II Bruă Mtao 21:7 - Klei Aê Diê Blŭ 2015

⁷ Ñu dưm sa rup krah Asêra ñu ngă leh hlăm sang Yêhôwa lač leh kơ Y-Đawit leh anăn kơ Y-Salômôn anak êkei gơ̆, “Hlăm sang anei leh anăn hlăm ƀuôn Yêrusalem, anôk Kâo ruah leh hlăm jih jang găp djuê Israel, Kâo srăng dưm Anăn Kâo hlŏng lar.

II Bruă Mtao 21:7 Iomraidhean Croise

II Y-Samuel 7:13

Ñu srăng mdơ̆ng sa boh sang kơ anăn Kâo, leh anăn Kâo srăng bi kjăp jhưng mtao ƀuôn ala mtao ñu hlŏng lar.

I Bruă Mtao 8:29

čiăng kơ ală Ih dưi mblang mlam leh anăn hruê phă sang anei, anôk Ih lač leh, ‘Anăn kâo srăng dôk tinăn;’ čiăng kơ Ih dưi hmư̆ klei dĭng buăl Ih wah lač phă anôk anei.

I Bruă Mtao 8:44

Tơdah phung ƀuôn sang Ih kbiă bi blah hŏng phung roh diñu, êjai tui hlue êlan Ih srăng tiŏ diñu nao, leh anăn tơdah diñu wah lač kơ Yêhôwa phă ƀuôn Ih ruah leh, leh anăn phă sang kâo mdơ̆ng leh kơ Anăn Ih,

I Bruă Mtao 9:3

Yêhôwa lač kơ gơ̆, “Kâo hmư̆ leh klei ih wah lač leh anăn klei ih kwưh leh ti anăp Kâo. Kâo pioh brei leh sang ih ngă anei, leh anăn Kâo dưm Anăn Kâo tinăn hlŏng lar. Ală Kâo leh anăn ai tiê Kâo srăng dôk tinăn jih jang ênuk.

I Bruă Mtao 9:7

hlăk anăn Kâo srăng bi rai phung Israel mơ̆ng čar Kâo brei leh kơ digơ̆; leh anăn Kâo srăng hwiê hĕ mơ̆ng ală Kâo sang Kâo pioh brei leh kơ Anăn Kâo; leh anăn phung Israel srăng jing sa klei bi hriêng leh anăn sa klei djă djik djak ti krah jih jang phung ƀuôn sang.

II Bruă Mtao 16:11

Khua ngă yang Y-Urija mdơ̆ng knưl djŏ tui si jih klei mtao Ahas mơĭt leh mơ̆ng ƀuôn Damas, snăn khua ngă yang Y-Urija mdơ̆ng gơ̆ êlâo kơ mtao Ahas truh mơ̆ng ƀuôn Damas.

II Bruă Mtao 21:4

Ñu mdơ̆ng knưl hlăm sang Yêhôwa, kơ anôk anăn Yêhôwa lač leh, “Hlăm ƀuôn Yêrusalem Kâo srăng dưm Anăn Kâo.”

II Bruă Mtao 23:27

Yêhôwa lač, “Kâo srăng suôt hĕ msĕ mơh phung Yuđa mơ̆ng anăp ală Kâo, msĕ si Kâo suôt leh phung Israel, leh anăn Kâo srăng lui hĕ ƀuôn Kâo ruah leh anei, ƀuôn Yêrusalem, leh anăn sang Kâo lač leh, Anăn Kâo srăng dôk tinăn.”

II Bruă Mtao 23:4

Mtao mtă kơ Y-Hilkia khua ngă yang prŏng leh anăn kơ phung khua ngă yang tal dua, leh anăn kơ phung kiă kriê ƀăng bhă mă ba mơ̆ng sang yang Yêhôwa jih jang čhiên mngan arăng ngă leh kơ yang Baal, kơ yang Asêra, leh anăn kơ jih jang phung hlăm adiê. Ñu čuh hĕ dŏ anăn ti êngao ƀuôn Yêrusalem hlăm hma Sêdrôn, leh anăn mă ba hbâo dŏ anăn kơ ƀuôn Bêthel.

II Bruă Mtao 23:6

Ñu mă ba kơ tač rup yang Asêra mơ̆ng sang Yêhôwa ti êngao ƀuôn Yêrusalem kơ êa hnoh Sêdrôn, leh anăn čuh dŏ anăn ti hnoh êa Sêdrôn, leh anăn tlê dŏ anăn tơl ƀhĭ, hwiê hĕ dŏ ƀhĭ anăn ti dlông msat phung ƀuôn sang.

