II Bruă Mtao 21:4 - Klei Aê Diê Blŭ 2015

⁴ Ñu mdơ̆ng knưl hlăm sang Yêhôwa, kơ anôk anăn Yêhôwa lač leh, “Hlăm ƀuôn Yêrusalem Kâo srăng dưm Anăn Kâo.”

II Bruă Mtao 21:4 Iomraidhean Croise

II Y-Samuel 7:13

Ñu srăng mdơ̆ng sa boh sang kơ anăn Kâo, leh anăn Kâo srăng bi kjăp jhưng mtao ƀuôn ala mtao ñu hlŏng lar.

I Bruă Mtao 8:29

čiăng kơ ală Ih dưi mblang mlam leh anăn hruê phă sang anei, anôk Ih lač leh, ‘Anăn kâo srăng dôk tinăn;’ čiăng kơ Ih dưi hmư̆ klei dĭng buăl Ih wah lač phă anôk anei.

I Bruă Mtao 9:3

Yêhôwa lač kơ gơ̆, “Kâo hmư̆ leh klei ih wah lač leh anăn klei ih kwưh leh ti anăp Kâo. Kâo pioh brei leh sang ih ngă anei, leh anăn Kâo dưm Anăn Kâo tinăn hlŏng lar. Ală Kâo leh anăn ai tiê Kâo srăng dôk tinăn jih jang ênuk.

II Bruă Mtao 23:12

Mtao bi rai hĕ knưl ti čuôr găp adŭ tal dlông Y-Ahas, knưl anăn phung mtao Yuđa ngă leh, leh anăn knưl Y-Manasê ngă leh hlăm dua wăl sang Yêhôwa ñu klư̆ leh anăn bi mčah đơ điêt, leh anăn ñu hwiê dŏ mčah đơ điêt anăn hlăm hnoh êa Sêdrôn.

II Bruă Mtao 23:27

Yêhôwa lač, “Kâo srăng suôt hĕ msĕ mơh phung Yuđa mơ̆ng anăp ală Kâo, msĕ si Kâo suôt leh phung Israel, leh anăn Kâo srăng lui hĕ ƀuôn Kâo ruah leh anei, ƀuôn Yêrusalem, leh anăn sang Kâo lač leh, Anăn Kâo srăng dôk tinăn.”

II Klei Yăl Dliê 6:5

‘Dơ̆ng mơ̆ng hruê Kâo atăt bi kbiă phung ƀuôn sang Kâo mơ̆ng čar Êjip, Kâo amâo ruah sa boh ƀuôn ôh hlăm jih jang găp djuê Israel čiăng mdơ̆ng sa boh sang tinăn, čiăng kơ Anăn Kâo dôk tinăn, leh anăn Kâo amâo ruah sa čô mnuih ôh jing khua kiă kriê phung ƀuôn sang Kâo Israel;

II Klei Yăl Dliê 6:6

ƀiădah Kâo ruah leh ƀuôn Yêrusalem čiăng kơ Anăn Kâo dưi dôk tinăn, leh anăn Kâo ruah leh Y-Đawit jing khua kiă kriê phung ƀuôn sang Kâo Israel.’

Klei Kbiă 20:24

Brei ih mdơ̆ng sa boh knưl lăn kơ Kâo, leh anăn ngă yang ti dlông anăn mnơ̆ng myơr čuh, mnơ̆ng myơr kơ klei êđăp ênang, biăp leh anăn êmô ih. Ti grăp anôk Kâo brei arăng hdơr anăn Kâo, Kâo srăng hriê kơ ih leh anăn brei klei jăk jĭn kơ ih.

Y-Yêrêmi 32:31

Ƀuôn anei bi mđĭ klei Kâo ăl leh anăn ngêñ dơ̆ng mơ̆ng hruê arăng mdơ̆ng gơ̆ truh kơ hruê anei, snăn Kâo srăng bi rai gơ̆ mơ̆ng anăp ală Kâo.

Y-Yêrêmi 32:34

Diñu mdơ̆ng mnơ̆ng Kâo bi êmut kheh hlăm sang arăng pia hŏng Anăn Kâo, čiăng bi mčhŏ gơ̆.

Y-Yêrêmi 32:35

Diñu mdơ̆ng leh anôk dlông kơ yang Baal hlăm tlung anak êkei Y-Hinôm, čiăng myơr kơ yang Môlok phung anak êkei leh anăn phung anak mniê diñu, wăt tơdah Kâo amâo tuôm mtă klei anăn kơ diñu, kăn tuôm mĭn kơ klei anăn rei, čiăng kơ diñu ngă klei Kâo bi êmut kheh anei, čiăng brei phung Yuđa ngă soh.

Y-Yêrêmi 7:30

“Kyuadah phung anak čô Yuđa ngă leh klei jhat ti anăp ală Kâo,” Yêhôwa lač; “Diñu dưm leh mnơ̆ng Kâo bi êmut kheh hlăm sang arăng pia hŏng Anăn Kâo, čiăng bi čhŏ gơ̆.

Y-Êsêkiêl 23:38

Wăt diñu ngă leh klei anei kơ Kâo: hlăm sa hruê diñu bi čhŏ adŭ doh jăk Kâo leh anăn bi msoh hruê sabat Kâo.

Y-Êsêkiêl 23:39

Kyuadah tơdah diñu bi mdjiê leh phung anak diñu jing mnơ̆ng ngă yang kơ rup yang diñu, hlăm hruê anăn diñu mŭt hlăm adŭ doh jăk Kâo čiăng bi čhŏ gơ̆. Anăn yơh klei diñu ngă leh hlăm sang Kâo.

Klei Mtô Mñă Klei Bhiăn 12:5

Ƀiădah brei diih duah anôk Yêhôwa Aê Diê srăng ruah ti krah jih jang găp djuê diih čiăng dưm anăn ñu leh anăn ngă anôk ñu dôk tinăn; ti anôk anăn yơh diih srăng nao,