II Bruă Mtao 21:5 - Klei Aê Diê Blŭ 2015

⁵ Ñu mdơ̆ng knưl kơ jih jang phung hlăm adiê dua bĭt anôk wăl sang Yêhôwa.

II Bruă Mtao 21:5 Iomraidhean Croise

I Bruă Mtao 6:36

Ñu ngă wăl sang hlăm lam hŏng tlâo grông boh tâo krah leh anăn sa grông êda kyâo sêdar.

I Bruă Mtao 7:12

Wăl prŏng mâo tlâo grông boh tâo krah, leh anăn sa grông êda kyâo sêdar jŭm dar, mâo msĕ snăn hlăm lam wăl sang Yêhôwa, leh anăn ti adring sang.

II Bruă Mtao 23:12

Mtao bi rai hĕ knưl ti čuôr găp adŭ tal dlông Y-Ahas, knưl anăn phung mtao Yuđa ngă leh, leh anăn knưl Y-Manasê ngă leh hlăm dua wăl sang Yêhôwa ñu klư̆ leh anăn bi mčah đơ điêt, leh anăn ñu hwiê dŏ mčah đơ điêt anăn hlăm hnoh êa Sêdrôn.

II Bruă Mtao 23:4

Mtao mtă kơ Y-Hilkia khua ngă yang prŏng leh anăn kơ phung khua ngă yang tal dua, leh anăn kơ phung kiă kriê ƀăng bhă mă ba mơ̆ng sang yang Yêhôwa jih jang čhiên mngan arăng ngă leh kơ yang Baal, kơ yang Asêra, leh anăn kơ jih jang phung hlăm adiê. Ñu čuh hĕ dŏ anăn ti êngao ƀuôn Yêrusalem hlăm hma Sêdrôn, leh anăn mă ba hbâo dŏ anăn kơ ƀuôn Bêthel.

II Bruă Mtao 23:5

Ñu suôt hĕ phung khua ngă yang kơ rup yang, phung anăn mtao Yuđa mtă leh brei čuh mnơ̆ng ƀâo mngưi ti anôk dlông hlăm jih jang ƀuôn čar Yuđa leh anăn jŭm dar ƀuôn Yêrusalem; leh anăn phung čuh mnơ̆ng ƀâo mngưi kơ yang Baal, kơ yang hruê, kơ mlan, kơ mtŭ, leh anăn kơ jih jang phung hlăm adiê.

II Bruă Mtao 23:6

Ñu mă ba kơ tač rup yang Asêra mơ̆ng sang Yêhôwa ti êngao ƀuôn Yêrusalem kơ êa hnoh Sêdrôn, leh anăn čuh dŏ anăn ti hnoh êa Sêdrôn, leh anăn tlê dŏ anăn tơl ƀhĭ, hwiê hĕ dŏ ƀhĭ anăn ti dlông msat phung ƀuôn sang.

II Klei Yăl Dliê 33:15

Ñu mă hwiê hĕ phung yang tue leh anăn rup yang mơ̆ng sang yang Yêhôwa, leh anăn jih jang knưl ñu ngă leh ti dlông čư̆ sang yang Yêhôwa leh anăn hlăm ƀuôn Yêrusalem, leh anăn ñu hwiê dŏ anăn ti êngao ƀuôn.

II Klei Yăl Dliê 33:5

Ñu mdơ̆ng knưl kơ jih jang phung kahan lăm adiê hlăm dua anôk wăl sang Yêhôwa.

II Klei Yăl Dliê 4:9

Ñu ngă wăl kơ phung khua ngă yang, leh anăn wăl prŏng, leh anăn ƀăng bhă kơ wăl, leh anăn luôm ƀăng bhă anăn hŏng kông;

Y-Êsêkiêl 40:28

Leh klei anăn ñu atăt kâo kơ wăl ti lam giăm ƀăng jang dhŭng; leh anăn ñu mkă ƀăng jang dhŭng; gơ̆ mđơr hŏng ƀăng jang mkăn.

Y-Êsêkiêl 40:32

Leh anăn ñu atăt kâo kơ wăl ti lam tĭng djiêô ngŏ, leh anăn ñu mkă ƀăng jang; ƀăng jang anăn mđơr hŏng ƀăng jang mkăn mơh.

Y-Êsêkiêl 40:37

Adring gơ̆ phă hŏng wăl ti êngao leh anăn ti kmeh gơ̆ng gơ̆ mâo rup ana boh đung ti jih dua nah; leh anăn mâo sa êñan mâo sa păn boh pioh đĭ.

Y-Êsêkiêl 40:47

Ñu mkă wăl, sa êtuh heh dơ̆ng, leh anăn sa êtuh heh găn, pă mta dhar; leh anăn knưl dôk ti anăp sang yang.

Y-Êsêkiêl 42:3

Sô̆ hŏng wăl sang mâo dua pluh heh ti lam, leh anăn phă hŏng êlan dăp boh tâo hlăm wăl ti êngao mâo adŭ điêt tlă anăp hŏng adŭ điêt mkăn hlăm tlâo tal.

Y-Êsêkiêl 43:5

Mngăt Myang pŭ kâo phă dlông leh anăn atăt kâo mŭt hlăm wăl ti lam leh anăn nĕ anei, klei guh kơang Yêhôwa bi bŏ leh sang yang.

Y-Êsêkiêl 44:19

Tơdah diñu kbiă kơ wăl ti êngao truh kơ phung ƀuôn sang, brei diñu toh hĕ čhiăm ao diñu hơô êjai mă bruă, leh anăn dưm čhiăm ao anăn hlăm adŭ doh jăk; leh anăn brei diñu hơô čhiăm ao mkăn, huĭdah diñu bi truh klei doh jăk kơ phung ƀuôn sang hŏng čhiăm ao diñu.

Y-Êsêkiêl 8:16

Ñu atăt kâo mŭt hlăm wăl ti lam sang Yêhôwa; leh anăn nĕ anei ti ƀăng bhă sang yang Yêhôwa, ti plah wah adring leh anăn knưl mâo hlăm brô dua pluh êma čô êkei, rŏng diñu kkui phă sang Yêhôwa, leh anăn ƀô̆ mta diñu wir phă ngŏ, dôk kkuh mpŭ kơ yang hruê phă ngŏ.