II Klei Yăl Dliê 33:15

Ñu mă hwiê hĕ phung yang tue leh anăn rup yang mơ̆ng sang yang Yêhôwa, leh anăn jih jang knưl ñu ngă leh ti dlông čư̆ sang yang Yêhôwa leh anăn hlăm ƀuôn Yêrusalem, leh anăn ñu hwiê dŏ anăn ti êngao ƀuôn.

II Klei Yăl Dliê 33:7

Rup yang krah ñu ngă leh ñu dưm hlăm sang yang Aê Diê, kơ sang anăn Aê Diê lač leh kơ Y-Đawit leh anăn kơ Y-Salômôn anak êkei ñu, “Hlăm sang anei leh anăn hlăm ƀuôn Yêrusalem anôk Kâo ruah leh mơ̆ng jih jang găp djuê Israel, Kâo srăng dưm Anăn Kâo nanao hlŏng lar;

II Klei Yăl Dliê 6:6

ƀiădah Kâo ruah leh ƀuôn Yêrusalem čiăng kơ Anăn Kâo dưi dôk tinăn, leh anăn Kâo ruah leh Y-Đawit jing khua kiă kriê phung ƀuôn sang Kâo Israel.’

II Klei Yăl Dliê 7:12

Hlăk anăn Yêhôwa bi êdah kơ Y-Salômôn êjai mlam leh anăn lač kơ ñu: “Kâo hmư̆ leh klei ih wah lač, leh anăn ruah leh anôk anei kơ Kâo pô jing sang kơ bruă ngă yang.

II Klei Yăl Dliê 7:16

Kyuadah ară anei Kâo ruah leh anăn pioh brei leh sang anei čiăng kơ Anăn Kâo dưi dôk tinăn hlŏng lar; ală Kâo leh anăn ai tiê Kâo srăng dôk tinăn hlăm jih jang ênuk.

II Klei Yăl Dliê 7:20

hlăk anăn Kâo srăng buč hĕ diih mơ̆ng čar Kâo brei leh kơ diih; leh anăn sang anei Kâo pioh brei leh kơ Anăn Kâo, Kâo srăng hwiê hĕ mơ̆ng ƀô̆ mta Kâo, leh anăn srăng brei gơ̆ jing sa klei bi hriêng leh anăn sa mnơ̆ng arăng djă djik djak ti krah jih jang phung ƀuôn sang.

Y-Nêhêmi 1:9

ƀiădah tơdah diih lŏ wĭt kơ Kâo, djă pioh leh anăn gưt klei Kâo mtă, wăt tơdah phung diih bra đuĕ leh truh ti gŭ adiê anôk kbưi hĭn dưn, Kâo srăng hrui bi kƀĭn diih mơ̆ng anôk anăn leh anăn srăng atăt ba diih kơ anôk Kâo ruah leh čiăng brei Anăn Kâo dôk tinăn.’

Klei Mmuñ Hđăp 74:2

Brei Ih hdơr kơ phung ƀuôn sang Ih ruah mơ̆ng mphŭn dô, phung Ih bi tui leh čiăng mjing găp djuê ngăn dưn Ih; brei Ih hdơr kơ čư̆ Siôn, anôk Ih dôk leh.

Klei Mmuñ Hđăp 78:58

Diñu mngal brei Yêhôwa ăl kyua anôk dlông diñu ngă, diñu brei Ñu trih kyua rup yang krah diñu.

Y-Yêrêmi 32:34

Diñu mdơ̆ng mnơ̆ng Kâo bi êmut kheh hlăm sang arăng pia hŏng Anăn Kâo, čiăng bi mčhŏ gơ̆.

Y-Yêrêmi 7:30

“Kyuadah phung anak čô Yuđa ngă leh klei jhat ti anăp ală Kâo,” Yêhôwa lač; “Diñu dưm leh mnơ̆ng Kâo bi êmut kheh hlăm sang arăng pia hŏng Anăn Kâo, čiăng bi čhŏ gơ̆.

Y-Êsêkiêl 23:38

Wăt diñu ngă leh klei anei kơ Kâo: hlăm sa hruê diñu bi čhŏ adŭ doh jăk Kâo leh anăn bi msoh hruê sabat Kâo.

Klei Mtô Mñă Klei Bhiăn 16:21

Đăm pla ana kyâo jing sa ƀĕ gơ̆ng kŭt rup yang Asêra ôh ti djiêô knưl ih srăng mdơ̆ng kơ Yêhôwa Aê Diê ih.