diñu ngă klei jhat lu hĭn kơ phung găp djuê Yêhôwa bi rai leh ti anăp phung ƀuôn sang Israel.

II Klei Yăl Dliê 36:16

ƀiădah diñu mưč nanao kơ phung mnuih Aê Diê tiŏ nao, bi êmut kơ klei Gơ̆ blŭ, djă djik djak kơ phung khua pô hưn êlâo Gơ̆, tơl klei Yêhôwa ngêñ đĭ lar kơ phung ƀuôn sang Gơ̆, tơl amâo dưi lŏ bi hlao ôh.

Y-Nêhêmi 9:26

Ƀiădah diñu amâo gưt asăp leh anăn bi kdơ̆ng hŏng Ih, hwiê hĕ klei bhiăn Ih ti tluôn diñu, leh anăn bi mdjiê hĕ phung khua pô hưn êlâo Ih, phung hưn brei diñu răng čiăng brei diñu wĭt kơ Ih, leh anăn diñu ngă klei tăm pah prŏng kơ Ih.

Klei Mmuñ Hđăp 12:8

Phung ƀai hiu tar ƀar, êjai phung mnuih mpŭ kơ klei soh.

Klei Mmuñ Hđăp 81:10

Kâo jing Yêhôwa Aê Diê diih, Pô atăt diih kbiă leh mơ̆ng čar Êjip. Ha ƀăng êgei diih bi prŏng, leh anăn Kâo srăng bi bŏ.

Klei Bi Hriêng 29:12

Tơdah khua kiă kriê mđing knga kơ klei blŭ luar, jih jang phung dĭng buăl ñu srăng jing ƀai.

Y-Êsêkiêl 11:12

Leh anăn diih srăng thâo kơ Kâo jing Yêhôwa; kyuadah diih amâo êbat tui hlue klei Kâo mtă ôh, kăn gưt kơ klei bhiăn Kâo rei, ƀiădah ngă leh tui si klei bhiăn phung găp djuê mnuih dôk jŭm dar diih.”

Y-Êsêkiêl 16:47

Ƀiădah ih amâo hrăp ôh êbat tui êlan diñu, leh anăn ngă tui si klei jhat Kâo bi êmut kheh diñu ngă; amâo sui ôh ih jing soh jhat hĭn kơ diñu hlăm jih jang êlan ih êbat.

Y-Êsêkiêl 22:3

Brei ih lač: ‘Snei Yêhôwa Aê Diê lač: Ơ ƀuôn! ih tuh êrah ti krah ih, bi truh hruê phat kđi kơ ih pô leh anăn ih ngă rŭp yang bi msoh kơ ñu pô.

Y-Êsêkiêl 5:6

Hŏng klei ƀai ñu bi kdơ̆ng hŏng klei Kâo mtă êgao hĭn kơ phung găp djuê mnuih mkăn, leh anăn bi kdơ̆ng hŏng klei bhiăn Kâo êgao hĭn kơ lu boh čar jŭm dar ñu, êjai hngah klei Kâo mtă leh anăn amâo êbat ôh tui hlue klei bhiăn Kâo.

Y-Êsêkiêl 5:7

Kyuanăn Yêhôwa Aê Diê lač snei: Kyuadah diih jing phung ngă klei rŭng răng hĭn kơ găp djuê mnuih jŭm dar diih, leh anăn amâo êbat ôh tui hlue klei bhiăn Kâo, kăn djă pioh klei Kâo mtă lei, wăt amâo ngă ôh tui hlue klei mtă phung găp djuê mnuih jŭm dar diih,

Y-Đaniel 9:6

Hmei amâo dôk hmư̆ ôh kơ phung dĭng buăl Ih phung khua pô hưn êlâo, phung blŭ leh hlăm anăn Ih kơ mtao hmei, kơ phung khua hmei, kơ phung aê hmei, leh anăn kơ jih jang phung ƀuôn sang hlăm čar.

Y-Ôsê 5:11

Arăng ktư̆ juă leh Êphraim, mčah leh hlăm klei phat kđi, kyuadah diñu čuăn ruah tui hlue klei hơăi mang.

Y-Luk 13:34

Ơ ƀuôn Yêrusalem, Ơ ƀuôn Yêrusalem, ƀuôn bi mdjiê phung khua pô hưn êlâo leh anăn bhĭr boh tâo kơ phung Aê Diê tiŏ hriê leh kơ ih. Jêñ jêñ leh Kâo čiăng bi kƀĭn phung anak ih mbĭt msĕ si sa drei mnŭ ana bi kƀĭn êđai gơ̆ ti gŭ siap gơ̆, ƀiădah diih amâo čiăng ôh!

Y-Yôhan 15:22

Tơdah Kâo amâo hriê leh anăn blŭ kơ diñu, diñu amâo mâo klei soh ôh. Ƀiădah ară anei diñu amâo dưi hngah klei soh diñu ôh.

Y-Yakơ 4:17

Hlei pô thâo ngă jăk ƀiădah amâo ngă ôh, jing soh yơh.

Klei Bi Êdah 2:20

Ƀiădah anei klei Kâo mâo hŏng ih, ih jum sa čô mniê bi anăn H'Jêsabel. Ñu pia kơ ñu pô sa čô khua pô hưn êlâo mniê, leh anăn ñu mtô leh anăn mplư phung dĭng buăl Kâo ngă klei knhông leh anăn ƀơ̆ng čĭm arăng myơr leh kơ rup yang.

I Y-Samuel 8:19

Ƀiădah phung ƀuôn sang hngah dôk hmư̆ asăp Y-Samuel; diñu lač, “Hơăi, hmei čiăng mâo sa čô mtao kiă kriê hmei,